May 14, 2021, Friday

समाजसेवी तथा कांग्रेस नेता मित्रसेन दाहालको निधन


नयाँ बिकल्प,
काठमाडौं । समाजसेवी संस्था जेपी फाउण्डेसनका संस्थापक मित्रसेन दाहालको आज निधन भएको छ ।
नेपाली कांग्रेस ओखलढुंगाका महासमिति सदस्य एवम् जिल्ला कार्यसमितिका पूर्वसचिव दाहालको शुक्रबार ९बजेर ४५ मिनेट जाँदा काठमाडौंको ओम अस्पतालमा उपचारका क्रममा हृदयघातबाट निधन भएको हो ।

२०१९ मंसिर ४ गते ओखलढुंगाको वरुणेश्वर—४ मा जन्मिएका दाहाल २०७४ को प्रदेश सभा निर्वाचनमा ओखलढुंगाको निर्वाचन क्षेत्र नं. १ (क) बाट प्रदेश सभा निर्वाचनमा कांग्रेसको तर्फबाट उम्मेदवार थिए ।

कांग्रेसद्वारा संचालित २०४२ को सत्याग्रह र लोकतान्त्रिक आन्दोलनका क्रममा पटक–पटक गरी डेढ वर्ष जेल जीवन विताएका दाहाल राजनीतिक क्षेत्रको साथै लामो समयदेखि दर्जनौं सरकारी तथा गैरसरकारी, व्यावसायिक, सामाजिक, शैक्षिक र विविध संघसंस्थाहरुमा संलग्न थिए । काठमाडौंको लप्सेफेदीस्थित मैत्री सेवाश्रम स्थापना गरी सामाजिक क्षेत्रमा पुर्याएको योगदानको सर्बत्र चर्चा गरिने गरिन्छ ।

दाहालले कांग्रेसको संगठन निर्माण र नेपालको लोकतान्त्रिक आन्दोलनमा सक्रिय भूमिका निर्वाह गरेका थिए । स्वर्गीय दाहालको श्रीमती, दुई छोरा र एक छोरी छन् । उनको आज पशुपति आर्यघाटमा हिन्दुु धर्म अनुसार अन्त्येष्टि गरिँदैछ ।

नेपाली कांग्रेसका सभापति शेरबहादुर देउवाले दाहालको निधनप्रति गहिरो दुःख व्यक्त गर्दै भावपूर्ण श्रद्धाञ्जली अर्पण गरेका छन् । उनले दाहालले पार्टी र नेपालको लोकतान्त्रिक आन्दोलनहरुमा निर्वाह गरेको भूमिकाको स्मरण गर्दै उनको आत्माको चिर शान्तिको कामना गरेका छन् ।

सम्बन्धित समाचार

शुक्रबार थपिए काेराेनाका ८ हजार ५२० जना नयाँ संक्रमित, २०३ को मृत्यु
शुक्रबार थपिए काेराेनाका ८ हजार ५२० जना नयाँ संक्रमित, २०३ को मृत्यु
  • २०७७ फाल्गुन ७, १५: ०३: १८

नयाँ विकल्प, काठमाडाैं- शुक्रबार थप ८ हजार ५२० जनामा कोरोना पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४...

जसपाकाे संसदीय दलकाे नेतामा राजेन्द्र महतो चयन
जसपाकाे संसदीय दलकाे नेतामा राजेन्द्र महतो चयन
  • २०७७ फाल्गुन ७, १५: ०३: १८

नयाँ विकल्प, काठमाडाैं- जनता समाजवादी पार्टी (जसपा) महन्थ ठाकुर पक्षले राजेन्द्र महतोलाई संसदीय दलको नेता चयन गरेको छ । बिहीबार...

देउवाको दनक ओली वा नेपाललाई, भोट बादल कि देवकोटालाई ?
देउवाको दनक ओली वा नेपाललाई, भोट बादल कि देवकोटालाई ?
  • २०७७ फाल्गुन ७, १५: ०३: १८

नयाँ बिकल्प,काठमाडौं । पार्टीको आन्तरिक जीवन र बहुदलिय प्रतिष्पर्धात्मक राजनीतिमा समेत आफ्ना सहयात्री र कार्यकर्तालाई भन्दा अन्य दलका नेतासँग सम्वन्ध...

भर्खरै

TOP