May 14, 2021, Friday

४ जना प्रदेश सांसदलाई पदमुक्त गर्यो माओवादी केन्द्रले, अब संघीय संसदका सदस्यको पालो


नयाँ बिकल्प,

काठमाडौं – नेकपा माओवादी केन्द्रले चार जना प्रदेश सांसदलाई पदमुक्त गरेको छ । ती प्रदेश सांसदलाई पदमुक्त गर्न प्रदेश संसद सचिवालयलाई नेकपा माओबादी केन्द्रले जानकारी गराएपछि उनीहरु स्वत पदमुक्त हुने छन् ।

नेकपा माओवादी केन्द्र प्रदेश नं. १ को संसदीय दलको नेता समेत रहेका टंक आङ्बोहाङ नेकपा एमाले प्रवेश गरेसँगै मन्त्री पद पनि पाएका थिए । माओबादी केन्द्रको प्रदेश नं १ संसदीय दलले उनलाई स्पष्टिकरण समेत सोधेको थियो । तर, उनले त्यसको जवाफ दिएका थिएनन् ।

यस्तै, नेकपा माओबादी केन्द्रबाटै लुम्विनी प्रदेश सांसद भएका दधिराम न्यौपाने र दिनेश पन्थीलाई पनि माओबादी केन्द्रको लुम्बिनी प्रदेश संसदीय दलले निकालेको छ । त्यस्तै कर्णाली प्रदेश संसदीय दलले धर्मराज रेग्मीलाई पनि दलबाट पदमुक्त गरेको छ ।

माओबादी केन्द्रबाट संघीय संसदको सदस्य भएका टोपबहादुर रायामाझी, प्रभु साह, लेखराज भट्ट, गौरीशंकर चौधरी लगायत माओबादी छाडेर एमाले प्रवेश गरेसँगै मन्त्री पदमा छन् । उनीहरुको विषयमा भने माओबादी केन्द्रले केही निर्णय गरेको छैन् ।

२०७४ साल मंसिरमा भएको संघीय संसद र प्रदेश संसदको चुनावमा तत्कालिन एमाले र माओबादी केन्द्रले गठबन्धन गरी साझा उम्मेदवार उठाएका थिए । दुवै दल गरी करिव २ तिहाईको बहुमत प्राप्त भएसँगै २०७५ जेठ २ गते तत्कालन एमाले र माओबादी केन्द्रबीच एकीकरण भएको थियो ।

एमाले र माओबादीबीच पार्टी एकता भई नेपाल कम्युनिष्ट पार्टी (नेकपा) राखिएको थियो । २०७७ साल पुस ५ गते प्रधानमन्त्री केपी शर्मा ओलीले प्रतिनिधिसभा भङ्ग गर्ने निर्णय गरेपछि नेकपाका पूर्वमाओबादी पृष्ठभूमि भएका र पूर्वएमालेको माधव नेपाल झलनाथ खनाल निकटका नेताले पार्टी विभाजनको प्रयास गरेका थिए ।

तर गत फागनु दोश्रो साता सर्वोच्च अदालतले ओली र प्रचण्डले नेतृत्व गरेको नेकपालाई आधिकारिकता नदिई ऋषिराम कट्टेल नेतृत्वको नेकपालाई आधिकारिकता दिएको थियो ।

सम्बन्धित समाचार

संसदको सबैभन्दा ठूलो दलको हैसियतमा ओली प्रधानमन्त्रीमा नियुक्त, शुक्रबार २ बजे सपथ
संसदको सबैभन्दा ठूलो दलको हैसियतमा ओली प्रधानमन्त्रीमा नियुक्त, शुक्रबार २ बजे सपथ
  • २०७७ चैत्र २३, १३: १३: १२

नयाँ बिकल्प,काठमाडौं । प्रतिनिधिसभाको सबैभन्दा ठूलो दल नेकपा एमालेको संसदीय दलका नेता केपी शर्मा ओली प्रधानमन्त्रीमा नियुक्त भएका छन् ।...

राष्ट्रपति कार्यालयले भन्यो -बहुमतको सरकार बनाउन कसैको दाबी आएन
राष्ट्रपति कार्यालयले भन्यो -बहुमतको सरकार बनाउन कसैको दाबी आएन
  • २०७७ चैत्र २३, १३: १३: १२

नयाँ बिकल्प,काठमाडौं । प्रधानमन्त्री केपी शर्मा ओलीले संघीय संसदबाट विश्वासको मत पाउन नसकि अल्पमतमा परेपछि संसदका दुई वा दुईभन्दा बढी...

सत्ता जोगाउने ओलीको काईदाः एमाले नेताको कारबाही फिर्तादेखि कार्यदल गठनसम्म
सत्ता जोगाउने ओलीको काईदाः एमाले नेताको कारबाही फिर्तादेखि कार्यदल गठनसम्म
  • २०७७ चैत्र २३, १३: १३: १२

नयाँ बिकल्प,काठमाडौं । पार्टीको आन्तरिक कलह बढ्दै जाँदा संघीय ससद सदस्यबाट राजिनामा दिनेसम्मको योजना बनाएका माधवकुमार नेपाल र झलनाथ खनाललाई...

भर्खरै

TOP