February 25, 2021, Thursday

प्रतिनिधिसभा विघटनको बिरुद्ध जनता समाजवादीको ७७ जिल्लामा बिरोध सभा


नयाँ विकल्प,
काठमाडौं – प्रतिनिधिसभा विघटन गर्ने प्रधानमन्त्री केपी शर्मा ओलीको कदम असंवैधानिक भएको भन्दै विपक्षी जनता समाजवादी पार्टी नेपालले जदेशका सबै जिल्लामा बुधबार विरोध प्रदर्शन गरेको छ ।

जसपा नेपालले सरकारको कदम असंवैधानिक, अलोकतान्त्रिक र प्रतिगमनकारी भएको भन्दै दोस्रो चरणको अन्तिम दिनको बिरोध प्रदर्शन र बिरोधसभा कार्यक्रम सम्पन्न गरेको हो ।

जसपाका अध्यक्ष उपेन्द्र यादव र नेता राजेन्द्र महतोले राजविराजमा, डा. बाबुराम भट्टराईले धनगढीमा, असोक राईले विर्तामोडमा, शरतसिंह भण्डारीले विराटनगरमा र राजेन्द्र श्रेष्ठले कपिलबस्तुमा आयोजित विरोध सभालाई संवोधन गरेका थिए ।

महामन्त्री केशव झाले ललितपुरको लगनखेल बसपार्कमा ललितपुर जिल्लाद्वारा आयोजित कार्यक्रममा (सरकारले प्रतिनिधि सभा विघटन गरेर असंवैधानिक, अलोकतान्त्रिक र प्रतिगमनकारी कदम चालेको भन्दै त्यसका विरुद्ध पार्टीदले देशव्यापी विरोध प्रदर्शन गरेको बताए ।

‘लोकतन्त्रमा अदालतलाई सबै नागरिकले सम्मान गर्नुपर्छ । तर न्यायमुर्तीहरु जो हाम्रो समाजको हिस्सा हुनुहुन्छ उहाँहरुले जुन आसयका साथ बहसको दौरान आजभोलि प्रश्न गरिरहनु भएको छ, त्यसले आमजनमानसमा शंकाहरु उब्जिन थालेको छ ।’

उनले पार्टीको विश्वास संविधानको मर्म र भावना अनुसार नै फैसला आउने छ भन्ने रहेको बताए ।
प्रधानमन्त्रीजीले जनताको सार्वभौम अधिकार जो अहिले हनन गर्नु भएको छ, राजा बनेर त्यसको लागि जनतासँग ढिला नगरी माफी माग्नु पर्ने भन्दै झाले संवैधानिक संकट निम्त्याउन ओलीले भूमिका खेलेको बताए ।

‘संविधान नै नमान्ने प्रधानमन्त्रीले चुनाव के गर्ला ?’ भनेर जनताले ओलीलाई विश्वास नगरेको भन्दै नेता झाले ५ वर्षको मतादेश पाएको सरकारलाई तीन वर्षमै चुनावा किन चाहियो ? भनी प्रश्न गरे ।
‘अहिले निर्वाचन आयोगलाई हामी खबरदार गर्न चाहन्छौं ।असंवैधानिक तरिकाले घोषणा भएको चुनावको तैयारीको नाममा राज्यको ढुकुटी रित्याउन तर्फ नलाग्नुस । नत्र जनताले तपाईंलाई पनि बाँकी राख्दैनन्’ उनले भने ।

कामचलाउ सरकारका प्रधानमन्त्रीले सरकार बिस्तार गर्न नपाउने भन्दै झाले देशमा समस्यै समस्या निम्त्याएर कसैले प्रश्न नगरोस भनेर राजा र तानाशाह हुन खोजेको आरोप लगाए । जसपाले पुस २५,२७ , २९ गते तथा माघको ३ गते मुलुकको प्रमुख ६ स्थानमा विशाल बिरोध सभाहरु आयोजना गरेको थियो ।

सम्बन्धित समाचार

विघटनबिरुद्ध अन्तरिम आदेश नदिएकाले अदालतको आदेश पर्खौं भनेको हुँ – देउवा
विघटनबिरुद्ध अन्तरिम आदेश नदिएकाले अदालतको आदेश पर्खौं भनेको हुँ – देउवा
  • २०७७ माघ ७, १७: २८: ४१

नयाँ बिकल्प,काठमाडौं – नेपाली कांग्रेसका सभापति शेरबहादुर देउवाले प्रतिनिधिसभा विघटन गर्ने प्रधानमन्त्री केपी शर्मा ओलीको कदम बिरुद्ध सर्वोच्च अदालतमा परेको...

ओली पक्षकाे बालुवाटार भेलाः   ताेकिएकाे समयमा भित्र संसद बैठक बाेलाउने निर्णय
ओली पक्षकाे बालुवाटार भेलाः ताेकिएकाे समयमा भित्र संसद बैठक बाेलाउने निर्णय
  • २०७७ माघ ७, १७: २८: ४१

नयाँ विकल्प काठमाडाैं- प्रधानमन्त्री केपी शर्मा ओली नेतृत्वको नेपाल कम्युनिष्ट पार्टीले सर्वोच्च अदालतको संसद पूर्नस्थापनागर्ने निर्णयको सम्मान गरेको छ ।...

प्रतिनिधिसभा पुनर्स्थापनापछि देउवासँग प्रचण्ड–माधवको  छलफल
प्रतिनिधिसभा पुनर्स्थापनापछि देउवासँग प्रचण्ड–माधवको छलफल
  • २०७७ माघ ७, १७: २८: ४१

नयाँ विकल्प काठमाडौं – नेपाली कांग्रेसका सभापति शेरबहादुर देउवासँग नेपाल कम्युनिष्ट पार्टी (नेकपा)का प्रचण्ड–नेपाल समूहका अध्यक्षद्वय पुष्पकमल दाहाल प्रचण्ड र...

भर्खरै

TOP