July 29, 2021, Thursday

उच्चशिक्षा लिन लण्डन पुगेका मल्ल जव त्यहीँ रोजगारदाता भए

नयाँ बिकल्प,

लन्डन । नेपालमै बीबीए गरेर सामसुङ जस्तो स्थापित बहुराष्ट्रिय कम्पनीमा काम थालेका मुगुका शिव मल्ल झण्डै १२ वर्षअघि बेलायतमा डिग्री र सीप लिएर स्वदेश नै फर्कने सोचमा थिए। तर उनको सोचाई र योजना परिवर्तन भयो र उनी लण्डनमै सेटल भएका छन्।

विद्यार्थी भिजामा लन्डन आएका शिव अहिले चार बेग्ला बेग्लै कम्पनीका सञ्चालक छन्। नेपाली र विदेशीमूलका गरी करि ५५–६० जनालाई रोजगारी दिएका महत्वाकांक्षी योजनाका धनी ३४ वर्षीय युवा उद्यमी मल्ल आफ्ना अरु पनि धेरै व्यवसायीक योजनाहरु रहेको बताउँछन्।

बेलायतमा मास्टर्स सकेपछि नेपाल फर्किएर आफूले विगतमा काम गरेको सामसुङमा जोडिने उनको पुरानो योजना यतिबेला परिवर्तन भइसकेको छ। जन्मभूमि नेपाल फर्कने मन भए पनि कर्मभूमि बेलायतमै मल्ल रमाउन थालेका छन्।

जागिर गर्ने सिलसिलामा पहिले पिज्जा हटको म्यानेजर बनेका मल्ल पिज्जा हटमा काम गर्दै गर्दा ‘फ्रेन्चाइज कन्सेप्ट’ मा राम्रो ज्ञान हासिल गरेपछि आफै संचालन गर्ने सोचाईमा पुगे। त्यसपछि उनले झण्डै १० हजार पाउण्ड बैंक ऋण लिएर सन् २०१४ जनवरीदेखि डोर टु डोरको फ्रेन्चाइज लिए।

बेलायतमा ६८ शाखा रहेको उक्त कम्पनीले लिफलेटिङ, प्रिन्टिङ एण्ड डिजाइनको काम गर्छ । वेष्ट लन्डन को ह्यारो, इलिङ, अक्सब्रीज, हेज, साउथहल आदि क्षेत्रमा केन्द्रित उनको व्यवसाय यतिवेला फस्टाएको मात्र होइन, स्थापित छ।

ह्यारो, इलिङ काउन्सिलदेखि राजनीतिज्ञ, स्टेट एजेन्ट्स जस्ता कयौं व्यवसायी उनका नियमित ग्राहक बनीसकेका छन्। व्यवसाय प्रवर्धनका लागि बेलायतमा लिफलेटिङ ज्यादै प्रभावकारी हुने उनले बताए।

लक्षित ग्राहकसम्म पुग्न लिफलेटिङमा समस्या नभएको बताउने मल्ल ‘सूचना प्रविधिको उपयोग गरी आफूले व्यवसायलाई अघि बढाएको बताउँछन्।

बेलायतका धेरै नेपालीहरु रेष्टुरेन्ट व्यवसायमै संलग्न भएकाले आफूलाई यस्तै व्यवसाय गर्न इच्छा भएको बताउने मल्लले आफूमा जस्तो अनुभव छ, त्यसमै हात हाल्नुपर्ने बताउँछन्। मल्ल पूँजी धेरै लगानी गरेर भन्दा कुन व्यवासयले राम्रो मार्केट लिनसक्छ भन्ने आइडियाले विजनेश चल्ने बताउँछन्।

पिज्जा हटमा सफलता पाएका मल्लले सन् २०१८देखि गोर्खा क्लिनिङ ट्रेडिङ नामको कम्पनी खोलेका छन्। घरको सफाईमा केन्द्रीत हुने यो व्यवसाय अहिले निकै फस्टाएको मल्ल बताउँछन्।

कोभिडको महामारी बेलायतमा देखिएपछि फुर्सदनको समयमा उनले रारा ब्लु इन्भेन्ट्री सर्भिसेस कम्पनी खोले जुन कम्पनीले घर सर्नुअघि घरको अवस्थाबारे अध्ययन र विवरण लिने गर्छ । इन्भेन्ट्रीबाट घरधनी र भाडामा बस्ने दुवै सुरक्षित हुने र विश्वस्नीयता बढ्ने मल्ल बताउँछन्।

दुई महिनाअघि १ अप्रिल २०२१ देखि ‘यू मुभ’ नामक अर्काे कम्पनी खोले मल्ल यसो पनि ‘फ्रेन्चाइज’ नै भएको बताउँछन्, जसका बेलायतमा एकसय ३५ शाखा छन्। यू मुभले घर किनबेच, भाडा र मोर्गेज सल्लाह दिने गर्छ । वेष्ट लन्डन, नर्थ वेष्ट लन्डन र साउथ वेष्ट लन्डनमा केन्द्रित भएर काम गरिरहेको उनले बताए।

सन् २०१८ मा बीएफए नेटवेष्ट फ्रेन्चाइज सर्भेक्षणले फ्रेन्चाइज व्यवसाय ९९ प्रतिशत सफल भएको मल्ल बताउँछन्। बेलायतको नेपाली डायष्पोरामा छिट्टै विजनेश नेटवर्किङ इभेन्ट गरेर समुदायलाई आफ्नो अनुभव आदानप्रदानको अवसर दिलाउने आफ्नो इच्छा भएको मल्ल बताउँछन्। उनी कुनै पनि नेपालीलाई बिजनेश आइडिया दिन आफै तयार रहेको बताउँछन्।

सम्बन्धित समाचार

लुम्बिनी प्रदेशमा मन्त्री भएका जसपाका तीन सांसद निष्कासनको पत्र दर्ता
लुम्बिनी प्रदेशमा मन्त्री भएका जसपाका तीन सांसद निष्कासनको पत्र दर्ता
  • २०७८ श्रावण ६, १६: ५१: ०२

नयाँ बिकल्प, बुटवल – लुम्बिनी प्रदेशका मुख्यमन्त्री शंकर पोखरेलले मन्त्री बनाएका जनता समाजवादी पार्टी (जसपा)का तीन प्रदेश सभा सदस्यलाई पार्टीबाट...

माधव नेपाललाई कोटेश्वर पुगेर भेटे प्रचण्डले
माधव नेपाललाई कोटेश्वर पुगेर भेटे प्रचण्डले
  • २०७८ श्रावण ६, १६: ५१: ०२

नयाँ बिकल्प, काठमाडौं – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेकपा एमालेका वरिष्ठ नेता माधवकुमार नेपालसँग भेटवार्ता गरेका छन्।...

२० युनिट मात्र विद्युत खपत गर्ने ग्राहकलाई नि:शुल्क गरिनेः उर्जामन्त्री भुषाल
२० युनिट मात्र विद्युत खपत गर्ने ग्राहकलाई नि:शुल्क गरिनेः उर्जामन्त्री भुषाल
  • २०७८ श्रावण ६, १६: ५१: ०२

नयाँ बिकल्प, काठमाडौं –ऊर्जा, जलस्रोत तथा सिँचाइमन्त्री पम्फा भुसालले २० युनिटसम्म मात्र विद्युत खपत गर्ने ग्राहकको लागि निशुल्क सेवा दिनु...

भर्खरै

TOP