May 14, 2021, Friday

ओली विरूद्ध जस्ताे सुकै चुनाैतिकाे सामना गर्न तयार छुः प्रचण्ड

नयाँ विकल्प

काठमाडौं – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले ओली प्रवृत्तिविरुद्ध आफू जेल जान र मर्न पनि तयार भएर लागेको बताएका छन् ।

पेरिसडाँडामा आयोजित नयाँ नमुना स्वास्थ्यकर्मी संघ नेपालको राष्ट्रिय भेलामा बोल्दै बिहीबार उनले केपी शर्मा ओली प्रवृत्तिविरुद्ध प्रहार गर्नका लागि आफू जेल जान र मर्नसमेत तयार भएको बताएका हुन् ।

उनले भने, “मैले केपी प्रवृत्तिविरुद्ध जानीबुझी अब सम्झौता गर्दा सम्पूर्ण ध्वस्त हुने खतरा देखेँ । म जेल जान पनि तयार, मर्न पनि तयार, यो प्रवृत्तिमाथि प्रहार गर्नैपर्छ भनेर गरेको हुँ,” उनले भने । उक्त प्रतिवेदन सचिवालय बैठकमा पेस गरेपछि विवाद झनै उत्कर्षमा पुगेको थियो ।”

उनले ओली प्रवृत्तिविरुद्ध आफूले लेखेको १९ पृष्ठको डकुमेन्ट लेख्दा फेरि अर्को जनयुद्धको थालनीको डकुमेन्ट लेख्‍न बसेकोजस्तो अनुभूति भएकोसमेत बताएका छन् । उनले भने,”केपी प्रवृत्तिविरुद्ध मैले १९ पेजको डकुमेन्ट लेख्दै गर्दा नयाँ परिस्थितिमा फेरि अर्को जनयुद्धको थालनी गरेको डकुमेन्ट लेख्‍न बसेको अनुभूति भएको थियो, भएकै छ ।”

उनले शान्तिपूर्ण युद्ध गरेको र त्यो चलिरहेको बताएका छन् । संसद् विघटनविरुद्धको ‘ब्याटल’ जिते पनि आफूहरुले ‘वार’ जिति नसकेका कारण शान्तिपूर्ण युद्ध चलिरहेको बताएका छन् ।

उनले आफू एक पटक फेरि क्रान्तिमा जाने जिकिर गरे । “म छोड्नेवालामा छैन । माओत्सेतुङले ७२ वर्षमा सांस्कृतिक क्रान्ति गरेका थिए,” अध्यक्ष प्रचण्डले भने, “म एकचोटी फेरि क्रान्तिमा जानेवाला छु । एउटा ब्याटल जित्यौं । केही ब्याटल जित्न बाँकी छ ।”

उनले जनमुक्ति सेनाले जनयुद्धमा युगान्तकारी भूमिका खेलेको उल्लेख गर्दै स्वास्थ्यकर्मीको भूमिकाकोसमेत प्रशंसा गरेका छन

सम्बन्धित समाचार

संसदको सबैभन्दा ठूलो दलको हैसियतमा ओली प्रधानमन्त्रीमा नियुक्त, शुक्रबार २ बजे सपथ
संसदको सबैभन्दा ठूलो दलको हैसियतमा ओली प्रधानमन्त्रीमा नियुक्त, शुक्रबार २ बजे सपथ
  • २०७७ फाल्गुन २७, १५: ३७: २१

नयाँ बिकल्प,काठमाडौं । प्रतिनिधिसभाको सबैभन्दा ठूलो दल नेकपा एमालेको संसदीय दलका नेता केपी शर्मा ओली प्रधानमन्त्रीमा नियुक्त भएका छन् ।...

राष्ट्रपति कार्यालयले भन्यो -बहुमतको सरकार बनाउन कसैको दाबी आएन
राष्ट्रपति कार्यालयले भन्यो -बहुमतको सरकार बनाउन कसैको दाबी आएन
  • २०७७ फाल्गुन २७, १५: ३७: २१

नयाँ बिकल्प,काठमाडौं । प्रधानमन्त्री केपी शर्मा ओलीले संघीय संसदबाट विश्वासको मत पाउन नसकि अल्पमतमा परेपछि संसदका दुई वा दुईभन्दा बढी...

सत्ता जोगाउने ओलीको काईदाः एमाले नेताको कारबाही फिर्तादेखि कार्यदल गठनसम्म
सत्ता जोगाउने ओलीको काईदाः एमाले नेताको कारबाही फिर्तादेखि कार्यदल गठनसम्म
  • २०७७ फाल्गुन २७, १५: ३७: २१

नयाँ बिकल्प,काठमाडौं । पार्टीको आन्तरिक कलह बढ्दै जाँदा संघीय ससद सदस्यबाट राजिनामा दिनेसम्मको योजना बनाएका माधवकुमार नेपाल र झलनाथ खनाललाई...

भर्खरै

TOP