May 6, 2021, Thursday

मुख्यमन्त्री राई र तीन मन्त्रीसहित ८ सांसद निलम्बन !

नयाँ बिकल्प,
बिराटनगर – प्रदेश १ का मुख्यमन्त्री शेरधन राई र तीन राज्य मन्त्रीसहितका ८ सांसदलाई पदबाट निलम्बन गरिएको छ ।

नेपाल कम्युनिष्ट पार्टी (नेकपा) पुष्पकमल दाहाल प्रचण्ड र माधवकुमार नेपाल समूहको संसदीय दलको बैठकले मुख्यमन्त्री शेरधन राईसहितका आठजनालाई सांसद पदबाट निलम्बन गरेको हो ।
सो समूहले राईसहितलाई सांसद पदबाट निलम्वन गरेको निर्णय गरेको पत्र प्रदेशसभामा मंगलबार दर्ता गरेको छ ।

प्रदेशसभाका सचिव गोपालप्रसाद पराजुलीका अनुसार उक्त पत्रमा मुख्यमन्त्री शेरधन राई, आन्तरिक मामिला तथा कानुनमन्त्री हिक्मत कार्की, भूमि कृषि तथा सहकारी राज्यमन्त्री रामबहादुर मगर र भौतिक पूर्वाधार राज्यमन्त्री अम्बिरबाबु गुरुङलाई निलम्वन गरिएको छ ।

त्यस्तै, प्रमुख सचेतक बुद्धिकुमार राजभण्डारी, न्याय प्रशासन तथा विधायन समिति सभापति इन्द्रमणि पराजुली, प्रदेश सांसद अम्बिका थापा र विमल कार्कीलाई सांसद पदबाट तीन महिनाका लागि निलम्बन गरिएको जनाइएको छ ।

मुख्यमन्त्री शेरधन राईविरुद्ध अविश्वासको प्रस्ताव दर्ता भएपछि सो प्रस्तावमा हस्ताक्षर गर्ने ३७ सांसदलाई प्रमुख सचेतकले स्पष्टिकरण मागेका थिए । त्यसपछि अविश्वास प्रस्तावमा हस्ताक्षर गर्ने र चित्तबुझ्दो जवाफ नफर्काउने प्रचण्ड–नेपाल समूहका १६ जना सांसदलाई मुख्यमन्त्री राईले निलम्बनको घोषणा गरेका थिए ।

सो व्यहोराको पत्र पनि संसद सचिवालयमा दर्ता छ । मुख्यमन्त्रीविरुद्ध अविश्वासको प्रस्ताव दर्तापछि दुई समूहबीच कारबाहीको दोहोरी चलेको हो । यसअघि संसदीय दलको नेताबाट पनि मुख्यमन्त्री राईलाई हटाइएको थियो । त्यसपछि आचार्यलाई सो समुहले दलको नेता चयन गरेको हो ।

यता ओली समूहले भने मुख्यमन्त्री राईलाई नै पार्टीको विधान अनुसार संसदीय दलको नेता रहने र उनले गरेका निर्णय नै आधिकारिक हुने बताउँदै आएको छ । सो समूहको संसदीय दलले मुख्यमन्त्री शेरधन राईलाई सम्बोधन गर्दै पठाएको पत्रमा पुस २६ गतेबाट निलम्बन लागू भएको उल्लेख गरेको छ ।

उक्त निलम्बन पत्रमा संसदीय दलको कुनै पनि बैठकमा सहभागी नभएको, पार्टी हित विपरीत काम गरेको अभियोग लगाइएको छ । प्रचण्ड–नेपाल समुहले २५ गते शनिबार निलम्बन गरिएको पत्र सबैलाई पठाएको जनाएको छ ।
प्रचण्ड–नेपाल समुहले निलम्बन गरेका सबै सांसदसहित मुख्यमन्त्री शेरधन राई ओली समूहका हुन् । निलम्बन गरेको जानकारी पत्रमा उक्त समुहले तोकेका संसदीय दलका नेता भीम आचार्यले हस्ताक्षर गरेका छन् ।

सम्बन्धित समाचार

पछिल्लाे २४ घण्टामा ९ हजार ७० काेराेना संक्रमित थपिए ५४ जनाकाे मृत्यु
पछिल्लाे २४ घण्टामा ९ हजार ७० काेराेना संक्रमित थपिए ५४ जनाकाे मृत्यु
  • २०७७ पुष २८, १२: ५७: २९

नयाँ विकल्प, काठमाडाैं- देशभर पछिल्लो २४ घण्टामा गरिएकाे परिक्षणमा ९०७० जनामा कोरोना भाइरस संक्रमण पुष्टि भएको छ । स्वास्थ्य तथा...

गण्डकीका मुख्यमन्त्री गुरूङविरूद्धको अविश्वास प्रस्तावमा वैशाख २७ गते मतदान हुने
गण्डकीका मुख्यमन्त्री गुरूङविरूद्धको अविश्वास प्रस्तावमा वैशाख २७ गते मतदान हुने
  • २०७७ पुष २८, १२: ५७: २९

नयाँ विकल्प, काठमाडाैं-गण्डकी प्रदेश सरकारविरुद्ध विपक्षी दलहरुले ल्याएको अविश्वास प्रस्तावमा वैशाख २७ गते मतदान हुने भएको छ। प्रदेश सभा संचालनका...

वरिष्ठ गायक तथा संगीतकार प्रेमध्वज प्रधानको निधन
वरिष्ठ गायक तथा संगीतकार प्रेमध्वज प्रधानको निधन
  • २०७७ पुष २८, १२: ५७: २९

नयाँ विकल्प, काठमाडाैं-गायक तथा संगीतकार प्रेमध्वज प्रधानको निधन भएको छ। काठमाडौंको सुन्धारास्थित न्युरो अस्पतालमा उपचारको क्रमा बिहीबार दिउँसो उनको निधन...

भर्खरै

TOP