October 20, 2021, Wednesday

अधिकारकर्मी रुवी खानलाई सशरीर उपस्थित गराउन सर्वाेच्चकाे आदेश

काठमाडौं । अधिकारकर्मी रुवी खानलाई सशरीर उपस्थित गराउन आदेश दिएको छ । गैर न्यायिक हिरासतमा राखिएकी नेपालगञ्जकी अधिकारकर्मी रुवी खानलाई यहि असोज २८ उपस्थित गराउन आदेश दिएको हो । अधिवक्ता मोहना अन्सारीले दायर गरेको बन्दी प्रत्यक्षीकरण रिटमाथि सुनुवाइ गर्दै अदालतले यस्तो फैसला गरेको हो ।

न्यायाधीश डा.आनन्दमोहन भट्टराईको एकल इजलासले दसैँको नवमीको दिन खानलाई लिखित जवाफ सहित सशरीर अदालतमा उपस्थित गराउन बाँके जिल्ला अदालत, बाँके सरकारी वकिलको कार्यालय, बाँके प्रहरी कार्यालय र काठमाडौँ प्रहरी कार्यालयलाई आदेश दिएको स्रोतले बताएको हो ।

प्रशस्त जग्गा जमिन भएका बाँके नेपालगञ्जका दुई महिलाको शङ्कास्पद मृत्यु भएपछि घटना सत्य तथ्य अनुसन्धानको माग अधिकारकर्मीहरुको रहेको थियो । बाँकेमा घटनाको कुनै वास्ता नगरेपछि खान सहित २० दिन पैदलयात्रा गरेर १२ जना न्याय खोज्न काठमाडौँ आएका थिए ।

यहि असोज २२ गते माइतीघर मण्डलामा प्रशासनलाई जानकारी दिएर धर्ना बसिरहेका बेला १२ जनालाई पक्राउ गरे पनि ११ जनालाई छोडेर रुवीको बारेमा जानकारी दिइएको थिएन । आइतबार अधिकारकर्मी अन्सारीले सर्वोच्चमा बन्दी प्रत्यक्षीकरण रिट दायर गरेकी थिइन् तर जिल्ला प्रहरी कार्यालय काठमाडौँले अदालतलाई स्पष्ट जवाफ नदिएपछि उनले मंगलबार रुवीको रिहाइका लागि पूरक रिट दायर गरेकी थिइन् ।

रुवीलाई पक्राउ गरी नेपालगञ्ज लगिएपछि अदालतले बाँके प्रहरी कार्यालय सहित काठमाडौँ प्रहरी कार्यालयसम्मलाई आदेश दिएको छ । बाँकेमा प्रशस्त जग्गा जमिन भएका २ महिला बेपत्ता पारिएपछि त्यहाँका महिला अधिकारकर्मीहरूले घटनाको छानबिनको माग गर्दै धर्ना तथा आन्दोलन गर्दै आइरहेका छन् ।

सम्बन्धित समाचार

पीडितलाई क्षतिपूर्ति, घाइतेको निःशुल्क उपचार, बेपत्ताको तत्काल खोजी गर सरकार:पंचा सिंह
पीडितलाई क्षतिपूर्ति, घाइतेको निःशुल्क उपचार, बेपत्ताको तत्काल खोजी गर सरकार:पंचा सिंह
  • २०७८ आश्विन २६, १८: ५२: ०८

काठमाडौं । लगातारको वर्षाका कारण देशका विभिन्न ठाउँमा गएको बाढी, पहिरो र डुवानले मानवीय र धनजन तथा बाली नालीमा पुगेको...

जेसुकै भनून्, एमसीसी नेपालको हितमा छःप्रधानमन्त्री देउवा
जेसुकै भनून्, एमसीसी नेपालको हितमा छःप्रधानमन्त्री देउवा
  • २०७८ आश्विन २६, १८: ५२: ०८

काठमाडौं । सरकारलाई सर्वोच्च अदालतको परमादेश र जनादेश दुवै प्राप्त भएको प्रधानमन्त्री शेरबहादुर देउवाले बताएका छन् ।सञ्चारकर्मीसँग कुराकानी गर्दै नेपाली...

पहिरोमा परी १५ जनाको मृत्यु, २३ जना वेपत्ता
पहिरोमा परी १५ जनाको मृत्यु, २३ जना वेपत्ता
  • २०७८ आश्विन २६, १८: ५२: ०८

काठमाडौं । देशको विभिन्न भागमा आएको बाढी र पहिरोमा परी १५ जनाले ज्यान गुमाएका छन् । धेरै मानिस सम्पर्कविहीन छन्...

Happy Dashain