May 17, 2021, Monday

इनुलाई सर्वोत्कृष्ट फेशन डिजाइनर अवार्ड

काठमाडौं । ‘कला संस्कृतिको सम्मान, हाम्रो एक अभियान’ भन्ने मूल नारासहित ‘वुमन्स एरा एण्ड मिडिया ग्रुप नेपाल’द्वारा आयोजित ‘हिमालयन अन्तर्राष्ट्रिय अवार्ड–२०२१’ विशेष समारोहबीच सम्पन्न भएको छ ।

चर्चित र लोकप्रिय फेसन डिजाइनर इनु थापाले यस वर्षको ‘सर्वोत्कृष्ट फेशन डिजाइनर अवार्ड’ हात पारेकी छिन् । कार्यक्रममा संगीत र कला क्षेत्रमा लामो समय योगदान पुर्याउने विभिन्न व्यक्तित्वहरूलाई सम्मान गरियो ।

वुमेन्स ग्रुपकी अध्यक्ष प्रतिमा राईको सभापतित्व र अवार्ड कार्यक्रमका अध्यक्ष गणेश सुवेदीको सभापतित्वमा भएको कार्यक्रममा निर्माता संघका अध्यक्ष तथा नेपाल उद्योग बाणिज्य संघका नवनिर्वाचित केन्द्रीय सदस्य आकाश अधिकारी, गीतकार संघका उपाध्यक्ष वसन्त वित्यासी थापा, चलचित्र कलाकार संघका उपाध्यक्ष मोहन निरौला, बरिष्ठ कलाकार लय संग्रौला, नेपाल टेलिभिजनकी नायव महाप्रवन्धक आरती चटौत, बरिष्ठ हास्य कलाकार उत्तम केसी, गायक सीताराम पोखरेललगायतका अतिथिहरूले सम्मान तथा अवार्ड विजेताहरूको खुलेर प्रसंशा गरेका थिए ।

समारोहमा अतिथिहरूले कला संस्कृतिका सर्जकहरूको सम्मानका लागि गरिएको यस्ता अवार्डले यसमा संलग्न सर्जकहरूलाई अझ प्रोत्साहन मिल्ने बताए । अवार्ड विजेता इनुले आफू गौरवान्वित भएको बताउँदै– ‘यस पुरस्कारले ममाथि अझै जिम्मेवारी थपिएको महशुस गरेको बताईन् ।’

उसो त फेसन डिजाइनर इनु फेसन डिजाइनरको माग र इज्जतसमेत बढ्दो देखेर नै करिब एक दशकअघि यस क्षेत्रमा औपचारिक प्रवेश गरेकी हुन् । नेपाली फेसन डिजाइनर हुनुको गर्व, समाज–राष्ट्रप्रतिको जिम्मेवारी, उत्तरदायित्व साबित गरेको उनले भनिन् ।

आफ्नो निःस्वार्थ गन्तव्यको पाइला अघि बढाउूदै शिखरतर्फको यात्रामा गौरवमय व्यक्तित्व बनाउने उनको लक्ष्य रहेको छ ।

पहिलेबाटै एउटै उद्देश्य बोकेर अनवरत रूपमा अघि बढिरहेकी छन् । भगवान्ले पनि ‘तँ आँट् म पु¥याउँछु’ भन्छन् रे, हो, यस्तै भयो उनी भन्छिन् । अर्थात् पर्दा पछाडि रहेर ‘सेलिबे्रटी’लाई थप सुन्दर÷सुन्दरी बनाउन ठूलो भूमिका खेलेकी लोकप्रिय फेसन डिजाइनर हुन् । जहाँ ‘सेलिब्रेटी’हरूको चर्चा हुन्छ– त्यहाँ स्वतः इनुको नाम जोडिन्छ ।

त्यसैले होला– देशभित्र मात्रै होइन, उनको फेसन डिजाइन कलाको विदेशमा पनि उत्तिकै माग, चर्चा–प्रशंसा छ । त्यसैले त राष्ट्रिय स्तरमा सम्पन्न विभिन्न प्रतियोगितामा भाग लिएर धेरै संस्थाबाट अभिनन्दन, पुरस्कार र अवार्ड सहित सम्मानित छिन् इनु ।

हाल इनु आफ्नो पेशागत अनि विभिन्न सामाजिक संस्थामा आबद्ध छिन् । मुख्यतः अल–तिजारा बुटिक प्रा.लि. को अध्यक्ष, वैदिक टुर्स एण्ड ट्राभल्सको प्रबन्ध निर्देशक, नेपाल जेसिसको तर्फबाट नेपालका लागि कार्यक्रम संयोजक, बालबालिकाको हितमा काम गर्ने संस्था किवानिस नेपाल होराइजनकी उपाध्यक्ष रहेकी छिन् ।

सम्बन्धित समाचार

पत्रकार कार्कीको उपचारको क्रममा निधन
पत्रकार कार्कीको उपचारको क्रममा निधन
  • २०७७ माघ १९, १२: ५४: २८

नयाँ बिकल्प,ललितपुर । नेपाल प्रेस युनियन ललितपुर जिल्ला समितिका संस्थापक अध्यक्ष तथा अग्रज पत्रकार बटुकृण कार्कीको सोमबार धापाखेलस्थित समेरु अस्पतालमा...

समालोचक सुवेदीको कोरोना संक्रमणबाट निधन
समालोचक सुवेदीको कोरोना संक्रमणबाट निधन
  • २०७७ माघ १९, १२: ५४: २८

नयाँ बिकल्पकाठमाडौं — बरिष्ठ समालोचक राजेन्द्र प्रसाद सुवेदीको कोरोना भाइरसको संक्रमणबाट सोमबार बिहान शहिद गंगालाल राष्ट्रिय हृदय केन्द्रमा निधन भएको...

काेराेनाका ९,२४७ नयाँ संक्रमित थपिए , २१४ जनाको मृत्यु
काेराेनाका ९,२४७ नयाँ संक्रमित थपिए , २१४ जनाको मृत्यु
  • २०७७ माघ १९, १२: ५४: २८

नयाँ विकल्पकाठमाडाैं- कोरोना भाइरस संक्रमणका कारण एकै दिन २१४ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो...

भर्खरै

TOP