March 2, 2021, Tuesday

अविश्वासको प्रस्ताव फिर्ता नभए प्रदेशसभा विघटन हुनसक्ने मुख्यमन्त्रीको चेतावनी


नयाँ बिकल्प,

बिराटनगर । एक नम्वर प्रदेशका मुख्यमन्त्री शेरधन राईले आफूबिरुद्ध आएको अविश्वासको प्रस्ताव फिर्ता नभए प्रदेशसभा नै विघटन हुनसक्ने चेतावनी दिएका छन् ।

नेपाल कम्युनिष्ट पार्टी (नेकपा) केपी शर्मा ओली समूह निकट रहेका मुख्यमन्त्री राईले आफूविरुद्ध प्रदेशसभामा दर्ता भएको अविश्वासको प्रस्ताव फिर्ता लिन प्रचण्ड–माधव समूहका प्रदेशसभा सदस्यलाई आग्रह गर्दै यस्तो चेतावनी दिएका हुन् ।

उनले प्रचण्ड माधव समूहलाई बिकल्पको रुपमा निर्वाचन आयोग र नेपाली कांग्रेसको निर्णय पर्खिन गरेको प्रस्ताव अस्वीकार गरेपछि प्रदेशसभा नै भंग हुनसक्ने चेतावनी दिएका हुन् ।

प्रतिनिधिसभा विघटनसँगै विभाजित नेकपाको प्रचण्ड–माधव समूहले ओली पक्षका मुख्यमन्त्री राईविरुद्ध पुस १२ मै अविश्वासको प्रस्ताव दर्ता गरेको थियो । त्यसबेला मुख्यमन्त्री राईले अविश्वासको प्रस्ताव आरामले सामना गर्छु भनेका थिए ।

माघ ७ मा प्रदेशसभा अधिवेशन सुरु भएपनि प्रमुख विपक्षी कांग्रेसले समर्थन नगर्ने र आफ्नो एकल बहुमत नपुग्ने अवस्था आएपछि सत्तारुढ पक्षले नै प्रदेशसभा अवरुद्ध गरेको थियो । प्रदेशसभाको बैठक फागुन ९मा बोलाइएको छ ।

नेकपाको दुवै पक्षबीचको छलफलमा ओली पक्षबाट आन्तरिक मालिलामन्त्री हिक्मत कार्की र सांसद विमल कार्की तथा प्रचण्ड–नेपाल पक्षबाट इन्द्र आङ्बो, जीवन घिमिरे र लक्षण तिवारी सहभागी थिए ।

अविश्वासको प्रस्ताव दर्ता भएपछि प्रचण्ड–माधव पक्षमा लागेका १६ प्रदेशसभा सदस्यलाई राईले नेकपा संसदीय दलको हैसियतले कारबाही गरेका थिए ।

सम्बन्धित समाचार

करोडौं रकम ठग्ने एयरटेल सहकारीका सञ्चालकलाई जेल र जरिवाना,  नागरिकता नै नक्कली
करोडौं रकम ठग्ने एयरटेल सहकारीका सञ्चालकलाई जेल र जरिवाना, नागरिकता नै नक्कली
  • २०७७ फाल्गुन ६, १७: ४०: ३४

नयाँ बिकल्प,काठमाडौं । सहकारीको नाममा सयौं सर्वसाधारणले बचत गरेको करोडौं रुपैया हिनामिना गर्ने राजाधानीको न्यूरोडस्थित धर्मपथको एयरटेल सहकारी संस्थाका सञ्चालकलाई...

नाइजेरियामा अपहरणमा परेका छात्राहरुको रिहा
नाइजेरियामा अपहरणमा परेका छात्राहरुको रिहा
  • २०७७ फाल्गुन ६, १७: ४०: ३४

गुसौ, नाइजेरिया–अपहरणमा परेका नाइजेरियाका छात्राहरु मुक्त भएका छन् । देशको उत्तरी क्षेत्रमा रहेको निजी विद्यालयबाट अपहरणमा परेका सबै २७९ जना...

प्रतिवन्धित विप्लव समूहसँग बार्ता गर्न सरकारको नेतृत्व बादलले गर्ने, विप्लवबाट ‘प्रकाण्ड
प्रतिवन्धित विप्लव समूहसँग बार्ता गर्न सरकारको नेतृत्व बादलले गर्ने, विप्लवबाट ‘प्रकाण्ड
  • २०७७ फाल्गुन ६, १७: ४०: ३४

’नयाँ बिकल्प,काठमाडौं – दुुई वर्षअघि अर्थात २०७५ फागुन २८ गते नेत्र बिक्रम चन्द उर्फ विप्लव नेतृत्वको तत्कालिन नेपाल कम्युनिष्ट पार्टीलाई...

भर्खरै

TOP