September 20, 2021, Monday

एमालेका मुख्यमन्त्री पोखरेलको सरकारमा सहभागी जसपाका तीन सांसद पदमुक्त


नयाँ बिकल्प,

बुुटवल । पूर्ववर्ती प्रधानमन्त्री केपी शर्मा ओलीका विश्वास पात्र समेत रहेका लुम्बिनी प्रदेशका मुख्य मन्त्री शंकर पोखरेल नेतृत्वको प्रदेश सरकारमा सहभागी भएका जनता समाजवादी पार्टी (जसपा)का तीन जना सांसद पदमुक्त भएका छन्।

जनता समाजबादी पार्टीको तर्फबाट सांसद भएका सन्तोषकुमार पाण्डेय, विजयबहादुर यादव र कल्पना पाण्डेय पार्टीको निर्देशन र प्रदेश संसदीय दलको ह्वीप विपरित एमालेका मुख्यमन्त्री शंकर पोखरेलको पक्षमा उभिएपछि उनीहरुलाई पार्टीको सिफारिसमा शुक्रबार पदमुक्त गरिएको हो।

प्रदेशसभा सचिवालयका सचिव दुर्लभकुमार पुनले सूचना जारी गर्दै उनीवहरुलाई पदमुक्त गरिएको हो। यसअघि जसपाको आधिकारिक अध्यक्ष उपेन्द्र यादव कि महन्थ ठाकर भन्ने बिबादकाबीच यादवले गत बैशाख १४ गते सन्तोषकुमार पाण्डेय, विजयबहादुर यादव र कल्पना पाण्डेयसँगै सुमन शर्मा रायमाझी पदमुक्त गरेका थिए।

तर सर्वोच्च अदालतले जेठ ३ गते आफ्नो पक्षमा आदेश दिएपछि उनीहरु फेरि प्रदेशसभामा सदस्य भएका थिए। सांसद रायमाझीले भौतिक पूर्वाधार विकास राज्यमन्त्रीबाट गत असार १८ गते राजीनामा दिएर यादव पक्षमा लागेपछि उनको पद सुरक्षीत भएको छ। बाँकी तीन जनालाई भने बिहीबार मात्र पार्टीको प्रदेश संसदीय दलका नेताले पार्टीबाट पदमुक्त भएको निर्णय प्रदेश संसद सचिवालयमा दर्ता गराएका थिए।

पार्टीको ह्वीप उल्लंघन गरेपछि उनीहरुलाई गत जेठ ३० गते स्पष्टीकरण सोधिएको र त्यसको चित्तबुझ्दो जवाफ नदिएकाले राजनीतिक दलसम्बन्धी ऐन २०७३ अनुसार कारबाही गरेको जसपा लुम्बिनी प्रदेश संसदीय दलका नेता सहसराम यादवले जनाएका छन्।

हेर्नुहोस् प्रदेश सभा सचिवालयको सूचना –

सम्बन्धित समाचार

चीनमा ७८ प्रतिशत नागरिकले कोभिडविरुद्धको खोप लगाए
चीनमा ७८ प्रतिशत नागरिकले कोभिडविरुद्धको खोप लगाए
  • २०७८ श्रावण १५, १७: ३९: ४४

नयाँ विकल्प, काठमाडौं – चीनमा शनिबारसम्म कोभिड–१९ खोप प्राप्त गर्ने व्यक्तिको कूल सङ्ख्या एक अर्ब १० करोड पुगेको सरकारी तथ्याङ्कले...

सातै प्रदेशमा आ–आफ्नो प्रहरी सङ्गठन हुनुपर्छ :कांग्रेस उपसभापति निधि
सातै प्रदेशमा आ–आफ्नो प्रहरी सङ्गठन हुनुपर्छ :कांग्रेस उपसभापति निधि
  • २०७८ श्रावण १५, १७: ३९: ४४

नयाँ विकल्प, काठमाडौं – नेपाली कांग्रेसका उपसभापति विमलेन्द्र निधिले सबै प्रदेशको आ–आफ्नो प्रहरी सङ्गठन हुनुपर्ने बताएका छन् । आइतवार महेन्द्र...

सङ्खुवासभा हत्या प्रकरणमा थप  चार जना अनुसन्धानमा तानिए
सङ्खुवासभा हत्या प्रकरणमा थप चार जना अनुसन्धानमा तानिए
  • २०७८ श्रावण १५, १७: ३९: ४४

नयाँ विकल्प,सङ्खुवासभा – सङ्खुवासभाको मादी नगरपालिका १ उम्लिङ खोला गाउँमा ६ जनाको सामूहिक हत्यामा संलग्न रहेको आरोपमा प्रहरीले लोकबहादुर कार्कीका...