October 20, 2021, Wednesday

काठमाडौंको गोंगबुबाट घान्द्रुक घुम्न आएका ७ विद्यार्थी र चालकको जीप दुर्घटनामा मृत्यु


पोखरा । काठमाडौं महानगरपालिका –३ गोंगवु निवासी विद्यार्थी सवार एक जीप कास्कीको नयाँ पुलमा दुर्घटना हुँदा चालकसहित आठ जनाको मृत्यु भएको छ। मृतक ८ जनामा एक जना जीपका चालक र वाँकी सबै काश्कीको घान्द्रुक घुम्न आएका विद्यार्थी रहेको प्रहरीले जनाएको छ।


दशैं विदामा पोखरा घुम्न आएका ति विद्यार्थीहरु सवार ग १ ज ६९०० नम्वरको जीप नयाँपुलबाट घान्द्रुक जाँदै गर्दा अन्नपूर्ण गाउँपालिका–१० हुदु कलडाँडा भीरमा दुर्घटना भएको प्रदेश प्रहरी कार्यालयले जनाएको छ।

दुर्घटनामा मृत्यु हुने जीप चालक अन्नपूर्ण गाउँपालिका –५ का ४२ वर्षीय खुसीमान क्षेत्री छन्। दुर्घटनामा परी गोंगबुका १८ वर्षे जिनलव घिसिङ, २४ वर्षीया सुजा चौधरी, २० वर्षीया लिजा चौधरी, २० वर्षे सुशन चौधरी, २२ वर्षे अछुतम् काफ्ले, १८ वर्षे आशिष आले र गोंगबु नै बस्ने गोरखाका २७ वर्षे विनय क्षेत्रीको मृत्यु भएको छ।

दुर्घटनामा घाइते २० वर्षीया देवीका घिसिङको सकुशल उद्धार गरिएको छ भने मृतको शव पश्चिमाञ्चल क्षेत्रीय अस्पताल पोखरामा पोष्टमार्टमको लागि लगिएको छ।

घान्द्रुक जाने सडक हुदु कलडाँडा भीरमा निकै बिग्रेको, उकालो र घुम्ती कटाउन लाग्दा जीप ब्याक भएर दुर्घटना भएको प्रारम्भिक अनुसन्धानबाट खुलेको जिल्ला प्रहरी कार्यालय काश्कीले जनाएको छ। सडकबाट दुई सय मिटर तल खसेको जिप तल्लो सडकमा बजारिएको थियो। जीपले उकालोमा तान्न नसकेपछि ब्याक भएको र ब्रेक पनि नलागेपछि दुर्घटना भएको हुनसक्ने प्रहरीले प्रारम्भिक अनुमान गरेको छ।

सम्बन्धित समाचार

जेसुकै भनून्, एमसीसी नेपालको हितमा छःप्रधानमन्त्री देउवा
जेसुकै भनून्, एमसीसी नेपालको हितमा छःप्रधानमन्त्री देउवा
  • २०७८ आश्विन २५, १८: १६: २६

काठमाडौं । सरकारलाई सर्वोच्च अदालतको परमादेश र जनादेश दुवै प्राप्त भएको प्रधानमन्त्री शेरबहादुर देउवाले बताएका छन् ।सञ्चारकर्मीसँग कुराकानी गर्दै नेपाली...

पहिरोमा परी १५ जनाको मृत्यु, २३ जना वेपत्ता
पहिरोमा परी १५ जनाको मृत्यु, २३ जना वेपत्ता
  • २०७८ आश्विन २५, १८: १६: २६

काठमाडौं । देशको विभिन्न भागमा आएको बाढी र पहिरोमा परी १५ जनाले ज्यान गुमाएका छन् । धेरै मानिस सम्पर्कविहीन छन्...

नकुन्नी हत्या प्रकरण छानबिन गर्ने सरकारकाे निर्णयपछि रुबीले तोडिन आमरण अनसन
नकुन्नी हत्या प्रकरण छानबिन गर्ने सरकारकाे निर्णयपछि रुबीले तोडिन आमरण अनसन
  • २०७८ आश्विन २५, १८: १६: २६

काठमाडौं । नेपालगञ्जकी नकुन्नी धोवीको हत्या प्रकरणका दोषीलाई कारबाहीको माग गर्दा बाँकेको प्रहरी प्रशासनले किटानी जाहेरी नै नलिएपछि राजधानीको माइतीघरमा...

Happy Dashain