संवैधानिक परिषद्ले गरेको नियुक्तिबिरुद्ध सर्वोच्चमा सभामुखद्वारा रिट दर्ता

नयाँ बिकल्प,

काठमाडौं – संवैधानिक परिषदले विभिन्न ११ वटा संवैधानिक निकायको ३६ पदमा गरेको नियुक्तिविरुद्ध सभामुख अग्निप्रसाद सापकोटाले सर्वाेच्च अदालतमा रिट जायर गरेका छन् ।

संवैधानिक निकायको नियुक्ति सिफारिस भएको संसदीय सुनुवाइ हुन नसकेको भन्दै ४३ दिनपछि सभामुख सापकोटाले नियुक्ति सिफारिसको सक्कल फाइल संवैधानिक परिषद्‍मै फिर्ता पठाइदिएका थिए ।

सभामुम सापकोटाले दायर गरेको रिटको आइतबारका लागि पेसी तोकिएको छ । सभामुख सापकोटाले शुक्रबार संवैधानिक परिषदले ११ वटा संवैधानिक अङ्गका १ प्रमुख आयुक्त, २ आयुक्त, ४ अध्यक्ष र २५ सदस्य नियुक्त गरी शपथग्रहण गराएको थियो ।

बुधबार संवैधानिक परिषद्‍को सिफारिसमा राष्ट्रपति विद्यादेवी भण्डारीले स‌ंवैधानिक निकायमा अध्यक्ष र पदाधिकारी नियुक्त गरेकी थिइन् । पद तथा गोपनियताको सपथ लिएसँगै संवैधानिक निकायका प्रमुख र पदाधिकारीहरुले पदभारसमेत ग्रहण गरिसकेका छन् ।

यसअघि १८ कात्तिक ०७२ मा न्याय परिषद्को सदस्यमा रामप्रसाद श्रेष्ठ र २३ फागुन ०७२ मा निर्वाचन आयोगको प्रमुख आयुक्तमा अयोधीप्रसाद यादवको नियुक्ति सिफारिस संसदीय सुनुवाइ समिति गठन भई नसकेकाले संसदले परिषदमै फिर्ता पठाइदिएको थियो ।

सोही नजिरलाई देखाउँदै सभामुख सापकोटाले सुनुवाइ हुने संवैधानिक आधार र कारण नरहेको कारण देखाउँदै फिर्ता पठाइ दिएका थिए ।

सरकारले संवैधानिक परिषद्सम्बन्धी ऐन आफूअनुकूल बनाएर ३० मंसिरमा अख्तियार दुरुपयोग अनुसन्धान आयोगसहित महत्वपूर्ण संवैधानिक निकायमा नियुक्ति गरेको थियो ।