January 16, 2021, Saturday

विराटनगर बिमानस्थल बिस्तार गर्ने निर्णयपछि संघर्ष समिति गठन


नयाँ विकल्प,

विराटनगर – प्रदेश नं १ को राजधानी विराटनगरको विमानस्थललाई विस्तार गरी क्षेत्रिय बिमानस्थल बनाउनको लागि जमिन अधिग्रहण गरिने क्षेत्रका बासिन्दाले उचित क्षतिपूर्ति र मुआब्जाको माग गर्दै १५ सदस्यीय संघर्ष समिति गठन गरेका छन् ।

क्षेत्रीयस्तरको विमानस्थल निर्माण गर्न एक सय २६ बिघा जग्गा अधिग्रहण गर्ने सरकारको निर्णयपछि स्थानीयले उचित मुआब्जा र क्षतिपूर्तिको माग गर्न सोमबार वेदराज पौडेलको संयोजकत्वमा विराटनगर विमानस्थल पीडित संघर्ष समिति गठन गरेका हुन् ।

सरकारले विमानस्थल विस्तार गर्न हालै बाउण्ड्री सर्भे गरीसकेको छ । विराटनगर महानगरपालिका–४ मा रहेको विमानस्थलको चारैतिर विस्तार गर्दा झण्डै तीन सय घर –परिवार विस्थापित हुने संघर्ष समितिले जनाएको छ ।

संघर्ष समितिले राज्यबाट पाउने क्षतिपूर्ति न्यायसंगत र व्याबहारिक हुनुपर्ने भन्दै मुआब्जा दिएर घर जमिन खाली गर्नु पर्ने मिति, क्षतिपूर्तिका आधारहरु र आधा घर र आधा जमिन मात्रै परेकाको हकमा कस्तो क्षतिपूर्ति दिने भन्ने स्पस्ट पार्न माग गरेको छ ।

अन्तर्राष्ट्रिय स्तरको विमानस्थल निर्माण गर्ने उदेश्य साथ बिस्तार भएको विराटनगर विमानस्थलको चारैतर्फको एक सय २६ विघा जमिन अधिग्रहण गर्नु पर्ने भनी सर्भे सम्पन्न भइसकेको छ । हाल विमानस्थलले विराटनगर महानगरपालिका–४ को क्षेत्रफल ओगटेको छ ।

बिमानस्थल बिस्तार भएपछि पश्चिम तर्फ सुनसरी जिल्लाको बर्जु गाउँपालिकासम्म पुग्ने छ । हाल विमानस्थल धावनमार्गको पश्चिम छेउमा वुढी खोला पर्छ । खोलादेखि पश्चिम तर्फ पनि बिमानस्थलको लागि जग्गा अधिग्रहण गर्न लागिएको हो ।

यसअघि कात्तिक २७ मा विमानस्थल विस्तारका लागि आवश्यक पर्ने १२६ बिघा जग्गा अधिग्रहण गर्ने निर्णय मन्त्रिपरिषदले गरेको थियो । विस्तार हुँदा विमानस्थलको धावनमार्गको लम्बाइ दुई हजार पाँच सय मिटर लामो हुने छ ।

हालको धावनमार्ग एक हजार पाँच सय मिटरको छ । साबिक विमानस्थललाई विस्तारका लागि पूर्वतर्फ ७ । ८३ बिघा, पश्चिमतर्फ ६९ । १४ बिघा, उत्तरतर्फ ३५ । ८१ बिघा र दक्षिणतर्फ ८ । ८७ बिघा तथा सडकका लागि ३ । ७० बिघा जग्गा अधिग्रहण गर्नुपर्ने बताइएको छ ।

सम्बन्धित समाचार

रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
  • २०७७ पुष २८, १६: २४: ५२

नयाँ बिकल्प, काठमाडौं – लुम्बिनी प्रदेशको रुकुम पूर्वका जिल्ला समन्वय प्रमुख गजेन्द्रबहादुर वलीसहित पाँचजनालाई प्रहरीले जुवा खेलिरहेको अवस्थामा पक्राउ गरेको...

शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
  • २०७७ पुष २८, १६: २४: ५२

नयाँ विकल्प,काठमाडौं – नेपाली कांग्रेसले प्रतिनिधि सभा विघटन गर्ने सरकारको कदम असंवैधानिक भएको भन्दै शनिबार देशका ७ सय ५३ वटै...

तङ्ग्रिदै छ पोखराको पर्यटन ब्यावसाय
तङ्ग्रिदै छ पोखराको पर्यटन ब्यावसाय
  • २०७७ पुष २८, १६: २४: ५२

सिबी अधिकारी, रासस पाेखरा-राजधानी काठमाडौँपछिको प्रमुख पर्यटकीय क्षेत्रको रुपमा पोखरा कहलिएको छ । अनुपम प्राकृतिक सुन्दरता, भौगोलिक विविधता तथा सुन्दर...

भर्खरै

TOP