May 14, 2021, Friday

नेप्सेमा दोहोरो अंकको वृद्धि : ७ अर्ब २५ करोड रुपैयाँभन्दा बढीको कारोबार


नयाँ विकल्प,


काठमाडाैं- सेयर खरिदबिक्री रकममा दिनदिनै वृद्धि हुन थालेको छ । बढ्दो क्रममा रहेको नेप्से सूचकलाई कारोबार भोलुम दिनहुँ वृद्धि हुँदै साथ दिइरहेको छ ।

यसबाट बजार दिगो सुधारतर्फ अघि बढेको अनुमान गर्न थालिएको छ । बिहीबार ७ अर्ब २५ करोड रुपैयाँभन्दा बढीको कारोबार भएको छ । पछिल्लो समय कारोबार भोलुमले ७ अर्ब नाघ्न सकेको थिएन । बजारमा उत्साह आउँदा ८ कम्पनीको भाउ ९% भन्दा बढी तथा सर्किट लाग्ने तहमा वृद्धि भएको ।

नेप्से सूचक १२.८८ अंकले वृद्धि भएर २६३१.९० विन्दुमा आइपुगेको छ । चालु आर्थिक वर्षको तेस्रो त्रैमास समाप्त हुने मिति नजिकिंदै गर्दा बजारमा झन् उत्साह देखिएको हो । वैशाख लागेपछि तेस्रो त्रैमासको वित्तीय विवरण आउन थाल्नेछ । यसले पनि बजारमा सकारात्मक परिवर्तन ल्याउने अनुमान गर्न सकिन्छ ।

सूचकीकृत कम्पनीहरुले यस त्रैमासमा अपेक्षाकृत राम्रो नाफा गरेको रिपोर्ट आएमा त्यसले सेयर बजारलाई थप उचाईमा लैजान सहयोग पुर्याउनेछ । यस्तै, वैशाख लागेसँगै बैंकिङ प्र्रणालीमा तरलता थप सहज हुँदै जानेछ । विकास निर्माणका कामले तेजी लिने भएकाले सरकारी खातामा रहेको पैसा बजारमा आउने क्रम वृद्धि हुनेछ । यी सबै सेयर बजारका लागि सकारात्मक विषय हुन सक्छन् ।

त्यसपछि फेरि नयाँ बजेटको चहलपहल बढ्न थाल्नेछ । वैशाखपछि त्यसै पनि सेयर बजारको सिजन सुरु भएको मानिन्छ । जेठ, असार महिनामा वियरिस ट्रेन्डमा रहेका बेलामा समेत बजारमा चहलपहल बढ्छ । अझ यो त बुलिस बजार भएकाले सकारात्मक प्रभाव अझ बढी देखिने लगानीकर्ताको विश्वास रहेको देखिन्छ ।

यसर्थ, लगानीकर्ताहरुले सबल वित्तीय सूचक भएका कम्पनीहरु छानेर योजनाबद्ध हिसाबले अघि बढ्न आवश्यक देखिन्छ । खरिदबिक्री रकममा २५ करोड ५६ लाख रुपैयाँभन्दा बढीसहित अपर तामाकोशी सबैभन्दा अग्रस्थानमा रहेको छ । दोस्रोमा एचआइडीसीएल र अपि पावर परेका छन् ।

१३ मध्ये ९ समूहको सूचक वृद्धि भएको छ । ट्रेडिङ समूह सबैभन्दा बढी प्रतिशतले वृद्धि भएको छ । अन्य समूह, विकास बैंक, फाइनान्स लगायतका समूहहरुमा पनि तेजी आएको छ । २१८ कम्पनीको १ करोड ४३ लाख ९० हजारभन्दा बढी कित्ता सेयर कारोबार भएको छ । नेपाली पैसाबाट

सम्बन्धित समाचार

संसदको सबैभन्दा ठूलो दलको हैसियतमा ओली प्रधानमन्त्रीमा नियुक्त, शुक्रबार २ बजे सपथ
संसदको सबैभन्दा ठूलो दलको हैसियतमा ओली प्रधानमन्त्रीमा नियुक्त, शुक्रबार २ बजे सपथ
  • २०७७ चैत्र १९, १५: २४: ५१

नयाँ बिकल्प,काठमाडौं । प्रतिनिधिसभाको सबैभन्दा ठूलो दल नेकपा एमालेको संसदीय दलका नेता केपी शर्मा ओली प्रधानमन्त्रीमा नियुक्त भएका छन् ।...

राष्ट्रपति कार्यालयले भन्यो -बहुमतको सरकार बनाउन कसैको दाबी आएन
राष्ट्रपति कार्यालयले भन्यो -बहुमतको सरकार बनाउन कसैको दाबी आएन
  • २०७७ चैत्र १९, १५: २४: ५१

नयाँ बिकल्प,काठमाडौं । प्रधानमन्त्री केपी शर्मा ओलीले संघीय संसदबाट विश्वासको मत पाउन नसकि अल्पमतमा परेपछि संसदका दुई वा दुईभन्दा बढी...

सत्ता जोगाउने ओलीको काईदाः एमाले नेताको कारबाही फिर्तादेखि कार्यदल गठनसम्म
सत्ता जोगाउने ओलीको काईदाः एमाले नेताको कारबाही फिर्तादेखि कार्यदल गठनसम्म
  • २०७७ चैत्र १९, १५: २४: ५१

नयाँ बिकल्प,काठमाडौं । पार्टीको आन्तरिक कलह बढ्दै जाँदा संघीय ससद सदस्यबाट राजिनामा दिनेसम्मको योजना बनाएका माधवकुमार नेपाल र झलनाथ खनाललाई...

भर्खरै

TOP