May 17, 2021, Monday

चिनियाँ र भारतीय राजदूतले भेटे कांग्रेस सभापति देउवालाई


नयाँ बिकल्प
काठमाडौँ – प्रतिनिधि सभा पुनःस्थापना भएपछि नयाँ सरकार गठनको चर्चा चलिरहेका बेला नेपालको उत्तरी छिमेकी देश चीन र दक्षिणी छिमेकी मुलुक भारतका राजदूतहरुले प्रमुख प्रतिपक्षी दलका नेता शेरबहादुर देउवासँग शुक्रबार बिहान भेट गरेका छन् ।

चीनकी राजदूत होउ यान्छी र भारतका राजदूत विनय मोहन क्वात्राले सभापति देउवालाई भेटेर विकसित राजनीतिक घटनाक्रम र प्रतिनिधिसभाको आगामी १० दिन भित्रै बस्ने बैठकले लिने महत्वपूर्ण निर्णयका बिषयमा छलफल गरेका छन् ।

सर्वोच्च अदालतले केपी शर्मा ओलीको प्रतिनिधि सभा विघटन गर्ने निर्णयलाई फागुन ११ गते बदर गरेसँगै उनीहरुको सक्रियता बढेको हो । देउवासँग बुढानिलकण्ठमा भएको भेटका क्रममा दुई छिमेकी राजदूतले देशमा विकसित राजनीतिक घटनाक्रमबारे जानकारी लिएका थिए ।

प्रतिनिधि सभामा तेश्रो ठूलो दल नेपाली कांग्रेसका सभापति देउवासँग यसअघि नेकपाको दाहाल नेपाल समूहका अध्यक्षद्वय पुष्पकमल दाहाल र माधव नेपालले देउवा निवासमै गएर भेट गरेका थिए ।

औपचारिक फुटको संघारमा पुुगेको नेकपालाई पुनः एकीकृत गर्न चिनियाँ राजदूत यान्छीको दौडधुप पछिल्ला समयमा बृद्धि हुँदै गएको छ ।

सम्बन्धित समाचार

पत्रकार कार्कीको उपचारको क्रममा निधन
पत्रकार कार्कीको उपचारको क्रममा निधन
  • २०७७ फाल्गुन १४, १७: २६: ३५

नयाँ बिकल्प,ललितपुर । नेपाल प्रेस युनियन ललितपुर जिल्ला समितिका संस्थापक अध्यक्ष तथा अग्रज पत्रकार बटुकृण कार्कीको सोमबार धापाखेलस्थित समेरु अस्पतालमा...

समालोचक सुवेदीको कोरोना संक्रमणबाट निधन
समालोचक सुवेदीको कोरोना संक्रमणबाट निधन
  • २०७७ फाल्गुन १४, १७: २६: ३५

नयाँ बिकल्पकाठमाडौं — बरिष्ठ समालोचक राजेन्द्र प्रसाद सुवेदीको कोरोना भाइरसको संक्रमणबाट सोमबार बिहान शहिद गंगालाल राष्ट्रिय हृदय केन्द्रमा निधन भएको...

काेराेनाका ९,२४७ नयाँ संक्रमित थपिए , २१४ जनाको मृत्यु
काेराेनाका ९,२४७ नयाँ संक्रमित थपिए , २१४ जनाको मृत्यु
  • २०७७ फाल्गुन १४, १७: २६: ३५

नयाँ विकल्पकाठमाडाैं- कोरोना भाइरस संक्रमणका कारण एकै दिन २१४ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो...

भर्खरै

TOP