July 29, 2021, Thursday

भाडाबृद्धि र कोभिडबिरुद्धको खोपको माग राख्दै यातायात व्यवसायीको आन्दोलनले उपत्यका ठप्प


नयाँ बिकल्प,

काठमाडौं – सार्वजनिक यातायात केन्द्रीय महासंघले आफ्ना ७ बुँदे माग राख्दै बिहीबार राजधानीको चक्रपथ क्षेत्रमा अयोजना गरेको यातायतका साधानसहितको जुलुस र सभाले उपत्यकाको ट्राफिक व्यवस्थापन अस्तव्यस्त भएको छ।

भाडाका ठूला भाडाका सवारीदेखि पर्यटक सवारी र मिटर जडान भएका ट्याक्सी व्यवसायीको आन्दोलनका कारण उपत्यकामा सवारी साधनको लामो जाम हुँदा गन्तव्यमा पुग्न नसकी यात्रुहरुले सास्ती बेहोरिरहेका छन्।

यातायात व्यवसायी र मजदुरहरुले गोंगबुस्थित नयाँ बसपार्क र जोरपाटी क्षेत्रबाट निकालेको सवारीसहितको जुलुस कलंकी, बल्खु, एकान्तकुना हुँदै चक्रपथ परक्रमा गरिरहेको छ।

चक्रपथ एकान्तकुनामा रहेको यातायात व्यवस्था कार्यालय अघिको सडकमा सवारी साधन तेर्स्याएर यातायात व्यवसायी, चालक र सहचालकहरुले बिरोध प्रदर्शन गरिरहेका छन्। यातायात व्यवसायीको आन्दोलनका कारण राजधानी उपत्यकाको सडकमा ट्राफिक जाम भएको छ।

उनीहरुले सार्वजनिक सवारी साधनको भाडा बृद्धि हुनुपर्ने, कोभिड १९बिरुद्धको खोप लगाउन पार्नु पर्ने, २० वर्ष पुराना भाडाका सवारी साधन पनि चलाउन पाउनु पर्ने, सडक कानून लागू गर्नु पर्ने, यातायात विमा नीति परिमार्जन गर्नु पर्ने लगायतका सात बुँदे माग राखेका छन्।

मौद्रिक नीतिमा यातायातको समस्यालाई समाधान गर्न, बैज्ञानिक भाडा नीति २०६५ अनुसार यातायातको भाडा दर समायोजन गर्न, पर्यटन यातायातको भाडादर निर्धारण गर्न, ट्याक्सीको शुरुवाती कल (फ्लाग डाउन) निर्धारण गर्न माग गरेका छन्। यातायात बन्दाबन्दीको कागज पत्रको कर, राजश्व र जरिवाना छुट गर्न समेत व्यवसायीले माग गरेका छन्।

सम्बन्धित समाचार

नेप्से दोहोरो अंकले ओरालो लाग्दा कारोबारमा पनि गिरावट
नेप्से दोहोरो अंकले ओरालो लाग्दा कारोबारमा पनि गिरावट
  • २०७८ श्रावण ७, १३: ५५: ३०

नयाँ बिकल्प, काठमाडौं – करिव ३१ सयको विन्दुमा पुगेको नेप्से बिहीवबार दोहोरो अंकले आरालो लागेको छ। आज १५.११ अंकले गिरावट...

मन्त्री पाएपछि माओबादी छाडेका ४ पूर्वसांसदको पदबहालीको मागकाे रिट सर्वोच्चद्वारा हेर्न नभ्याइने सूचीमा
मन्त्री पाएपछि माओबादी छाडेका ४ पूर्वसांसदको पदबहालीको मागकाे रिट सर्वोच्चद्वारा हेर्न नभ्याइने सूचीमा
  • २०७८ श्रावण ७, १३: ५५: ३०

नयाँ बिकल्प, काठमाडौं । तत्कालिन माओबादी केन्द्रबाट चुनाव लडेर प्रतिनिधिसभा सदस्य भएका ४ सांसदहरु एमाले अध्यक्ष केपी शर्मा ओली नेतृत्वको...

लुम्बिनी प्रदेशमा मन्त्री भएका जसपाका तीन सांसद निष्कासनको पत्र दर्ता
लुम्बिनी प्रदेशमा मन्त्री भएका जसपाका तीन सांसद निष्कासनको पत्र दर्ता
  • २०७८ श्रावण ७, १३: ५५: ३०

नयाँ बिकल्प, बुटवल – लुम्बिनी प्रदेशका मुख्यमन्त्री शंकर पोखरेलले मन्त्री बनाएका जनता समाजवादी पार्टी (जसपा)का तीन प्रदेश सभा सदस्यलाई पार्टीबाट...

भर्खरै

TOP