May 17, 2021, Monday

पूर्वप्रधानन्यायाधीश शर्माको गुनासोः ४३ वर्षको ख्याति ३२ वर्षे निवेदकले ध्वस्त पार्ने प्रयास गरे


नयाँ बिकल्प,

काठमाडौं । पूर्वप्रधानन्यायाधीश तथा राष्ट्रिय मानवअधिकार आयोगका निवर्तमान अध्यक्ष अनुपराज शर्माले आफूले न्याय, कानुन र मानव अधिकारको क्षेत्रमा कमाएको ४३ वर्षको ख्याति र अनुभवलाई एक ३२ वर्षका निवेदकले ध्वस्त पार्ने प्रयास गरेको गुनासो गरेका छन् ।

सोमबार सर्वोच्च अदालतमा लिखित जवाफ पेश गर्दै शर्माले रिट निवेदक धनजीत बस्नेतप्रति लक्षित गर्दै ‘विपक्षी निवेदकले अवहेलनाको अवधारणा र यसका क्रियाकलाप बीचमा कुनै तात्विक सम्बन्ध स्थापित गर्न सकेको छैन। निवेदक ३२ वर्षको देखिन्छ । न्याय, कानुन र मानव अधिकारको क्षेत्रमा मेरो ४३ वर्षको अनुभवलाई ध्वस्त पार्ने कुनियत राखी सस्तो चर्चा कमाउने दुषित मनसायले विपक्षीले निवेदन दायर गरेको देखिन्छ ।’

पूर्वप्रधानन्यायाधीश शर्माले संविधान आफै ‘पब्लिक डोमेन’ को सार्वजनिक दस्तावेज भएकाले संविधान र संवैधानिक व्यवस्थाको सम्बन्धमा अदालत बाहिर नागरिक बीचमा छलफल हुन सक्ने दावी गरेका छन् । लिखित जवाफमा उनले भनेका छन्, ‘यस्तो छलफल र यससँग सम्बन्ध राखी जारी भएका विज्ञप्तिले अदालतको अवहेलना हुँदैन ।’

गत पुस २४ गते शर्मासहित चार पूर्वप्रधानन्यायाधीशले संयुक्त विज्ञप्ति जारी गरेको विषयलाई लिएर रिट निवेदकले अदालतको अवहेलना मुद्दा दायर गरेका थिए । प्रतिनिधिसभा विघटनपछिको परिस्थितिमा चार पूर्वप्रधानन्यायाधीशले आफ्नो दृष्टिकोण विज्ञप्तिमार्फत सार्वजनिक गरेका थिए ।

उनीहरुले प्रतिनिधिसभा विघटन गर्न सिफारिस गर्ने प्रधानमन्त्री केपी शर्मा ओलीको कदम संबैधानिक र राजनीतिक दृष्टिकोणले समेत अनुुपयुक्त भएको बताएका थिए ।
न्याय, कानून र मानवअधिकारको क्षेत्रमा लागेका शर्मा यस क्षेत्रका अब्बल, तठस्थ र निश्कलंक क्षवि भएका व्यक्तित्वको रुपमा स्थापित छन् ।

निवदेशकहरुले सर्वोच्चका पूर्वप्रधानन्यायाधीशहरु शर्मासहित मिनबहादुर रायामाझी, कल्याण श्रेष्ठ र शुशीला कार्कीबिरुद्ध अदालतको मानहानी गरेको भन्दै रिट निबेदन दर्ता गराएका थिए ।

सम्बन्धित समाचार

पत्रकार कार्कीको उपचारको क्रममा निधन
पत्रकार कार्कीको उपचारको क्रममा निधन
  • २०७७ फाल्गुन ३, १४: २६: ५७

नयाँ बिकल्प,ललितपुर । नेपाल प्रेस युनियन ललितपुर जिल्ला समितिका संस्थापक अध्यक्ष तथा अग्रज पत्रकार बटुकृण कार्कीको सोमबार धापाखेलस्थित समेरु अस्पतालमा...

समालोचक सुवेदीको कोरोना संक्रमणबाट निधन
समालोचक सुवेदीको कोरोना संक्रमणबाट निधन
  • २०७७ फाल्गुन ३, १४: २६: ५७

नयाँ बिकल्पकाठमाडौं — बरिष्ठ समालोचक राजेन्द्र प्रसाद सुवेदीको कोरोना भाइरसको संक्रमणबाट सोमबार बिहान शहिद गंगालाल राष्ट्रिय हृदय केन्द्रमा निधन भएको...

काेराेनाका ९,२४७ नयाँ संक्रमित थपिए , २१४ जनाको मृत्यु
काेराेनाका ९,२४७ नयाँ संक्रमित थपिए , २१४ जनाको मृत्यु
  • २०७७ फाल्गुन ३, १४: २६: ५७

नयाँ विकल्पकाठमाडाैं- कोरोना भाइरस संक्रमणका कारण एकै दिन २१४ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो...

भर्खरै

TOP