May 11, 2021, Tuesday

प्रतिनिधिसभा विघटनको मुद्धा बिचाराधिन रहेको भन्दै निर्वाचन पक्रिया रोक्न माग


नयाँ विकल्प,
काठमाडौं – प्रधानमन्त्री केपी शर्मा ओलीले प्रतिनिधिसभा विघटन गरी निर्वाचन गर्ने सिफारिस बद्धरको माग गर्दै दिएको रिटको सुनुवाई सर्वोच्च अदालतले गरिनसकेकाले निर्वाचनका कुनै पनि प्रक्रिया अघि नबढाउन निर्वाचन आयोगसमक्ष माग गरिएको छ ।

नेपाल कम्युनिष्ट पार्टी (नेकपा) पुष्पकमल दाहाल प्रचण्ड र माधवकुमार नेपाल समूहले सर्वोच्चमा बिचाराधिन विषय किनारा नलागेको अवस्थामा निर्वाचनका सम्पूर्ण तयारी रोख्न सोमबार निर्वाचन आयोग समक्ष माग गरेको हो ।

आगामी वैशाखमा हुने भनिएको मध्यावधि निर्वाचनको सम्पूर्ण क्रियाकलाप र गतिविधिहरूलाई रोक्न अनुरोधका लागि नेकपाको प्रचण्ड र नेपाल समूहका स्याथी समिति सदस्य लीलामणि पोखरेल, रघुजी पन्तले नेता प्रचण्ड र नेपाललाई लिएर निर्वाचन आयोग गएका हुन् ।

प्रचण्ड नेपाल पक्षले प्रमुख निर्वाचन आयुक्त दिनेशकुमार थापलियालगायत पदाधिकारीलाई भेटेर पार्टीको आधिकारिक पत्र बुझाएको छ । प्रधानमन्त्री तथा नेकपाका अध्यक्ष केपी शर्म ओलीको सिफारिसमा राष्ट्रपतिद्वारा पुस ५ गते प्रतिनिधिसभा विघटन गरी वैशाख १७ र २७ गते दुई चरणमा मध्यावधि निर्वाचन घोषणा भएको थियो ।

प्रधानमन्त्री केपी शर्मा ओलीले भने आगामी बैशाख १७ र २७ गते हुने प्रतिनिधिसभाको निर्वाचनको तयारी थाल्न निर्वाचन आयोगलाई अनुरोध गरिसकेको छ । सरकारको अनुरोध बमोजिम नै निर्वाचन आयोगले विभिन्न सरोकारवाला मन्त्रालय र सुरक्षा निकायका प्रतिनिधिसँग छलफल गरिरहेका छन् ।

सम्बन्धित समाचार

काेराेनाका कारण एकैदिन २२५ जनाकाे मृत्यु, संक्रमितकाे संख्या हाल सम्मकै उच्च
काेराेनाका कारण एकैदिन २२५ जनाकाे मृत्यु, संक्रमितकाे संख्या हाल सम्मकै उच्च
  • २०७७ पुष २७, १४: ००: ४८

नयाँ विकल्प, काठमाडाैं -नेपालमा एकैदिन हालसम्मकै धेरै संख्यामा कोरोना संक्रमण पुष्टि भएको छ भने मृत्यु संख्या पनि उच्च रहेको छ...

उपत्यकामा जेठ १३ गतेसम्म निषेधाज्ञा थपियाे,  थप कडाइ गर्ने निर्णय
उपत्यकामा जेठ १३ गतेसम्म निषेधाज्ञा थपियाे, थप कडाइ गर्ने निर्णय
  • २०७७ पुष २७, १४: ००: ४८

नयाँ विकल्प, काठमाडाैं- काठमाडौं उपत्यकामा निषेधाज्ञा १५ दिन थप भएको छ । काठमाडौं उपत्यकाका तीनवटै जिल्लाका प्रमुख जिल्ला अधिकारीको बैठकले...

लुम्बिनी प्रादेशिक अस्पतालमा उपचाररत १२ जना संक्रमितको मृत्यु
लुम्बिनी प्रादेशिक अस्पतालमा उपचाररत १२ जना संक्रमितको मृत्यु
  • २०७७ पुष २७, १४: ००: ४८

नयाँ विकल्प, बुटबल- लुम्बिनी प्रादेशिक अस्पतालको इमर्जेन्सीमा उपचाररत थप १२ जना कोरोना संक्रमितको मृत्यु भएको छ । मृत्यु हुनेमा ७...

भर्खरै

TOP