July 29, 2021, Thursday

प्रधानमन्त्रीको सरकारी निवासमा बैठक र भेला गरी ओलीले जस्तो फजुल खर्च नगर्ने देउवाको निर्णय


नयाँ बिकल्प,

काठमाडौं – निवर्तमान प्रधानमन्त्री केपी शर्मा ओलीले आफ्नो कार्यकाल भरी प्रधानमन्त्रीको सरकारी निवासलाई बर्थ डे पार्टी मनाउनेदेखि लिएर पार्टीको ठूल ठूला भेला र सम्मेलन गरी राज्यको ढुकुटीबाट करोडौं उडाए पनि प्रधानमन्त्री देउवाले भने त्यो संस्कारलाई त्याग्ने भएका छन्।

प्रधानमन्त्री निवासलाई पार्टीको केन्द्रीय कार्यालय जस्तो हरेक बेठक, भेला र सम्मेलन गर्ने बिगतको गलत परम्परालाई तोड्दै नेपाली कांग्रेसका सभापति समेत रहेका प्रधानमन्त्री शेरबहादुर देउवाले अबदेखि नेपाली काँग्रेस पार्टीको औपचारिक बैठकहरु बालुवाटारमा नगर्ने निर्णय गरेका हुन्।

पार्टी महामन्त्री पूर्णबहादुर खड्काले सामाजिक सञ्जाल फेसवुकमा बुधबार दिउँसो स्टाटस पोष्ट गर्दै पार्टीका औपचारिक बैठकहरु प्रधानमन्त्रीको सरकारी निवास बालुवाटारमा नगरिने जानकारी दिएका छन्।

प्रधानमन्त्री देउवावको सो निर्णयको कार्यान्वयनको प्रारम्भ भोलि साउन ८ गतेको पार्टी पदाधिकारि र पूर्ब–पदाधिकारिको बैठक देउवाको निजी निवास बुढानिलकण्ठमा बस्ने भएको छ। पार्टी सभापति देउवाको सो निर्णयको सर्बत्र प्रशंशा र बधाई भन्दै प्रतिक्रिया आउन थालेका छन्।

देउवाले पदाधिकारीको बैठक प्रधानमन्त्री भए पछि गत गत शुक्रबार र शनिबार प्रधानमन्त्रीको सरकारी निवासमा गरेपछि सर्बत्र टिप्पणी गरिएको थियो । त्यसवेला पार्टी कार्यालय सानेपामा पार्टी कार्यकर्ता नै धर्ना र आमरण अनसनमा बसेका कारण पार्टी कार्यालयमा बैठक बोलाउन नसकिएको पार्टीले जनाएको थियो।

महामन्त्री खड्काले अवदेखि पार्टीका औपचारिक बैठक वा भेला प्रधानमन्त्रीको सरकारी निवासमा नगरी सभापतिको निजी निवास बुढानिलकण्ठ वा पार्टी केन्द्रीय कार्यालय सानेपामा हुने बताए।

कांग्रेसले १४ औं महाधिवेशन तयारीका लागि बैठक राखेको हो। साउन १२ मा वडा अधिवेशन गर्ने भने पनि अहिलेसम्म क्रियाशीलको टुंगो नलागेका कारण वडा, पालिका, क्षेत्र, जिल्ला र प्रदेश अधिवेशनको मिति सार्ने बिषयमा बैठक केन्द्रित हुने बताइएको छ।

सम्बन्धित समाचार

नेप्से दोहोरो अंकले ओरालो लाग्दा कारोबारमा पनि गिरावट
नेप्से दोहोरो अंकले ओरालो लाग्दा कारोबारमा पनि गिरावट
  • २०७८ श्रावण ७, १६: ४६: ३१

नयाँ बिकल्प, काठमाडौं – करिव ३१ सयको विन्दुमा पुगेको नेप्से बिहीवबार दोहोरो अंकले आरालो लागेको छ। आज १५.११ अंकले गिरावट...

मन्त्री पाएपछि माओबादी छाडेका ४ पूर्वसांसद पदबहाली मागकाे रिट सर्वोच्चद्वारा हेर्न नभ्याइने सूचीमा
मन्त्री पाएपछि माओबादी छाडेका ४ पूर्वसांसद पदबहाली मागकाे रिट सर्वोच्चद्वारा हेर्न नभ्याइने सूचीमा
  • २०७८ श्रावण ७, १६: ४६: ३१

नयाँ बिकल्प, काठमाडौं । तत्कालिन माओबादी केन्द्रबाट चुनाव लडेर प्रतिनिधिसभा सदस्य भएका ४ सांसदहरु एमाले अध्यक्ष केपी शर्मा ओली नेतृत्वको...

लुम्बिनी प्रदेशमा मन्त्री भएका जसपाका तीन सांसद निष्कासनको पत्र दर्ता
लुम्बिनी प्रदेशमा मन्त्री भएका जसपाका तीन सांसद निष्कासनको पत्र दर्ता
  • २०७८ श्रावण ७, १६: ४६: ३१

नयाँ बिकल्प, बुटवल – लुम्बिनी प्रदेशका मुख्यमन्त्री शंकर पोखरेलले मन्त्री बनाएका जनता समाजवादी पार्टी (जसपा)का तीन प्रदेश सभा सदस्यलाई पार्टीबाट...

भर्खरै

TOP