October 20, 2021, Wednesday

मनोज गजुरेल विवाह गरे शाखा अधिकृत मन्जु पोखरेलसँग


काठमाडौं । नेपालका ख्यातिप्राप्त हाँस्य कलाकार मनोज गजुरेल वैवाहिक जीवनमा बाँधिएका छन्। नेपाल सरकारको न्याय सेवाकी अधिकृत मन्जु पोखरेलसँग सोमबार बिहान डोलेश्वर मन्दिरमा गएर विवाह गरेको कलाकार गजुरेलले सामाजिक सञ्जालमार्फत सार्वजनिक गरेका छन्।


शाखा अधिकृत पोखरेलसँगको चिनजानपछि घनिष्टता बढेको र एकैखालको परिबेश र उस्तै खालको भोगाईबाट गुज्रिएका आफूहरु अन्ततः सहयात्रा गर्ने निर्णयमा पुगेको गजुरेलले जनाएका छन्। कलाकार गजुरेलका विगत ४ वर्षदेखि एकल जीवन बिताइरहेका थिए। पहिलो वैवाहिक जीवन असफल भएपछि दुई छोरा र छोरीको गजुरेलले नै रेखदेख गर्दै आएका थिए।

डोलेश्वर मन्दिरलाई साक्षी राखेर वैवाहिक कार्यक्रम दुवैको परिवारको उपस्थितिमा सम्पन्न गरी सपरिवार भक्तपुरको कौसलटारमा रहेको मानवसेवा आश्रमका बृद्धबृद्धालाई खुवाएर र खाएर विवाह सम्पन्न भएको गजुरेलले जनाएका छन्।

उनले समामाजिक संजालमा भनेका छन् ‘जीवन सधैँ सरल रेखामा नहिंड्ने रहेछ । मेरो लामो वैवाहिक जीवन ४ बर्षपहिले कानुनीरुपमा टुंगिएको थियो। त्यसयता म मेरा छोरा र छोरीको एकल अभिभावक भएर बसिरहेको जगजाहेर नैतिकताको छ। जीवनयात्राको दौरानमा आत्मीय साथको आवश्यकता महशुस हुनु स्वाभाविकै हो।’

उनले आफ्ना छोरा र छोरीको शिक्षा, स्वास्थ्य र भविष्यको बारेमा संवेदनशिल हुनुपनि जरुरी थियो भन्दै दुुबै अवस्थामा साथदिने सहयात्रीको अभाव समयक्रममा खड्किँदै आएपछि बाबुनानीको आग्रह समेतमा आफूले विवाह गरेको बताएका छन्।

उनले मिडियाकर्मीसँग आफ्नो व्यक्तिगत जीवनका बारेमा काल्पनिक समाचार नलेखिदिन, श्रीमती मन्जुको इज्जत र प्रतिष्ठामा आँच आउने अमर्यादित कथा नकथिदिन र सन्तानको सुख र शान्तिका लागि परपीडक ट्रोल र भिडियो नबनाईदिन आव्हान समेत गरेका छन्।

‘बिगतका अराजक अन्तर्वार्ता, असामाजिक क्रियाकलाप तथा अभद्र व्यवहारका कारण म र मेरा छोराछोरीले ठूलो आघातबाट गुज्रनु परेको छ’, गजुरेलले लेखेका छन्, ‘त्यस्ता क्रियाकलापलाई स्थान दिने, उचाल्ने र गिजोल्ने युट्युब, अनलाइन समाचार, टिकटक लगायत संजालका प्रयोगकर्ताहरुलाई पनि भद्र सुझाव छ– एउटा जिम्मेवार अभिभावक भएर बोल्ने र लेख्ने गर्नुहोला। सामाजिक सन्जालको चरम दुरुपयोगले आफू र आफ्ना सन्तानलाई पार्न सक्ने गम्भीर असरलाई पनि महशुस गर्नुहोला।’

सम्बन्धित समाचार

पीडितलाई क्षतिपूर्ति, घाइतेको निःशुल्क उपचार, बेपत्ताको तत्काल खोजी गर सरकार:पंचा सिंह
पीडितलाई क्षतिपूर्ति, घाइतेको निःशुल्क उपचार, बेपत्ताको तत्काल खोजी गर सरकार:पंचा सिंह
  • २०७८ आश्विन २५, १७: ४१: ५२

काठमाडौं । लगातारको वर्षाका कारण देशका विभिन्न ठाउँमा गएको बाढी, पहिरो र डुवानले मानवीय र धनजन तथा बाली नालीमा पुगेको...

जेसुकै भनून्, एमसीसी नेपालको हितमा छःप्रधानमन्त्री देउवा
जेसुकै भनून्, एमसीसी नेपालको हितमा छःप्रधानमन्त्री देउवा
  • २०७८ आश्विन २५, १७: ४१: ५२

काठमाडौं । सरकारलाई सर्वोच्च अदालतको परमादेश र जनादेश दुवै प्राप्त भएको प्रधानमन्त्री शेरबहादुर देउवाले बताएका छन् ।सञ्चारकर्मीसँग कुराकानी गर्दै नेपाली...

पहिरोमा परी १५ जनाको मृत्यु, २३ जना वेपत्ता
पहिरोमा परी १५ जनाको मृत्यु, २३ जना वेपत्ता
  • २०७८ आश्विन २५, १७: ४१: ५२

काठमाडौं । देशको विभिन्न भागमा आएको बाढी र पहिरोमा परी १५ जनाले ज्यान गुमाएका छन् । धेरै मानिस सम्पर्कविहीन छन्...

Happy Dashain