May 14, 2021, Friday

बालिका छाडेर जाङ्बुसँग मुख्यमन्त्री राई अनमेल विवाह गर्ने तयारीमा

विवाह बन्धनमा वाँधिदै मुख्यमन्त्री राइ र मिस मंगाेल २०१८ की विजेता जाङ्वु शेर्पा


नयाँ बिकल्प,
विराटनगर – कुनै बेला कानून निर्माण गर्ने सर्वोच्च थलो व्यवस्थापिका संसदको सदस्य समेत रहेका प्रदेश नम्वर १ का मुख्यमन्त्री शेरधन राई कानून विपरित अनमेला बिबाहको तयारीमा छन् ।

४९ वर्षे उमेरका मुख्यमन्त्री राईले संखुवासभाकी २२ वर्षे एक युवतीसँग आगामी माघ ११ गते बिबाह गर्न लागेका हुन् । आफूभन्दा २७ वर्ष कम उमेरकी ति युवति भने मिस मंगोल २०१८ की विजेता जाङ्बु शेर्पा हुन् ।

मुख्य मन्त्री राईको माघ ११ गते काठमाडौंमा विवाह हुने उनको सचिवालयले जनाई सकेको छ । सर्वसाधरण कुनै नागरिकले यसरी अनमेल बिबाह गरेको हुन्थ्यो भने यतिबेला झ्लाखानामा बास हुने थियो होला । तर, राई उच्च पदस्त र प्रभावशाली भएकै कारण कानूनले छुने कुरै भएन ।

विवाह गर्ने महिला र पुरुषबीच उमेरको अन्तर सामान्यतया २० भन्दा फरक हुन नहुने प्रावधान मुलुकी ऐनमा छ । तर, राईलाई यस्तो ऐनले छुने अवस्था देखिँदैन् ।

मिस मंगोल २०१८ को ताज विजेता शेर्पासँग हुने विवाहमा नेकपाका सीमित नेताहरू, निकट मित्र र पारिवारिक सदस्यहरू मात्र सहभागी हुने बताईएको छ । किशोर उमेरदेखि नै राजनीतिमा सक्रिय राईले मोडलसँग विवाह गर्न लागेका हुन् ।

मिस मङ्गाेलकाे ताज पहिरिएपछि

राईले मुख्यमन्त्री भएपछि मात्रै विवाह गर्ने प्रतिबद्धता जनाएका थिए । पछिल्लो समयमा उनले प्रदेश १ को नामकरणपछि मात्र विवाह गर्ने बताएका थिए । तर, प्रदेशको नामकरण अझै हुन सकेको छैन । शेर्पाका माता र पीता भने संयुक्त राज्य अमेरिकामा बस्छन् ।

मुख्य मन्त्री राईले विवाह गर्न लागेकी युवति शेर्पाले पिछडिएका क्षेत्रका विद्यालय जान नपाएका बालबालिकालाई छात्रबृत्ति दिनको लागि कोषको संचालन गरेकी छन् । उनले आर्थिक अवस्था कमजोर भएका कारण विद्यालय जान नसकेका बालबालिकालाई आर्थिक र अन्य सहयोग गर्दै आएकी छन् ।

मिस मंगाेल २०१८ की विजेता जाङ्वु शेर्पा

आफूभन्दा २७ वर्ष कम उमेरकी जाङ्वुसँग विवाह गर्न लागेका राईमाथि तत्कालिन नेकपा एमालेककी युवा संघकी नेतृ बालिका खड्काले आफूमाथि शारिरीक शोषण भएको बताउँदै आएकी छन् ।

तत्कालिन प्रधानमन्त्री केपी शर्मा ओलीको सचिवालयमा कार्यरत रहेकै बेला २०७२ सालमा बालिकालाई आफूलाई बिबाह गर्ने भनेर राईले शारिरीक शोषण गरेको भन्दै गुनासो गरेकी थिइन् । उनको उजुरी प्रहरीले लिन मानेको थिएन् ।

मिस मंगाेल २०१८ की विजेता जाङ्वु शेर्पा थाइल्याण्डकाे पतायामा

सचिवालयमै रहेका बेला राईमाथि यस्तो आरोप लागेपछि खड्कालाई प्रधानमन्त्रीको सचिवालयबाट हटाइएको थियो । दोलखा स्थायी घर भएकी खड्काले आफूलाई मुख्यमन्त्री राईले विवाह गर्नु पर्ने माग गर्दै आएकी थिइन् । तर, प्रहरीले राईको दबाबामा उनको उजुरी आजसम्म लिएको छैन् ।

गृह जिल्ला भोजपुर भएका राईलाई राष्ट्रपति विद्यादेवी भण्डारीले माईति घर ‘भोजपुर’ भएकै आधारमा राजनीतिक संरक्षण गर्दै आएको नेकपाका नेताहरु बताउँछन् । २०५६ को प्रतिनिधिसभा निर्वाचनमा २८ वर्षकै उमेरमा सांसद भएपछि राई चर्चामा आएका थिए ।

मिस मंगाेल २०१८ की विजेता जाङ्वु शेर्पा नेकपाका नेता याेगेश भट्टराइसँग तस्विर लिँदै ।

सम्बन्धित समाचार

शुक्रबार थपिए काेराेनाका ८ हजार ५२० जना नयाँ संक्रमित, २०३ को मृत्यु
शुक्रबार थपिए काेराेनाका ८ हजार ५२० जना नयाँ संक्रमित, २०३ को मृत्यु
  • २०७७ माघ ४, १३: ३८: ५५

नयाँ विकल्प, काठमाडाैं- शुक्रबार थप ८ हजार ५२० जनामा कोरोना पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४...

जसपाकाे संसदीय दलकाे नेतामा राजेन्द्र महतो चयन
जसपाकाे संसदीय दलकाे नेतामा राजेन्द्र महतो चयन
  • २०७७ माघ ४, १३: ३८: ५५

नयाँ विकल्प, काठमाडाैं- जनता समाजवादी पार्टी (जसपा) महन्थ ठाकुर पक्षले राजेन्द्र महतोलाई संसदीय दलको नेता चयन गरेको छ । बिहीबार...

देउवाको दनक ओली वा नेपाललाई, भोट बादल कि देवकोटालाई ?
देउवाको दनक ओली वा नेपाललाई, भोट बादल कि देवकोटालाई ?
  • २०७७ माघ ४, १३: ३८: ५५

नयाँ बिकल्प,काठमाडौं । पार्टीको आन्तरिक जीवन र बहुदलिय प्रतिष्पर्धात्मक राजनीतिमा समेत आफ्ना सहयात्री र कार्यकर्तालाई भन्दा अन्य दलका नेतासँग सम्वन्ध...

भर्खरै

TOP