काठमाडौँ । प्रतिनिधि सभा विघटन गर्ने प्रधानमन्त्री केपी शर्मा ओलीको कदम असंवैधानिक भएको भनी सर्वोच्च अदालतले ठहर गरेकोमा अदालतको सो फैसालाई नेपाली कांग्रेसले स्वागत गरेको छ ।
काँग्रेस सभापति शेरबहादुर देउवाले अदालतको फैसलाको प्रशंसा गर्दै फैसलाको स्वागत गरेका गरेका छन् । उनले आफूले सुरुदेखिनै संसद विघटनमा सर्वोच्च अदालतलाई स्वतन्त्र रुपमा फैसला गर्न सघाउनु पर्छ भन्दै आएको बताएका छन् ।
सभापति देउवाले सर्वोच्च अदालतले स्वतन्त्र रुपमा संसद पुनःस्थापना गर्ने ऐतिहासिक फैसला गरेर संविधान कार्यन्वयनका क्रममा देखिने विवादहरु समाधान गर्ने अन्तिम थलो अदालत नै हो भनेर प्रमाणित भएको बताएका छन् ।
अदालतको संक्षिप्त आदेश आएलगत्तै सभापति देउवाले संसद विघटन गर्ने सरकारको सिफासिर बदर गरेर अदालतले संवैधानिक दायित्व पुरा गरेको भन्दै सर्वोच्च अदालतको संवैधानिक इजालशका न्यायधीशहरुलाई धन्यवाद दिएका छन् ।
यस्तै, कांग्रेसका नेता रामचन्द्र पौडेलले फैसलापछि ट्वीट गर्दै लेखेका छन् –‘मैले त भन्दै आएको हुँ सत्यभन्दा माथि शासक हुन सक्दैन । संसद पुनःस्थापना गर्ने सर्वोच्चको फैसला स्वागतयोग्य छ । फैसलाले सत्यको जित भएको छ । र यसले मुलुकलाई ठूलो दुर्घटनाबाट बचाएको छ ।
कांग्रेसका प्रवक्ता विश्वप्रकाश शर्माले सवोच्च अदालतको फैसलाले जनताको जित भएको बताएका छन् । प्रतिनिधिसभा विघटन गर्ने सरकारको निर्णयलाई सर्वोेच्चले बदर गरिदिएपछि प्रवक्ता शर्माले प्रधानमन्त्रीको अधिनायकबादी आकांक्षालाई समेत बदर गरेको बताए ।
शर्माले फैसला सुनाउने न्यायाधीशहरुलाई लाख लाख सलाम भनेका छन् । शर्माले संसद् विघटन असंवैधानिक ठहर गर्दै सिंगो देश आन्दोलनमा थियो, फैसलाले विघटनसँगै अधिनायक आकांक्षालाई समेत बदर गरेको छ । संविधान रक्षा गर्दै जनताको जित भएको छ,’ प्रवक्ता शर्माले ट्विटमा भनेका छन् ।
कांग्रेसका यूवा नेता प्रदिप पौडेलले अधिनायकवाद लाद्न खोज्ने जो कोही पनि लोकतन्त्र र विधिको शासन अगाडी घुँडा टेक्छ भन्दै आज अदातलको ऐतिहासिक निर्णयले फेरि एक पटक न्याय र सत्यको जित भएको दावी गरेका छन् ।
पौडेलले सामाजिक सञ्जाल फेसबुकमा मंगलबार स्टाटस लेख्दै ‘ओलिको प्रतिगामी कदमलाई बदर गर्दै सर्बोच्च अदालतबाट आएको फैसला स्वागत योग्य छ । अधिनायकवाद लाद्न खोज्ने जो कोही पनि लोकतन्त्र र विधिको शासन अगाडी घुँडा टेक्छ । इतिहास साक्षी छ, जीत सधैं सत्य र न्यायकै हुन्छ’ भनेका छन् ।
नयाँ विकल्प काठमाडाैं- प्रधानमन्त्री केपी शर्मा ओलीले १११ औँ अन्तर्राष्ट्रिय महिला दिवसका उपलक्ष्यमा शुभकामना सन्देश दिँदै महिलाविरुद्धको हिंसाका मुद्दालाई प्राथमिकताका...
नयाँ विकल्प काठमाडाै- काठमाडौँ महानगरपालिकाले ‘रिचार्ज काठमाडौँ, सञ्चालन कार्यविधि–२०७७’ स्वीकृत गरेको छ । महानगरपालिकाका प्रमुख विद्यासुन्दर शाक्यको अध्यक्षतामा आइतबार बसेको...
नयाँ विकल्प काठमाडाैं- –नारायण अधिकारी आफन्तसँग ढाँटेर एक लाख ऋण लिएर व्यवसाय शुरु गरेका एक युवा १५ वर्षमा ११ होटल...