January 16, 2021, Saturday

युट्युबले अमेरीकी राष्ट्रपति डोनाल्ड ट्रम्पलाई प्रतिबन्ध लगायाे

नयाँ विकल्प

एजेन्सी- गुगलले अमेरिकी राष्ट्रपति डोनाल्ड ट्रम्पलाई युट्युबमा पनि प्रतिबन्ध लगाएको छ । गुगलले ट्रम्पलाई प्रतिबन्ध लगाउनुका साथै वाइट हाउसलाई पनि चेतावनी दिएको छ । ट्रम्पले गुगलको नीति उल्लंघन गरेपछि ७ दिनसम्म उनलाई भिडियो अपलोड गर्न प्रतिबन्ध लगाएको हो । ट्रम्पका भिभियोहरुमा कमेन्ट गर्नलाई पनि प्रतिबन्ध लागेको छ ।

गुगलले ट्रम्पको कुन भिडियोले नीति उल्लंघन गरेको भन्ने विषयमा भने प्रस्ट पारेको छैन । तर उनले भिडियोमा हिंसा भट्काउने किसिमको अभिव्यक्ति दिएको गुगलले बताएको छ । राष्ट्रपति डोनाल्ड ट्रम्पको युट्युब एकाउन्टमा २० लाख ७७ हजार भन्दा बढी फलोअर्स रहेका छन् । ट्रम्पले दैनिक आफू स्वयं र आफूलाई समर्थन गर्ने मिडियाहरुका विभिन्न भिडियोहरु आफ्नो एकाउन्टमा राख्दै आएका छन् ।

यता, टुइटर र फेसबुकले यसअघि नै डोनाल्ड ट्रम्पलाई प्रतिबन्ध लगाइसकेका छन् । टुइटरले स्थायी रुपमै ट्रम्पको एकाउन्ट बन्द गरेको छ । यद्दपि, ट्रम्पले एक सरकारी खातामार्फत शुक्रबारसम्म टुइट गरिरहेका थिए । टुइटरले उक्त सरकारी खातामा पनि प्रतिबन्ध लगाइसकेको छ ।

गुगलले पनि शुक्रबार आफ्नो ‘पार्लर’ नामक सामाजिक सञ्जाल एपलाई प्लेस्टोरबाट हटाइसकेको छ । ट्रम्पका समर्थकहरु माझ चर्चित रहेको उक्त एपलाई हटाएपछि एन्ड्रोइड प्रयोगकर्ताहरुले डाउनलोड गर्न पाएका छैनन् । युट्युबका भिडियोहरु अन्य विभिन्न माध्यमहरुमा सेयर गर्न मिल्ने भएकाले यसको पहुँच ठूलो समूहसम्म पुग्ने गर्दछ । तर त्यसमा पनि प्रतिबन्ध गलाइएपछि ट्रम्पलाई आफ्ना समर्थकहरुसम्म पुग्न समस्या भएको छ ।

सम्बन्धित समाचार

रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
रुकुम पूर्वका जिल्ला समन्वय प्रमुख वलीसहित ५ जना जुवा खालबाट पक्राउ
  • २०७७ पुष २९, १४: ३२: १७

नयाँ बिकल्प, काठमाडौं – लुम्बिनी प्रदेशको रुकुम पूर्वका जिल्ला समन्वय प्रमुख गजेन्द्रबहादुर वलीसहित पाँचजनालाई प्रहरीले जुवा खेलिरहेको अवस्थामा पक्राउ गरेको...

शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
शनिबार ७५३ स्थानीय तहमा हुने विरोध प्रदर्शनमा सहभागी हुन कांग्रेसको अपिल
  • २०७७ पुष २९, १४: ३२: १७

नयाँ विकल्प,काठमाडौं – नेपाली कांग्रेसले प्रतिनिधि सभा विघटन गर्ने सरकारको कदम असंवैधानिक भएको भन्दै शनिबार देशका ७ सय ५३ वटै...

तङ्ग्रिदै छ पोखराको पर्यटन ब्यावसाय
तङ्ग्रिदै छ पोखराको पर्यटन ब्यावसाय
  • २०७७ पुष २९, १४: ३२: १७

सिबी अधिकारी, रासस पाेखरा-राजधानी काठमाडौँपछिको प्रमुख पर्यटकीय क्षेत्रको रुपमा पोखरा कहलिएको छ । अनुपम प्राकृतिक सुन्दरता, भौगोलिक विविधता तथा सुन्दर...

भर्खरै

TOP