May 17, 2021, Monday

सर्वाेच्चकाे निर्णय विरूद्ध पुनरावलोकनमा जाने, सरकारलाई दिएकाे समर्थन कायमै राख्ने माओवादीकाे निर्णय


नयाँ विकल्प,


काठमाडाैं-नेपाल कम्युनिस्ट पार्टी (नेकपा) ब्युँताउने प्रयास फेरि सुरु भएको छ । यसका लागि नेकपा माओवादी केन्द्र सर्वोच्च अदालतको फैसलाविरुद्ध पुनरावलोकनमा जाने भएको छ ।

माओवादी केन्द्रको स्थायी कमिटी बैठकले पुनरावलोकनमा जाने निर्णय भएकाे हाे । बैठकले कानुन व्यवसायीहरुसँग परामर्शपछि पुनरावलोकनमा जाने निर्णय लि लिएको हाे ।

यसअघि माओवादी केन्द्रले वरिष्ठ अधिवक्ताहरु शम्भु थापा, रामनारायण बिंडारी, चण्डेश्वर श्रेष्ठ, मुक्ति प्रधानलगायतसँग सुझाव लिएको छ । उनीहरुले पुनरावलोकनमा जान सुझाव दिएका थिए ।
२३ फागुनमा सर्वोच्च अदालतले ऋषि कट्टेलले दायर गरेको मुद्दामा सुनुवाई गर्दै केपी शर्मा ओली र प्रचण्ड नेतृत्वको नेपाल कम्युनिस्ट पार्टीलाई खारेज गर्दै एमाले र माओवादी केन्द्र पुरानै अवस्थामा फर्काउने फैसला गरेको थियो ।

नाम जुधेकाले नेकपा खारेज गरिदिएपछि पुरानै अवस्थामा पुगेको फैसलामा उल्लेख थियो । नेपाल कम्युनिस्ट पार्टीका अध्यक्ष ऋषि कट्टेलले दायर गरेको मुद्दामा मागदाबी भन्दा बढी अदालतको फैसला भएको भन्दै पुनरावलोकनमा जान कानुन व्यवसायीहरुले सुझाव दिएका छन् ।

यसैगरी, माओवादी केन्द्रले अझै सरकारलाई दिएको समर्थन फिर्ता गर्ने नगर्नेबारे निर्णय लिएन । समर्थन यथावत् राखी माओवादी केन्द्र अदालतमा पुनरावलोकनमा जाने भएको हो । सरकारलाई समर्थन फिर्ता नलिएको अवस्थामा प्रधानमन्त्री ओलीलाई चुनौती कायमै हुनसक्ने अवस्था छ ।

यसले अविश्वासको प्रस्ताव कुनैपनि बेला आउनसक्ने परिस्थिति कायमै राखेको छ । समर्थन फिर्ता नलिए प्रधानमन्त्री ओलीले ३० दिनभित्र विश्वासको मत लिनुपर्ने हुन्छ । मत लिन नसकेपनि उनी सबैभन्दा ठुलो दलको हैसियतले सरकारको नेतृत्वमै रहने सम्भावना रहन्छ ।

सम्बन्धित समाचार

पत्रकार कार्कीको उपचारको क्रममा निधन
पत्रकार कार्कीको उपचारको क्रममा निधन
  • २०७७ चैत्र १०, १२: ५७: ४९

नयाँ बिकल्प,ललितपुर । नेपाल प्रेस युनियन ललितपुर जिल्ला समितिका संस्थापक अध्यक्ष तथा अग्रज पत्रकार बटुकृण कार्कीको सोमबार धापाखेलस्थित समेरु अस्पतालमा...

समालोचक सुवेदीको कोरोना संक्रमणबाट निधन
समालोचक सुवेदीको कोरोना संक्रमणबाट निधन
  • २०७७ चैत्र १०, १२: ५७: ४९

नयाँ बिकल्पकाठमाडौं — बरिष्ठ समालोचक राजेन्द्र प्रसाद सुवेदीको कोरोना भाइरसको संक्रमणबाट सोमबार बिहान शहिद गंगालाल राष्ट्रिय हृदय केन्द्रमा निधन भएको...

काेराेनाका ९,२४७ नयाँ संक्रमित थपिए , २१४ जनाको मृत्यु
काेराेनाका ९,२४७ नयाँ संक्रमित थपिए , २१४ जनाको मृत्यु
  • २०७७ चैत्र १०, १२: ५७: ४९

नयाँ विकल्पकाठमाडाैं- कोरोना भाइरस संक्रमणका कारण एकै दिन २१४ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार पछिल्लो...

भर्खरै

TOP