April 19, 2021, Monday

जोशीको परिवारले सरकारले उपलब्ध गराउने १० लाख उपचार खर्च नलिने


नयाँ बिकल्प,

काठमाडौं – नर्भिक इन्टरनेसनल अस्पताल थापाथलीमा विगत तीन सातादेखि उपचार गराई रहेका नेपाली कांग्रेसका नेता नबिन्द्र राज जोशीको परिवारले सरकारले उपलब्ध गराएको उपचार खर्च अस्वीकार गरेको छ ।

जोशीका स्वकिय सचिव पुष्कर पाण्डेले सरकारले उपचार खर्च दिन्छु भनेर ‘अनर’ गरेकोमा सरकारलाई धन्यवाद दिँदै सो रकम अश्विकार गर्ने निर्णयमा परिवारका सदस्यहरु पुगेको जानकारी दिए ।

‘सरकारकै मन्त्रीले हामी उपचारमा सहयोग गर्दछौं भनेर जानुभएको हो। चैत ५ गते बिहीबार मन्त्रीपरिषद् बैठकले १० लाख रुपैयाँ दिने भनेर निर्णय गरेको भनी हामीलाई प्रधानमन्त्री कार्यालयबाटै खबर आएको हो’, पाण्डेले भने ।

नेता जोशीले १० लाख रुपैयाँ बीर अस्पताललाई उपलब्ध गराई विपन्न बर्गको स्वास्थ्य उपचार होस भनेर कोष नै स्थापना गरेको दृष्टान्त दिँदै पाण्डेले परिवारको चाहना अस्पतालको उपचार खर्च सरकारले व्यहोरस भन्ने चाहाना पुरा नभएपछि त्यो सहयोग रकम नलिने निर्णय गरेको स्पस्ट पारे ।

जोशीको स्वास्थ्य अवस्थामा सुधार ल्याउन डाक्टरहरुले प्रयास गरिरहे पनि अवस्था जटिल र नाजुक रहेको पाण्डेले बताए । जोशीलाई बाहिर लगेर उपचार गराउने परिवारका सदस्यको चाहना भए पनि अस्पतालका चिकित्सकले बाहिर लाने अनुमति नदिएको बताए ।

नेपाली कांग्रेसका केन्द्रीय सदस्य, नेविसंघका पूर्वमहामन्त्री तथा काठमाडौं महानगरपालिकाका पूर्व उपमेयर जोशीले उद्योग मन्त्रीको रुपमा खेलेको भूमिका स्मरणीय र उल्लेख्य भएको मानिन्छ ।

सम्बन्धित समाचार

विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
  • २०७७ चैत्र ८, १४: ४०: ५१

नयाँ विकल्प, काठमाडाैं- आफूविरुद्धको अविश्वास प्रस्ताव छल्न प्रदेश १ का मुख्यमन्त्री शेरधन राईले हिउँदे अधिवेशन अन्त्य गराएका छन्। सरकार आफैंले...

सरकारकाे नेतृत्वगर्ने अवस्था आए तयार छौं: देउवा
सरकारकाे नेतृत्वगर्ने अवस्था आए तयार छौं: देउवा
  • २०७७ चैत्र ८, १४: ४०: ५१

नयाँ विकल्प, काठमाडाैं- नेपाली कांग्रेसका सभापति शेरबहादुर देउवाले प्रधानमन्त्री हुने अवस्था आए आफू तयार रहेको बताएका छन्। श्रीराम श्रेष्ठले लेखेको...

संसद पद गुमाएका गृहमन्त्री बादल पुनः शपथ खाँदै
संसद पद गुमाएका गृहमन्त्री बादल पुनः शपथ खाँदै
  • २०७७ चैत्र ८, १४: ४०: ५१

नयाँ विकल्पकाठमाडाैं- राष्ट्रिय सभा सदस्य पद खारेज भएसँगै गृहमन्त्रीबाट पद पदमुक्त भएका रामबहादुर थापा ‘बादल’ले पुनः गृहमन्त्रीको शपथ लिदै छन्...

भर्खरै

TOP