January 15, 2021, Friday

शनिदेवधाममा आन्तरिक पर्यटकको चहलपहल बढ्याे

नयाँ विकल्प

सप्तरी- राम्रो र मनोरम ठाउँको खोजी भएका समयमा सप्तरीको उत्तरी क्षेत्रमा अवस्थित शनिदेव मन्दिर धार्मिक तथा पर्यटकीय क्षेत्रका रुपमा विकसित भइरहेको छ ।

विशेष गरी शनिबार यहाँ अधिकांश मानिस शनिदेव धार्मिक पर्यटक क्षेत्रमा पूजाआज गर्न र रमाइलो गर्न आउने हुँदा भीडभाड देखिएकाले चहलपहल बढेको छ । रुपनी गाउँपालिका–६ तेरहौतास्थित चुरे पहाडको जङ्गलमा अवस्थित शनिदेव मन्दिर धार्मिक तथा पर्यटकीय गन्तव्यका रुपमा विकसित भइरहको छ ।

चुरेभावरको काखमा अवस्थित शनिधाममा आन्तरिक पर्यटकको सङ्ख्यामा निकै वृद्धिसमेत भएको छ । अन्य दिनको तुलनामा प्रत्येक शनिबार धार्मिक पर्यटकको बिहानैदेखि घुइँचो निकै बाक्लो हुनेगरेको छ । मनमोहक दृष्यले भरिपूर्ण पूर्व–पश्चिम राजमार्गअन्तर्गत वीरेन्द्र बजारदेखि करिब तीन किलोमिटर उत्तरतर्फको चुरे जङ्गलमा अवस्थित उक्त शनिदेव धाममा नेपाल र भारतका दैनिक हजारौँ धार्मिक पर्यटक आउने गरेका छन् ।

कोरोना महामारीमा पर्यटकको चहलपहलमा कमी देखिए पनि सन् २०२१ शुरु हुनु अघिदेखि त्यहाँ आन्तरिक पर्यटकको चहलपहल बढन थालेको छ । शनिबार सरकारी बिदा भएकाले सरकारी कर्मचारी, नेता, व्यापारी, विद्यालयका शिक्षक, विद्यार्थी तथा सर्वसाधारण शनिधामस्थित शनिदेव मन्दिरमा पूजापाठ गर्न र घुमघामका लागि भीड लाग्ने गरेको राजविराजबाट प्रत्येक शनिबार शनिदेवको पूजा गर्न त्यहाँ जाने जिवछ दासले बताउए ।

मर्मतसम्भार र संरक्षणको अभावले मन्दिरको अस्तित्व सङ्कटमा पर्न थालेपछि तीन वर्षअघि नै नेपाली सेनाको सहयोगमा जीर्णोद्वार गरिएकाले पर्यटकको सङ्ख्या बढ्न थालेको हो । शनिधामको नामबाट परिचित यस मन्दिरमा आएर सात शनिबारसम्म पूजापाठ गरेमा मनोकाङक्षा पूरा हुने जनविश्वास छ । मन्दिरलाई अझै व्यवस्थित गर्न सकिए थप पर्यटक भित्र्याएर समग्र जिल्लाको विकास तथा समृद्धिमा टेवा पुग्नसक्ने मन्दिरका पूजारी भुपेन्द्र यादवले बताए ।

दैनिक हजारौँ भक्तजनको आवागमन हुन थाले पनि मन्दिरसम्म पुग्ने बाटोको समस्या रहेको छ । पहाडको टाकुरामा रहेको मन्दिर तथा बाटोमा घेरबार गर्न नसकिए पनि प्रायः यहाँ शनिबारका दिन मात्रै करीब चार÷पाँच हजार हराहारीमा पर्यटक पूजा गर्न, घुम्न तथा रामाइलो गर्न आउने गरेका छन् । विसं २०५६ चैत महिनामा सपनामा शमीको रुख देखेर सो रुख खोजी गर्ने क्रममा मन्दिर फेला परेपछि शनि दशा लगेकालाई ग्रहशान्ति गर्न थालिएको पण्डित सत्यनारायण साहको भनाइ छ ।

त्यसपछि शमीको रुखको जराले बेल, मिरचाइ, अमरा, फूल धाप, गजहर, साधानका रुखलाई चारैतिरबाट बेरिएकाले सात वृक्षको सङ्गम स्थानमा पूजा गर्नाले शनिदशाबाट मुक्ति पाइने जनविश्वास रहेको छ । उक्त मन्दिरमा श्रीकृष्णा दल गणका नेपाली सेनाको सहयोग तथा जनसहभागितामा १०८ शिवलिङ्ग र कलात्मकमूर्तिले पनि भक्तजनको ध्यान केन्द्रित गर्ने गरेको स्थानीयवासी वृजमान तामाङले जानकारी दिनुभयो । कालो पत्थरको शनिदेवको मूलप्रतिमा शमीको रुखमुनी स्थापित छ ।

उक्त मन्दिरको स्तरोन्नतिका लागि प्रदेश नं २ सरकारले आर्थिक वर्ष २०७६÷७७ को बजेटमा पक्की पर्खाल बनाउनका लागि रु २५ लाख रकम सहयोग गरेको रुपनी गाउँपालिकाले जनाएको छ । सो मन्दिर पुग्न एउटै नदी सात ठाउँमा घुमेर जानुपर्ने भएकाले तत्काल बाटोमा पुल निर्माण भएमा अझै पर्यटक तथा भक्तजन बढ्नसक्ने मन्दिरका पूजारी यादवको भनाइ थियो ।

सम्बन्धित समाचार

रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
  • २०७७ पुष २६, १४: १२: २२

नयाँ बिकल्प, काठमाडौं – लुम्बिनी प्रदेशको रुकुम पूर्वका जिल्ला समन्वय प्रमुख गजेन्द्रबहादुर वलीसहित पाँचजनालाई प्रहरीले जुवा खेलिरहेको अवस्थामा पक्राउ गरेको...

शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
  • २०७७ पुष २६, १४: १२: २२

नयाँ विकल्प,काठमाडौं – नेपाली कांग्रेसले प्रतिनिधि सभा विघटन गर्ने सरकारको कदम असंवैधानिक भएको भन्दै शनिबार देशका ७ सय ५३ वटै...

तङ्ग्रिदै छ पोखराको पर्यटन ब्यावसाय
तङ्ग्रिदै छ पोखराको पर्यटन ब्यावसाय
  • २०७७ पुष २६, १४: १२: २२

सिबी अधिकारी, रासस पाेखरा-राजधानी काठमाडौँपछिको प्रमुख पर्यटकीय क्षेत्रको रुपमा पोखरा कहलिएको छ । अनुपम प्राकृतिक सुन्दरता, भौगोलिक विविधता तथा सुन्दर...

भर्खरै

TOP