June 21, 2021, Monday

प्रदेश १ का मुख्यमन्त्री राईविरुद्ध दर्ता भएको अविश्वासको प्रस्ताव फिर्ता


नयाँ बिकल्प,
बिराटनगर – तत्कालिन सत्तारुढ दल नेपाल कम्युनिष्ट पार्टीको असन्तुष्ट समूहको तर्फबाट प्रदेश १ का मुख्यमन्त्री शेरधन राईविरुद्ध दर्ता गरिएको अविश्वासको प्रस्ताव फिर्ता भएको छ ।

सोमबारको प्रदेशसभा वैठकमा नेकपा माओवादी केन्द्र प्रदेश १ संसदीय दलका नेता ईन्द्रबहादुर आङ्बोले मुख्यमन्त्री राईविरुद्ध प्रदेश सभा सचिवालयमा दर्ता गरेको अविश्वास प्रस्ताव फिर्ता लिएको घोषणा गरेको हो ।

तत्कालिन नेकपाको पुष्पकमल दाहाल प्रचण्ड र माधवकुमार नेपाल समूहले प्रदेशसभा सचिवालयमा मुखयमन्त्री राईबिरुद्ध अविश्वासको प्रस्ताव आङ्बोले पेश गरेका थिए । प्रदेश सभाको सोमबारको बैठकमा आङ्बोले विशेष परिस्थितिमा दर्ता गरिएको अविश्वास प्रस्ताव वर्तमानमा असान्दर्भिक भएकाले फिर्ता लिइएको बताए ।

अविश्वासको प्रस्तावको समर्थक रहेका नेकपा (एमाले)का प्रदेशसभा सदस्य राजेन्द्रकुमार राईले प्रदेश १ सरकारविरुद्धको अविश्वासको प्रस्ताव फिर्ता भए पनि सरकारप्रतिको अविश्वास कायम रहेको बताए । अविश्वास प्रस्तावका समर्थक राईले अविश्वास प्रस्ताव फिर्ता गर्नुपरे पनि सरकारप्रति आफूहरूको विश्वास नभएको बताए ।

गत पुस १२ गते तत्कालीन नेकपाको प्रचण्ड–माधव समूहले मुख्यमन्त्री राईविरुद्ध अविश्वासको प्रस्ताव दर्ता गरेको थियो । तर फागुन २३ गते सर्वोच्च अदालतले नेकपा एमाले र माओवादी केन्द्र ब्युँताइदिएपछि प्रदेशमा अविश्वासको प्रस्ताव पास हुने अवस्था थिएन ।

नेकपा एमालेको माधवकुमार नेपाल समूहले चैत १७ गते अविश्वासको प्रस्तावबाट हस्ताक्षर फिर्ता लिएका थियो । ९३ सदस्यीय प्रदेश नं १ मा एमाले एक्लैको ५१ सांसद छन भने कांग्रेसको २१ र माओबादीका १४ सांसद छन् । एक सांसद टंक आङ्बोहाङलाई माओबादी केन्द्रले सोमबार मात्रै कारबाहीको सिफारिस गरेको छ ।

सम्बन्धित समाचार

१६ डीआईजीको सरुवा, सीआइबीमा धिरज प्रताप सिंह
१६ डीआईजीको सरुवा, सीआइबीमा धिरज प्रताप सिंह
  • २०७७ चैत्र २३, १७: ४६: ३३

नयाँ विकल्प, काठमाडाैं-गृह मन्त्रालयले नेपाल प्रहरीका १६ जना प्रहरी नायव महानिरीक्षक (डीआईजीको) र १५ वरिष्ठ उपरीक्षक (एसएसपी) हरुको सरुवा गरेको...

ह्वीप उलंघनपछि कारबाहीमा परेका लुम्विनीका जसपाका ४ सांसदको मुद्धा पूर्ण इजलासमा
ह्वीप उलंघनपछि कारबाहीमा परेका लुम्विनीका जसपाका ४ सांसदको मुद्धा पूर्ण इजलासमा
  • २०७७ चैत्र २३, १७: ४६: ३३

नयाँ बिकल्प, काठमाडौंः पार्टीको ह्वीप उलंघन गरेको भन्दै कारबाहीमा परेका जनता समाजवादी पार्टी (जसपा) लुम्बिनी प्रदेशसभाका चार सांसदको मुद्दा अब...

के निधी साँच्चै देउवालाई टक्कर दिने तयारीमा हुन ?
के निधी साँच्चै देउवालाई टक्कर दिने तयारीमा हुन ?
  • २०७७ चैत्र २३, १७: ४६: ३३

नयाँ बिकल्प, काठमाडौं । नेपाली कांग्रेसको शुक्रबार बसेको केन्द्रीय कार्यसमिति बैठकले पार्टीको १४ औं महाधिवशेन आगामी भदौ १६ देखि १९...

भर्खरै

TOP