April 18, 2021, Sunday

सांसदको प्रश्न सरकारलाइः १३ करोडकाे होली वाईन खान पुग्ने, बझाङ्गीले चामल नपाउने ?


प्रमुख प्रतिपक्षी दल नेपाली कांग्रेसका एक सांसदले बझाङका जनता भोकमरीका कारण आत्महत्या गर्न बाध्य हुने अवस्थामा समेत सरकारले चासो नदिएको भन्दै सरकारको ध्यानाकर्षण गराएका छन् ।

कांग्रेसका युवा सांसद प्रकाश रसाइलीले सरकारको आयोजनामै होली वाईन खान १३ करोड रुपैयाँ खर्च भएको तर बझाङका जनताले चामल आपूर्ती गर्न सरकारसँग माग गर्दा नपाउने स्थिति आएको बताएका हुन् ।

प्रतिनिधिसभाको बुधबारको बैठकमा शुन्य समयमा बोल्दै सांसद रसाईलीले भने ‘ यो सरकार बनेपछि तपाईंहरुले १३ करोडको होली वाईन खानु भयो । तर, बझाङका जनताले चामल खान पाउने कि नपाउने ? म प्रधानमन्त्रीज्यूसँग जवाफ माग्न चाहन्छु ।’

सांसद रसाइलीले बझाङको साइपल गाउँपालिकाकी कल्पनादेवी बोहोराले १० महिनाको दुधे बच्चा लिएर संघीय सरकारका सबै मन्त्रालय र निकाय धाउँदै चामल आफूर्ती गर्न माग गरिरहेको भनदै सोही जिल्लाको थलारा गाउँपालिका –२ का वडाध्यक्ष भीम खड्काले अब बझाङ्गी जनता भोक भोकै मर्ने अवस्था आएको गुनासो गरेको बताए ।

‘हामीले भात खान पाएनौं ।यो खडेरीका कारण अब हामीले कि आत्महत्या गर्नु पर्छ वा माईतिघर मण्डलामा आउनु पर्छ भनेर जनप्रतिनिधि गुनासो गरिरहेका छन्, सांसद स्नेहीले भने ।

उनले प्रधानमन्त्री केपी शर्मा ओली बालुवाटारमा बसेर नृत्य हेरिरहेको र त्यो नृत्यको टिकट बिक्री गर्ने सांसद खरिद बिक्रीको उद्घोष गरिरहेको अरोप लगाए ।

अर्का सांसद दिलेन्द्रप्रसाद बढुले प्रधानमन्त्रीले केही दिन अघि आफूमाथि गम्भिर सुरक्षा खतारा रहेको र आफूमाथि कुनै पनि बेला भौतिक आक्रमण हुन सक्ने भनेर सार्वजनिक अभिव्यक्ति दिएको विषयमा सत्य र यथार्थ जानकारी दिन सरकारसँग माग गरे ।


‘प्रधानमन्त्रीलाई सुरक्षा थ्रेटका विषयमा गृहमन्त्रालय कति गम्भीर छ ? उहाँको सुरक्षामा गृह मन्त्रालयले के के गरिरहेको छ ? संसद चलिरहँदा पनि आजसम्म प्रधानमन्त्री यो सदनमा नदेखिनुको कारण उहाँमाथिको सुरक्षा खतरा नै हो वा नैतिक खतरा देखिरहनु भएको हो?’, सांसद बढुले प्रश्न गरे ।

नले होइन भने प्रधानमन्त्री जस्तो जिम्मेवार व्यक्तिले आफ्नै सुरक्षा अंग र सुरक्षा क्षमतामाथि प्रश्न उठ्ने गरी यस्तो गैरजिम्मेवार असत्य बनावटी अभिव्यक्ति दिएको विषयमा प्रधानमन्त्री, गृहमन्त्री वा प्रवक्ताले स्पस्ट जानकारी सदनलाई दिनु पर्ने माग गरे ।

कांग्रेसका अर्का सांसद बालकृष्ण खाँड चैत १५ गते आइतबार बागलुङ जिल्लाको प्युठानसँग सीमा जोडिएको बडीगाउँ १० बल्देगाउँमा भएको हिंसात्मक घटनामा परी कांग्रेसका जिल्ला सदस्य प्रकाश कुँवर र कार्यकर्ता दीपक परियारको हत्या भएको भन्दै दोषीमाथि कारबाहीको माग गरे ।

सम्बन्धित समाचार

विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
विश्वास प्रस्ताव छल्न प्रदेश १ मुख्यमन्त्री राईले मध्येरातमै अधिवेशन अन्त्य गराए
  • २०७७ चैत्र १८, १४: ५९: १६

नयाँ विकल्प, काठमाडाैं- आफूविरुद्धको अविश्वास प्रस्ताव छल्न प्रदेश १ का मुख्यमन्त्री शेरधन राईले हिउँदे अधिवेशन अन्त्य गराएका छन्। सरकार आफैंले...

सरकारकाे नेतृत्वगर्ने अवस्था आए तयार छौं: देउवा
सरकारकाे नेतृत्वगर्ने अवस्था आए तयार छौं: देउवा
  • २०७७ चैत्र १८, १४: ५९: १६

नयाँ विकल्प, काठमाडाैं- नेपाली कांग्रेसका सभापति शेरबहादुर देउवाले प्रधानमन्त्री हुने अवस्था आए आफू तयार रहेको बताएका छन्। श्रीराम श्रेष्ठले लेखेको...

संसद पद गुमाएका गृहमन्त्री बादल पुनः शपथ खाँदै
संसद पद गुमाएका गृहमन्त्री बादल पुनः शपथ खाँदै
  • २०७७ चैत्र १८, १४: ५९: १६

नयाँ विकल्पकाठमाडाैं- राष्ट्रिय सभा सदस्य पद खारेज भएसँगै गृहमन्त्रीबाट पद पदमुक्त भएका रामबहादुर थापा ‘बादल’ले पुनः गृहमन्त्रीको शपथ लिदै छन्...

भर्खरै

TOP