April 23, 2021, Friday

प्रचण्ड–माधव समूहद्वारा नेकपा संसदीय दलका उपनेता नेम्वाङसहित ७ नेता निलम्बन


नयाँ बिकल्प,

काठमाडौं – सत्तारुढ नेपाल कम्युनिष्ट पार्टी (नेकपा)मा देखिएको बिबाद र बिग्रह सतहमा आइरहेको बेला पार्टीको प्रचण्ड–नेपाल नेपाल समूहले संसदीय दलका उपनेता तथा स्थायी कमिटी सदस्य सुवासचन्द्र नेम्वाङसहित ७ जनालाई निलम्बन गरेको छ ।

पार्टी कार्यालय पेरिसडाँडामा बुधबार बसेको सो समूहको केन्द्रीय कमिटीको बैठकले नेम्वाङसहित ७ जनालाई ६ महिनाका लागि निलम्बन गर्ने निर्णय गरेको हो । सो समूहको बैठकले यस अघि नै संसदीय दलको नेता तथा पार्टी अध्यक्षबाट केपी शर्मा ओलीलाई साधारण सदस्य समेत नरहने गरी हटाई सकेको थियो ।

प्रतिनिधि सभाको बैठक आगामी फागुन २३ गते बेलाएको अवस्थामा सो समूहले ओली पक्षका कट्टर बिरोधी र महत्वपूर्ण पदमा रहेकालाई निलम्वन गर्न थालेको हो ।

प्रचण्ड–माधव समूहको केन्द्रीय कमिटीको सो बैठकले नेकपा संसदीय दलका प्रमुख सचेतकमा हालै ओलीद्वारा नियुक्त सांसद बिशाल भट्टराई, सचेतक शान्ता चौधरी, सांसद तथा पूर्वमन्त्री महेश बस्नेत र शहरी विकास मन्त्री बनेका सांसद प्रभु साहलाई निलम्बन गरेको हो ।

त्यस्तै, ओली समूहको सूदुरपश्चिम प्रदेश संयोजक कर्ण थापा र प्रधानमन्त्री ओलीका प्रेस सल्लाहकार समेत रहेका सूर्य थापालाई ६ महिना निलम्बनको निर्णय गरेको हो । निलम्बनमा परेका तीन जना पदिय हैसियतमा र वाँकी चार जना प्रचण्ड–माधव समुहका कट्टर आलोचकको रुपमा चिनिएका छन् ।

सम्बन्धित समाचार

पछिल्लाे २४ घण्टामा थपिए २५ सय ५९ कोरोना संक्रमित, ५ को मृत्‍यु
पछिल्लाे २४ घण्टामा थपिए २५ सय ५९ कोरोना संक्रमित, ५ को मृत्‍यु
  • २०७७ फाल्गुन १९, १५: १३: ०८

नयाँ विकल्प, काठमाडाैं- देशभर पछिल्लो २४ घण्टामा थप २५५९ जनामा कोरोना भाइरस (कोभिड-१९)को संक्रमण पुष्टि भएको छ । ८७९८ पीसीआर...

बर्दिया कांग्रेसका सभापतिसहित ४४ जनाले दिए राजीनामा
बर्दिया कांग्रेसका सभापतिसहित ४४ जनाले दिए राजीनामा
  • २०७७ फाल्गुन १९, १५: १३: ०८

नयाँ विकल्प, काठमाडाैं- बर्दिया कार्यसमितिका ४४ जनाले राजीनामा दिएका छन्। बर्दिया क्षेत्र नम्बर १ का पार्टी क्षेत्रीय सभापति मुक्तिनाथ यादवले...

एमाले अध्यक्ष ओलीले गठन गरे एकपक्षीय स्थायी समिति
एमाले अध्यक्ष ओलीले गठन गरे एकपक्षीय स्थायी समिति
  • २०७७ फाल्गुन १९, १५: १३: ०८

नयाँ विकल्प, काठमाडाैं- एमालेका अध्यक्ष केपी शर्मा ओलीले एकपक्षीय स्थायी समिति गठन गरेका छन् । पार्टी विवाद समाधानकालागि शिर्ष नेताहरूसंग...

भर्खरै

TOP