May 14, 2021, Friday

प्रदेश सभा बैठक बोलाउने विषयमा नेकपाका दुई पक्षबीच प्रदेश १ मा बिबाद


नयाँ बिकल्प,

बिराटनगर – प्रदेश–१ को प्रदेशसभा बैठक राख्ने विषयलाई लिएर नेपाल कम्युनिष्ट पार्टी नेकपाको प्रचण्ड–माधव समूह र ओली समूहबीच सहमति जुट्न नसक्दा आइतबार बोलाईएको बैठक अन्योलमा परेको छ ।

प्रदेश सभा बैठक बस्नुअघि दुई समूहका नेताबीच भएको बार्तामा आ–आफ्नो अडान छोड्न नमानेपछि सहमति हुन सकेन । अ‍ेली समूहका नेताहरुले आइतबार निर्धारित बैठक सूचना टाँसेर स्थगित गर्न प्रस्ताव राखेका थिए ।

तर, प्रचण्ड–माधव समूहका नेताहरुले बैठक राखेर मुख्यमन्त्रीविरुद्धको अविश्वासको प्रस्ताव पेश गर्न दिनुपर्ने अडान राखेका थिए । १८ दिनसम्म प्रदेश सभाको बैठक स्थगित भइसकेकाले मुख्यमन्त्रीविरुद्ध परेको अविश्वासको प्रस्ताव टेबल गरेर अगाडि बढ्नुपर्ने उनीहरुको अडान थियो ।

वार्तामा ओली समूहबाट आन्तरिक मामला मन्त्री हिक्मत कार्की र बिमल कार्की सहभागी थिए भने प्रचण्ड–माधव समूहबाट राजेन्द्र राई, इन्द्र आङ्बो र लक्ष्मण तिवारी थिए । बैठक बस्नेबारे कार्यव्यवस्था परामर्श समितको बैठकमा पनि दुवै समूहले यही अडान राखेका थिए ।

दिउँसो दुई बजे बोलाइएको प्रदेशसभा बैठक बस्न सकेको छैन । मुख्यमन्त्री शेरधन राईविरुद्ध नेकपाकै ३७ सांसदले अविश्वासको प्रस्ताव पेश गरेका थिए । तर, यो प्रस्ताव टेवल हुन सकेको छैन । गएको माघ ७ मा तीन मिनेट बसेर बैठक स्थगित भएको थियो ।

नेकपामा देखिएको विवादसँगै मुख्यमन्त्री राईले आर्थिक मामिला तथा योजनामन्त्री इन्द्रबहादुर आङ्बोलाई पदमुक्त गरेको भोलिपल्टै तीन मन्त्रीले सामूहिक राजीनामा दिएका थिए ।

सामाजिक विकासमन्त्री जीवन घिमिरे, सामाजिक विकास राज्यमन्त्री जसमाया गजमेर र उद्योग राज्यमन्त्री विजय विश्वासले राजीनामा दिएका थिए प्रधानमन्त्री केपी शर्मा ओलीनिकट मुख्यमन्त्री राईले प्रचण्ड –नेपाल पक्षधर आर्थिक मामिला तथा योजना मन्त्री आङ्बोलाई बर्खास्त गरेपछि प्रचण्ड – नेपाल समूहका तीनै जना मन्त्रीले राजीनामा दिएर मुख्यमन्त्री राईविरुद्ध अविश्वासको प्रस्ताव दर्ता गराएका हुन् ।

सम्बन्धित समाचार

शुक्रबार थपिए काेराेनाका ८ हजार ५२० जना नयाँ संक्रमित, २०३ को मृत्यु
शुक्रबार थपिए काेराेनाका ८ हजार ५२० जना नयाँ संक्रमित, २०३ को मृत्यु
  • २०७७ माघ २५, १५: १९: ०५

नयाँ विकल्प, काठमाडाैं- शुक्रबार थप ८ हजार ५२० जनामा कोरोना पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४...

जसपाकाे संसदीय दलकाे नेतामा राजेन्द्र महतो चयन
जसपाकाे संसदीय दलकाे नेतामा राजेन्द्र महतो चयन
  • २०७७ माघ २५, १५: १९: ०५

नयाँ विकल्प, काठमाडाैं- जनता समाजवादी पार्टी (जसपा) महन्थ ठाकुर पक्षले राजेन्द्र महतोलाई संसदीय दलको नेता चयन गरेको छ । बिहीबार...

देउवाको दनक ओली वा नेपाललाई, भोट बादल कि देवकोटालाई ?
देउवाको दनक ओली वा नेपाललाई, भोट बादल कि देवकोटालाई ?
  • २०७७ माघ २५, १५: १९: ०५

नयाँ बिकल्प,काठमाडौं । पार्टीको आन्तरिक जीवन र बहुदलिय प्रतिष्पर्धात्मक राजनीतिमा समेत आफ्ना सहयात्री र कार्यकर्तालाई भन्दा अन्य दलका नेतासँग सम्वन्ध...

भर्खरै

TOP