October 20, 2021, Wednesday

संघीय सांसदहरूले पाए दसैं विदा

काठमाडौं । राष्ट्रिय सभा र प्रतिनिधि सभाका सांसदहरुको विदा शुरु भएको छ । सोमबारको बैठकपछि प्रतिनिधिसभा र राष्ट्रिय सभा दुबैमा लामो विदा दिइएको हो ।

संघीय संसदको प्रतिनिधि सभा कात्तिक ९ गते मंगलबारसम्मका लागि सभामुख अग्निप्रसाद सापकोटाले बैठक स्थगित गरेका छन् । त्यस्तै राष्ट्रियसभाका अध्यक्ष गणेश तिमिल्सिनाले अर्को सूचना नहुँदासम्मका लागि बैठक स्थगित गरेका छन् ।

नेपालीहरुको महान पर्व दशैं शुरु भइसकेकोले लामो समयसम्म संसद बैठक स्थगित भएपछि सांसदहरुले दशैं विदा पाएका हुन् । त्यसो त धेरै सोमबारको बैठकमा धेरै सांसदहरु उपस्थित भएका थिएनन् । प्राय सांसदहरु गाउँ गइसकेका छन् ।

सोमबारको बैठक पनि सभामुख सापकोटाले नेकपा एमालेका सांसदहरुको विरोधका बाबजुद सञ्चालन गरेका थिए । बैठकमा एमाले सांसदहरुले वेल घेराउ गरेर नाराबाजी गरेका थिए । यता राष्ट्रियसभामा भने एमाले सांसदहरु मौन रहेर उभिए विरोध जनाएका थिए ।

राष्ट्रियसभामा उत्पत्ति भएको रेल्वे विधेयक २०७८ राष्ट्रियसभा बैठकले विधेयक फिर्ता लिन प्रतिनिधिसभालाई सहमति दिएसँगै सोमबारको प्रतिनिधि सभाले सो फिर्ता लिएको छ ।

सम्बन्धित समाचार

जेसुकै भनून्, एमसीसी नेपालको हितमा छःप्रधानमन्त्री देउवा
जेसुकै भनून्, एमसीसी नेपालको हितमा छःप्रधानमन्त्री देउवा
  • २०७८ आश्विन २५, १५: २२: १७

काठमाडौं । सरकारलाई सर्वोच्च अदालतको परमादेश र जनादेश दुवै प्राप्त भएको प्रधानमन्त्री शेरबहादुर देउवाले बताएका छन् ।सञ्चारकर्मीसँग कुराकानी गर्दै नेपाली...

नकुन्नी हत्या प्रकरण छानबिन गर्ने सरकारकाे निर्णयपछि रुबीले तोडिन आमरण अनसन
नकुन्नी हत्या प्रकरण छानबिन गर्ने सरकारकाे निर्णयपछि रुबीले तोडिन आमरण अनसन
  • २०७८ आश्विन २५, १५: २२: १७

काठमाडौं । नेपालगञ्जकी नकुन्नी धोवीको हत्या प्रकरणका दोषीलाई कारबाहीको माग गर्दा बाँकेको प्रहरी प्रशासनले किटानी जाहेरी नै नलिएपछि राजधानीको माइतीघरमा...

माओबादी केन्द्रले बनायो तीन आयोग, दुई समिति र एक मञ्च
माओबादी केन्द्रले बनायो तीन आयोग, दुई समिति र एक मञ्च
  • २०७८ आश्विन २५, १५: २२: १७

काठमाडौं । सत्तारुढ नेकपा माओवादी केन्द्रले पार्टीको केन्द्रीय तहमा तीनवटा आयोग, दुई वटा समिति र एक ज्येष्ठ कम्युनिस्ट मञ्च गठन...

Happy Dashain