May 14, 2021, Friday

ओलीले बालुवाटारमा बोलाएको एमाले संसदीय दलको बैठकमा नेपाल समूहका सांसद गएनन्

नयाँ बिकल्प,

काठमाडौँ – नेकपा (एमाले)का संसदीय दलका नेता तथा प्रधानमन्त्री केपी शर्मा ओलीले प्रधानमन्त्री निवास बालुवाटारमा बोलाएको दलको बैठकमा असन्ुतष्ट नेताहरु माधवकुमार नेपाल र झलनाथ खनाल लगायतका सांसदहरु गएनन् ।

प्रधानमन्त्री ओलीले दलको बैठक बिहीबार बिहान ११ बोलाए पनि दिउँसो १ बजेमात्र बैठक शुरु भएको थियो । बैठकमा नेपाल–खनाल समूहका अधिकांस सांसदहरु गएका छैनन । नेपाल–खनाल समूहले ललितपुुरको एक बैंक्वेटमा दुई दिने भेला हिँजो र आज बोलाएका थिए ।

नेपाल समुहका अधिकांस सांसद अनुपस्थित भए पनि सो समूहका सांसदहरु लालबाबू पण्डित, तुलसी थापा, नन्दा चपाइँ, गंगा चौधरी, माया ज्ञवाली, सबिना हुसैन, गोपाल बम र बिष्णु शर्मा सहभागी भएको सांसद महेश बस्नेतले दावी गरेका छन्।

थापा र ज्ञवाली बामदेव गौतम निकटका हुन भने पण्डित नेपाल निकटका नेता हुन् । प्रधानमन्त्री ओलीले संसद सचिवालयले उपलब्ध गराएको दलको कार्यालय र सभाकक्षमा बैठक नराखी सरकारी निवास बालुवाटारमा बैठक डाकेका थिए ।

नेपाल र खनाल समूहले ओली समूहको अतिवाद र अत्याचारविरुद्ध भन्दै ललितपुरमा दुई दिने भेला चलाई रहँदा ओलीले एक्कासी संसदीय दलको बैठक बोलाए पनि आफूहरु उपस्थित हुन नसक्ने बुधबार नै नेपाल पक्षका नेता योगेश भट्टराईले जानकारी दिएका थिए ।

ओलीले मंगलबार गरेको चियापान समारोहमा माधव नेपाल पक्षका कोही पनि नेताहरु नगएपछि ओली झन आक्रोशीत हुँदै भेलामा गए अनुसासनको कारबाही भोग्नु पर्ने चेतावनी दिएका थिए ।

चार महिनापछि गत सोमबार ओली र नेपालबीच पार्टी मुख्यालय धुम्बाराहीमा छलफल भए पनि त्यसले कुनै सहमति गर्न सकेन । एमालेले संसदीय दलको विधान समेत नबनाएकोले नेपाल समूहका सांसदलाई अनुशासनको कारबाही गर्न भने त्यति सजिलो छैन् ।

ओलीले गत फागुन २८ गते एकपक्षिय ढंगले आफू पक्षीय केन्द्रीय सदस्यको बैठक राखेर अध्यक्ष र महासचिव बाहेक अरु पद खारेज गरेपछि अब बालुवाटार जानुको अर्थ नभएको बताउँदै आएको छ ।

दलको बैठकमा भाग लिन सानेपाको हेरिटेज गार्डेनबाट बालुवाटार हिँडेका सांसद गणेश पहाडी भने सिंहदरबारबाटै फर्किएको जनाएका छन् । उता बालुवाटार पुगेकी नेपाल पक्षधर सांसद गंगा चौधरीले आफू झुक्किएर बालुटार पुगेको भन्दै फर्किएकी छन् ।

सम्बन्धित समाचार

संसदको सबैभन्दा ठूलो दलको हैसियतमा ओली प्रधानमन्त्रीमा नियुक्त, शुक्रबार २ बजे सपथ
संसदको सबैभन्दा ठूलो दलको हैसियतमा ओली प्रधानमन्त्रीमा नियुक्त, शुक्रबार २ बजे सपथ
  • २०७७ चैत्र ५, १३: ३९: १४

नयाँ बिकल्प,काठमाडौं । प्रतिनिधिसभाको सबैभन्दा ठूलो दल नेकपा एमालेको संसदीय दलका नेता केपी शर्मा ओली प्रधानमन्त्रीमा नियुक्त भएका छन् ।...

राष्ट्रपति कार्यालयले भन्यो -बहुमतको सरकार बनाउन कसैको दाबी आएन
राष्ट्रपति कार्यालयले भन्यो -बहुमतको सरकार बनाउन कसैको दाबी आएन
  • २०७७ चैत्र ५, १३: ३९: १४

नयाँ बिकल्प,काठमाडौं । प्रधानमन्त्री केपी शर्मा ओलीले संघीय संसदबाट विश्वासको मत पाउन नसकि अल्पमतमा परेपछि संसदका दुई वा दुईभन्दा बढी...

सत्ता जोगाउने ओलीको काईदाः एमाले नेताको कारबाही फिर्तादेखि कार्यदल गठनसम्म
सत्ता जोगाउने ओलीको काईदाः एमाले नेताको कारबाही फिर्तादेखि कार्यदल गठनसम्म
  • २०७७ चैत्र ५, १३: ३९: १४

नयाँ बिकल्प,काठमाडौं । पार्टीको आन्तरिक कलह बढ्दै जाँदा संघीय ससद सदस्यबाट राजिनामा दिनेसम्मको योजना बनाएका माधवकुमार नेपाल र झलनाथ खनाललाई...

भर्खरै

TOP