May 11, 2021, Tuesday

गुट भेलाको तयारी गरेको पौडेल समूह देउवाले केन्द्रीय समिति बैठक डाक्दा पछि हट्यो


नयाँ बिकल्प,
काठमाडौं – नेपाली कांग्रेसका सभापति तथा पूर्वप्रधानमन्त्री शेरबहादुर देउवाले पार्टी पार्टी केन्द्रीय कार्यसमितिको बैठक बुधबार बोलाएपछि गुट भेलाको तयारीमा रहेको नेता रामचन्द्र पौडेल समूह भेला गर्ने निर्णयबाट पछि हटेको छ ।

सभापति देउवाले पार्टी केन्द्रीय कार्यसमिति बैठक बुधबार फागुन ५ गतेको लागि बोलाएपछि आफू निकटका केन्द्रीय सदस्य र जिल्ला सभापतिको गुटगत भेला बोलाएको नेता पौडेल समूह त्यस्तो तयारीबाट पछि हटेको हो ।

सभापति देउवाको एक बर्ष थप गरिएको कार्यकाल समेत सकिन लागेको अवस्थामा पार्टीको १४ औं महाधिवेशनको नयाँ मिति तोक्नको लागि दबाब दिने उदेश्यले सो भेला बोलाइएको थियो ।

गत असार २२ गते बसेको पार्टी केन्द्रीय कार्यसमिति बैठकले पार्टीको १४ औं महाधिवेशन फागुन ७ देखि १० गतेसम्म राजधानीमा गर्ने निर्णय गरे पनि नयाँ क्रियाशिल सदस्यता वितरण र नविकरण कार्य सम्पन्न हुन नसक्दा महाधिवेशन अनिश्चित थियो ।

नेता पौडेल समुहले आफू निकटका जिल्ला सभापतिहरुको भेला बोलाउने दिन बुुधबार नै पार्टी केन्द्रीय कार्यसमितिको बैठक देउवाले डाकेपछि जिल्ला सभापतिहरूको भेला स्थगित गरिएको हो ।

गुटगत भेलाको तयारी गरिरहेका नेता पौडेल निकटका काभ्रे जिल्ला सभापति मधु आचार्यले बुधबारको लागि तय भएको जिल्ला सभापतिहरुको भेला स्थगित भएको जनाएपछि काठमाडौं आउने तयारी गरेका सभापतिहरुले बताएका छन् ।

भोली बस्ने केन्द्रीय कार्य समिति बैठकले पार्टीको आगामी १४ औं महाधिवेशनको नयाँ मिति तोक्ने भएको छ । त्यसको लागि संविधानको सुविधा प्रयोग गर्दै कांग्रेसको विधान संशोधन अनिवार्य भएको छ ।

कांग्रेसको विधान अनुसार सभापतिको कार्यकाल ४ वर्षको हुन्छ । सभापति देउवाको ४ वर्षे कार्यकाल गत बर्ष फागुन मसान्तमा सकिएको थियो । कोरोना महामारीको कारण देखाउँदै विधान बमोजिम थप गरिएको एक वर्षे कार्यकाल पनि यही महिना सकिँदैछ ।

संविधानअनुसार देउवाले छ महिना कार्यकाल थप गर्न पाउँनेछन् । पार्टीको १३ औं महाधिवेशन २०७२ फागुन २० देखि २३ गतेसम्म काठमाडौंमा भएको थियो । सभापति देउवाले पदिय जिम्मेवारी भने चैत १ गतेबाट सम्हालेका थिए ।

फागुन ७–१० गते सम्म हुने भनिएको १४ महाधिवेशनको तयारी भएको थिएन भने अर्को मिति तोकिएको पनि छैन् । प्रधानमन्त्री केपी शर्मा ओलीले प्रतिनिधिसभा विघटन गरी आगामी बैशाखमा मध्यावधि चुनावको घोषणा गरेपछि पार्टीको महाधिवेशन कहिले हुने भन्ने अन्योल छ ।

सम्बन्धित समाचार

काेराेनाका कारण एकैदिन २२५ जनाकाे मृत्यु, संक्रमितकाे संख्या हाल सम्मकै उच्च
काेराेनाका कारण एकैदिन २२५ जनाकाे मृत्यु, संक्रमितकाे संख्या हाल सम्मकै उच्च
  • २०७७ फाल्गुन ४, १५: ४२: २८

नयाँ विकल्प, काठमाडाैं -नेपालमा एकैदिन हालसम्मकै धेरै संख्यामा कोरोना संक्रमण पुष्टि भएको छ भने मृत्यु संख्या पनि उच्च रहेको छ...

उपत्यकामा जेठ १३ गतेसम्म निषेधाज्ञा थपियाे,  थप कडाइ गर्ने निर्णय
उपत्यकामा जेठ १३ गतेसम्म निषेधाज्ञा थपियाे, थप कडाइ गर्ने निर्णय
  • २०७७ फाल्गुन ४, १५: ४२: २८

नयाँ विकल्प, काठमाडाैं- काठमाडौं उपत्यकामा निषेधाज्ञा १५ दिन थप भएको छ । काठमाडौं उपत्यकाका तीनवटै जिल्लाका प्रमुख जिल्ला अधिकारीको बैठकले...

लुम्बिनी प्रादेशिक अस्पतालमा उपचाररत १२ जना संक्रमितको मृत्यु
लुम्बिनी प्रादेशिक अस्पतालमा उपचाररत १२ जना संक्रमितको मृत्यु
  • २०७७ फाल्गुन ४, १५: ४२: २८

नयाँ विकल्प, बुटबल- लुम्बिनी प्रादेशिक अस्पतालको इमर्जेन्सीमा उपचाररत थप १२ जना कोरोना संक्रमितको मृत्यु भएको छ । मृत्यु हुनेमा ७...

भर्खरै

TOP