May 11, 2021, Tuesday

कांग्रेस महाधिवेशनको नयाँ मितिमा बिबादः बैठक नबसी तीन समूह आ–आफ्नै छलफलमा

नयाँ बिकल्प,
काठमाडौं । नेपाली काँग्रेस केन्द्रीय कार्यसमितिको बुधबार दिउँसो बोलाइएको बैठक महाधिवेशनको नयाँ मिति कहिले तोक्ने भन्ने विषयमा बिबाद हुँदा अनौपचारिक छलफमा केन्द्रीत भएको छ ।

पार्टी केन्द्रीय कार्यसमितिको गत असार २२ मा बसेको बैठकले फागुन ७ देखि १० गतेसम्म १४औं महाधिवेशन गर्ने निर्णय गरेको थियो । तर, कोरोना संक्रमण र संगठनको आन्तरिक समायोजन प्रक्रिया र तयारी पुरा नहुँदा अधिवेशन असम्भव भएको हो ।

पछिल्लो समय पुस ५ मा प्रधानमन्त्री केपी शर्मा ओलीले प्रतिनिधिसभा विघटन गरी मध्यावधि निर्वाचन घोषणा गरेपछि कांग्रेसका नेताहरु निर्वाचन र आन्दोलन गरी दुुई विषयमा विभाजित हुँदै आएका छन् ।

केन्द्रीय कार्यसमितिको औपचारिक बैठकअघि नेताहरू तीन समूहमा छलफल गरिरहेका छन् । पार्टीको केन्द्रीय कार्यालय सानेपामा सभापति शेरबहादुर देउवा, नेता रामचन्द्र पौडेल र कृष्णप्रसाद सिटौला आ–आफ्नो कार्यकक्षमा आफूनिकट नेताहरुसँग आन्तरिक छलफलमा लागेका हुन् ।

पार्टीको १४औं महाधिवेशनको नयाँ मिति र कार्यतालिका घोषणा तथा संसद विघटनको बिरुद्ध आन्दोलन गर्ने कि अदालतको आदेश कुर्ने भन्ने विषय आजको केन्द्रीय कार्यसमितिको एजेण्डा थियो । तर, तीन समूहका तीन थरी प्रस्ताव आएपछि औपचारिक बैठक बस्न नसकेको हो ।

पार्टी सभापति र संस्थापन पक्षका नेताहरु संविधानले दिएको सुविधालाई उपयोग गर्दै पार्टी विधानलाई संशोधन गरी कोरोना कहरको कारण देखाएर वर्तमान नेतृत्वको कार्यकाल ६ महिना थप्ने र महाधिवेशनको नयाँ मिति भदौमा तोक्नु पर्ने पक्षमा छन् ।

सभापति देउवा प्रतिनिधि सभा विघटनको मुद्धा सर्वोच्च अदालतमा सुनुवाईको क्रममा रहेकोले पर्खनु पर्ने भन्दै चुनावको पक्षमा कांग्रेस रहेको धारणा सार्वजनिक गर्नु पर्ने पक्षमा छन् । देउवालाई उनी समूहका नेताले पनि आन्दोलन गर्न नहुने दबाब दिँदै आएका छन् ।

तरm, नेता रामचन्द्र पौडेल नेतृत्वको असन्तुष्ट समूह भने आगामी भदौमै १४ औं महाधिवेशनको मिति तोक्नु पर्ने अडानमा छन् । उनीहरु प्रतिनिधिसभा विघटन गर्ने सरकारको निर्णयबिरुद्ध सशक्त आन्दोलन गर्नु पर्ने पक्षमा छन् ।

अर्का नेता कृष्णप्रसाद सिटौला निकटका केन्द्रीय सदस्यहरु भने आजको केन्द्रीय कार्यसमिति बैठकमा जेठदेखि महाधिवेशनको कार्यतालिका शुरु गर्नु पर्ने पक्षमा छन् । सिटौला पक्षले जेठदेखि शुरु हुने सातौं तहसम्मका अधिवेशन साउनसम्म सकेर भदौमा महाधिवेशन गर्नु पर्ने प्रस्ताव बैठकमा राख्ने तयारी गरेका छन् ।

सिटौला पक्षका नेताहरुले भने काठमाडौंमा नेकपा ओली र प्रचण्ड–नेपाल समूहको भन्दा ठूलो बिरोध सभा गरेर शक्ति प्रदर्शन गर्नु पर्ने मत अघि सार्ने भएका छन् ।

सम्बन्धित समाचार

काेराेनाका कारण एकैदिन २२५ जनाकाे मृत्यु, संक्रमितकाे संख्या हाल सम्मकै उच्च
काेराेनाका कारण एकैदिन २२५ जनाकाे मृत्यु, संक्रमितकाे संख्या हाल सम्मकै उच्च
  • २०७७ फाल्गुन ५, १५: ५९: २५

नयाँ विकल्प, काठमाडाैं -नेपालमा एकैदिन हालसम्मकै धेरै संख्यामा कोरोना संक्रमण पुष्टि भएको छ भने मृत्यु संख्या पनि उच्च रहेको छ...

उपत्यकामा जेठ १३ गतेसम्म निषेधाज्ञा थपियाे,  थप कडाइ गर्ने निर्णय
उपत्यकामा जेठ १३ गतेसम्म निषेधाज्ञा थपियाे, थप कडाइ गर्ने निर्णय
  • २०७७ फाल्गुन ५, १५: ५९: २५

नयाँ विकल्प, काठमाडाैं- काठमाडौं उपत्यकामा निषेधाज्ञा १५ दिन थप भएको छ । काठमाडौं उपत्यकाका तीनवटै जिल्लाका प्रमुख जिल्ला अधिकारीको बैठकले...

लुम्बिनी प्रादेशिक अस्पतालमा उपचाररत १२ जना संक्रमितको मृत्यु
लुम्बिनी प्रादेशिक अस्पतालमा उपचाररत १२ जना संक्रमितको मृत्यु
  • २०७७ फाल्गुन ५, १५: ५९: २५

नयाँ विकल्प, बुटबल- लुम्बिनी प्रादेशिक अस्पतालको इमर्जेन्सीमा उपचाररत थप १२ जना कोरोना संक्रमितको मृत्यु भएको छ । मृत्यु हुनेमा ७...

भर्खरै

TOP