May 6, 2021, Thursday

मेला महोत्सव सञ्चालन गर्न दिनुपर्ने माग

नयाँ विकल्प

कैलाली- टीकापुर उद्योग वाणिज्य सङ्घले कोरोना भाइरस सङ्क्रमण जोखिमका कारण रोकिएको मेला महोत्सव सञ्चालन गर्न माग गरेको छ ।

विशेषगरी उद्योग वाणिज्य सङ्घले आयोजना गर्ने महोत्सव तथा व्यापार मेला सञ्चालनका लागि सरकारसँग आवश्यक समन्वय भइरहेको उद्योग वाणिज्य महासङ्घ सुदूरपश्चिम प्रदेशका उपाध्यक्ष रामबहादुर भण्डारीले जानकारी दिए । प्रतिनिधिसभा विघटनपछि सरकारको समर्थन र विरोधमा प्रायः दिनहुँ हुनथालेका प्रदर्शनले कोरोनाको सङ्क्रमणलाई बेवास्ता गरेकाले अब मेला महोत्सव रोक्नुको पनि कुनै तुक नरहेको भन्दै उनले कोरोनाका कारण आक्रान्त बनेको व्यवसायको बढावाका लागि भए पनि मेला महोत्सव गर्न पाउनुपर्ने माग गरे ।

टीकापुर उद्योग वाणिज्य सङ्घका अध्यक्षसमेत रहेका भण्डारीले कोरोना सङ्क्रमणकै जोखिमलाई हेरेर महोत्सवको मिति तय गर्न नसकिएको बताउँदै पछिल्लो परिस्थितिलाई हेर्दा सरकारले व्यवसायलाई मात्र मारमा पार्ने काम गर्दै आएको बताए । “कोरोनाको जोखिमकै कारण हामीले पनि महोत्सव सञ्चालनका लागि कुनै निर्णय गर्न सकेका छैनौँ ।

अहिले मेला महोत्सव सञ्चालनका लागि नेपाल उद्योग वाणिज्य महासङ्घले पहल शुरु गरेको छ”, अध्यक्ष भण्डारीले भने, “राजनीतिक दलका विरोध जुलुस, आमसभाले कोरोना सर्दैन । व्यावसायिकरुपमा हुने मेला महोत्सवले कोरोनाको जोखिम देख्ने सरकार व्यवसायीको हितमा छैन ।” उनले व्यवसायीमा कोरोनाले पारेको असर अब देखिन थालेको बताउँदै व्यवसायलाई चलायमान बनाउनका लागि सरकारले आर्थिक प्याकेजको व्यवस्था गर्नुपर्नेमा त्यसतर्फ गम्भीर नभएको बताए ।

“यो अवस्थामा मेला महोत्सव गर्न धेरै चुनौती छ । प्रायोजक र सहयोगी पाउनै मुश्किल छ”, अध्यक्ष भण्डारीले भने, “सरकारले मेला महोत्सवलाई मात्र रोकेर कोरोना नियन्त्रण हुन सक्ने अवस्था देखिएको छैन ।” कैलाली उद्योग वाणिज्य सङ्घका अध्यक्ष पुष्पराज कुँवरले सुदूरपश्चिम महोत्सव सञ्चालनका लागि बहस शुरु गरिएको बताउँदै फागुनसम्म भए पनि महोत्सव आयोजना गरिने बताएका छन् ।

“हामीले महोत्सव सञ्चालनका लागि प्रक्रिया शुरु गरेका छौँ”, उनले भने “सुदूरपश्चिम महोत्सव एक ब्राण्ड बनिसकेको छ । सरकार आफ्ना लागि जस्तोसुकै कदम चाल्न पनि पछि नहट्ने रहेछ । अहिलेको अवस्थालाई हेर्ने हो भने महोत्सव रोकेर कोरोना नियन्त्रण हुन सक्दैन ।” अध्यक्ष कुँवरले देशैभरीका अधिकांश उद्योग वाणिज्य सङ्घले महोत्सव आयोजना गर्न पाउनुपर्ने माग गर्दै आएको बताउँदै त्यसका लागि मेला महोत्सव व्यवसाय महासङ्घले सरकारसँग समन्वय गरिरहेको बताए ।

कैलालीका प्रमुख जिल्ला अधिकारी यज्ञराज बोहराले अहिले नै मेला महोत्सव सञ्चालन गर्न दिनेबारे कुनै पनि निर्णय नभएको बताए। उनले थारूको महान् चाड एवं नयाँ वर्षमा भने सामान्य जमघट भई कार्यक्रम गर्न सकिने बताए । “दशैँ तिहारको समयमा जस्तै थारू समुदायले पनि आफ्नो पर्व स्वास्थ्य मापदण्ड अपनाएर मनाउन सक्छन् ।

त्यसलाई हामीले छुट दिने भनेका छौँ”, प्रमुख जिल्ला अधिकारी बोहराले भने “अहिले नै मेला महोत्सवका लागि कुनै काम गर्न सकिने अवस्था छैन र मेला महोत्सव आयोजना गर्छु भनेर कोही पनि प्रशासनमा आएको पनि छैन ।” उनले मेला महोत्सव सञ्चालनका लागि कुनै संस्था वा समूह आएको अवस्थामा त्यहीअनुसारको निर्णय गर्न सकिने बताउँदै अहिले नै सबै खुला भयो भनेर भन्न नसकिने अवस्था रहेको उनले बताए ।

सम्बन्धित समाचार

पछिल्लाे २४ घण्टामा ९ हजार ७० काेराेना संक्रमित थपिए ५४ जनाकाे मृत्यु
पछिल्लाे २४ घण्टामा ९ हजार ७० काेराेना संक्रमित थपिए ५४ जनाकाे मृत्यु
  • २०७७ पुष २७, १४: ४१: ५३

नयाँ विकल्प, काठमाडाैं- देशभर पछिल्लो २४ घण्टामा गरिएकाे परिक्षणमा ९०७० जनामा कोरोना भाइरस संक्रमण पुष्टि भएको छ । स्वास्थ्य तथा...

गण्डकीका मुख्यमन्त्री गुरूङविरूद्धको अविश्वास प्रस्तावमा वैशाख २७ गते मतदान हुने
गण्डकीका मुख्यमन्त्री गुरूङविरूद्धको अविश्वास प्रस्तावमा वैशाख २७ गते मतदान हुने
  • २०७७ पुष २७, १४: ४१: ५३

नयाँ विकल्प, काठमाडाैं-गण्डकी प्रदेश सरकारविरुद्ध विपक्षी दलहरुले ल्याएको अविश्वास प्रस्तावमा वैशाख २७ गते मतदान हुने भएको छ। प्रदेश सभा संचालनका...

वरिष्ठ गायक तथा संगीतकार प्रेमध्वज प्रधानको निधन
वरिष्ठ गायक तथा संगीतकार प्रेमध्वज प्रधानको निधन
  • २०७७ पुष २७, १४: ४१: ५३

नयाँ विकल्प, काठमाडाैं-गायक तथा संगीतकार प्रेमध्वज प्रधानको निधन भएको छ। काठमाडौंको सुन्धारास्थित न्युरो अस्पतालमा उपचारको क्रमा बिहीबार दिउँसो उनको निधन...

भर्खरै

TOP