गृहमन्त्री रामबहादुर थापाकाे पिसिआर परिक्षण नेगेटिभ

नयाँ विकल्प,

काठमाडौं –गृहमन्त्री रामबहादुर थापा बादलकाे काेराेना परिक्षण पिसिआर परिक्षण नेगेटिभ आएको छ। गृहमन्त्रीका प्रेश सल्लाहाकार किरण भट्टराइका अनुसार शनिवार थापाकाे परिक्षणकाे रिपाेर्ट नेगेटिभ आएकाे हाे ।

थापा संगै हाेम आइसोलेसनमा बसेका रक्षामन्त्री इश्वर पोखरेलको कोरोना पिसिआर परिक्षण नेगेटिभ आएको छ ।

काेरोना संक्रमितसंग सम्पर्कमा आएका कारण संक्रमणको आशंकामा शुक्रबार रक्षामन्त्री पोखरेल र गृहमन्त्री थापा सेल्फ आइसोलेसनमा बसेका थिए । संक्रमणको आशंकामा स्वास्थ्यमन्त्री भानुभक्त ढकाल पनि सेल्फ आइसोलेसनमा बसेका छन् ।

कोभिड–१९ संकट व्यवस्थापन सेन्टर सीसीएमसी मा कार्यरत कार्यालय सहयोगीलाई संक्रमण देखिएपछि मन्त्रीत्रय होम आइसोलेसनमा बसेका हुन् ।

नेकपा सचिवालय सदस्य समेत रहेका रक्षा तथा उपप्रधानमन्त्री पोखरेल गृहमन्त्री थापा उपस्थित नभएपछि शनिवारकालागी तय भएको नेकपा को सचिवालय बैठक स्थगित गरिएको थियो ।
गृहमन्त्रालय स्रोतका अनुसार शुक्रबार थापा निजि निवासबाट बाहिर निस्केका छैनन । घरमा समेत उनि परिवारका अन्य सदस्यसंग पनि टाढै बसेका छन । थापाले कोरोना संक्रमण फैलिन सक्ने भन्दै राजनीतिक भेटघाट यसअघि नै बन्द गरेका थिए ।

स्थगित बैठक १८ भदौका लागि सरेको छ। बैठकमा पार्टी विवाद समाधानका लागि बनेको कार्यदलको प्रतिवेदनमाथि छलफल गर्ने कार्यसूची छ ।