May 14, 2021, Friday

पोखरा महानगरपालिका र माछापुच्छ्रे गाउँपालिका जोड्ने सडकको कालोपत्रे शुरु

नयाँ विकल्प
कास्की–कास्कीको माछापुच्छ«े गाउँपालिका र पोखरा महानगरपालिका जोड्ने प्रमुख सडक कालोपत्रे गर्न शुरु गरिएको छ ।

माछापुच्छ«े गाउँपालिकाको ‘लाइफलाइन’ समेत रहेको पोखरा महानगरपालिका–२५ हेमजा–खानेपानी मुहान–लुम्रे–सिदिङ सडक खण्ड (मनिलाल मार्ग) कालोपत्रे गर्न शुरु भएपछि स्थानीयवासी खुशी भएका छन् ।

सडक निर्माणपछि माछापुच्छ«े गाउँपालिकाका नौ वडाका स्थानीयवासी प्रत्यक्ष लाभान्वित हुनेछन् । कूल १५ किमी ९०० मिटर सडक मध्ये ११ किमी कालोपत्रे र बाँकीमा ग्राभेलको काम भइरहेको हो । मेलबोटदेखि लुम्रेसम्म कालोपत्रे र ढलान हुनेछ भने घलेल क्षेत्रमा ग्राभेलको काम अघि बढेको छ ।

वि.सं २०५३ मा सो सडकखण्डको ट्र्याक खुलेकोमा २५ वर्षपछि पक्की कालोपत्रे सडक निर्माण शुरु भएको हो । हाल सो सडक खण्डको लुम्रे, खोराकोमुख क्षेत्रमा धमाधम कालोपत्रे भइरहेको छ ।

यसैगरी मेलबोटदेखि मर्दीपुलसम्मको धेरै स्थानमा ढलानको काम सकिएको राष्ट्रिय पुनःनिर्माण प्राधिकरण केन्द्रीय आयोजना कार्यान्वयन एकाइअन्तर्गत रहेको जिल्ला आयोजना कार्यान्वयन एकाइ कास्कीका आयोजना प्रमुख एवं सिनियर डिभिजनल इन्जिनीयर नवराज शर्माले बताउँदै, हालसम्म आयोजनाको ८० प्रतिशत हाराहारीमा काम सकिएको बताए ।

गतवर्ष पुस मसान्तभित्रमा निर्माण सम्पन्न हुनुपर्ने सडक निर्माण कम्पनीको ढिलासुस्ती र कोरोनाका कारण यही चैत मसान्तसम्मको म्याद थप गरिएको छ ।

“थप गरिएको म्यादभित्र सडक सम्पन्न गर्नका लागि निरन्तर ताकेता गरिरहेको छ, प्रत्येक दिन प्राविधिकहरूले साइट निरीक्षण गरिरहेको छ ।” “घलेल क्षेत्रमा संरचनाको केही काम बाँकी छ, अन्यत्र कालोपत्र शुरु भएको छ ।”

सडक स्तरोन्नति गरी कालोपत्र गर्नका लागि वि.सं २०७५ असार २९ गते निर्माण कम्पनीसँग ठेक्का सम्झौता भएको थियो । गत वर्ष पुस मसान्तमा सो सडक निर्माण भइसक्नुपर्नेमा निर्माण कम्पनीको ढिलासुस्तीका कारण सडक तोकिएको समयभित्रमा सम्पन्न हुन सकेन ।

आयोजनाको रु २६ करोड एक लाख लागतमा हिमदुङ एन्ड थोकर र ड्रागन जेभीसँग सडक निर्माण सम्झौता भएको थियो । कालोपत्रे सडक नालीसहित आठ मिटर फराकिलो हुनेछ ।

गाउँपालिकाका उपाध्यक्ष कृष्णकुमारी दवाडीले गाउँपालिकालाई पोखरासँग जोड्ने प्रमुख सडक भएकाले छिटोभन्दा छिटोे निर्माण सम्पन्न गर्र्नका लागि आवश्यक समन्वय र सहजीकरणको काम गरिएको बताईन् ।

गत वर्ष सम्पन्न हुनुपर्ने आयोजना ढिलाइ भएकाले निर्माणका क्रममा आइपरेका समस्या समाधान गर्दै कामलाई अघि बढाउन गाउँपालिकाको तर्फबाट आवश्यक सहयोग भइरहेको बताईन् ।

गण्डकी प्रदेश सरकारको बजेटबाट माछापुच्छ«े गाउँपालिकाको केन्द्र जोड्ने सडकको काम पनि हाल भइरहेको छ ।

पूर्वाधार विकास कार्यालयको रु १० करोड बजेटमा प्रदेश राजधानीबाट स्थानीय तहको केन्द्र जोड्ने सडक निर्माण कार्यक्रमअन्तर्गत सो सडकको काम अघि बढेको छ । रासस

सम्बन्धित समाचार

संसदको सबैभन्दा ठूलो दलको हैसियतमा ओली प्रधानमन्त्रीमा नियुक्त, शुक्रबार २ बजे सपथ
संसदको सबैभन्दा ठूलो दलको हैसियतमा ओली प्रधानमन्त्रीमा नियुक्त, शुक्रबार २ बजे सपथ
  • २०७७ फाल्गुन २७, १२: ४३: ५३

नयाँ बिकल्प,काठमाडौं । प्रतिनिधिसभाको सबैभन्दा ठूलो दल नेकपा एमालेको संसदीय दलका नेता केपी शर्मा ओली प्रधानमन्त्रीमा नियुक्त भएका छन् ।...

राष्ट्रपति कार्यालयले भन्यो -बहुमतको सरकार बनाउन कसैको दाबी आएन
राष्ट्रपति कार्यालयले भन्यो -बहुमतको सरकार बनाउन कसैको दाबी आएन
  • २०७७ फाल्गुन २७, १२: ४३: ५३

नयाँ बिकल्प,काठमाडौं । प्रधानमन्त्री केपी शर्मा ओलीले संघीय संसदबाट विश्वासको मत पाउन नसकि अल्पमतमा परेपछि संसदका दुई वा दुईभन्दा बढी...

सत्ता जोगाउने ओलको काईदाः एमाले नेताको कारबाही फिर्तादेखि कार्यदल गठनसम्म
सत्ता जोगाउने ओलको काईदाः एमाले नेताको कारबाही फिर्तादेखि कार्यदल गठनसम्म
  • २०७७ फाल्गुन २७, १२: ४३: ५३

नयाँ बिकल्प,काठमाडौं । पार्टीको आन्तरिक कलह बढ्दै जाँदा संघीय ससद सदस्यबाट राजिनामा दिनेसम्मको योजना बनाएका माधवकुमार नेपाल र झलनाथ खनाललाई...

भर्खरै

TOP