एक साताको वृद्धिपछि घट्यो सेयर बजार, नेप्से २६.५१ अंकले घट्यो

नयाँ विकल्प
प्रकाशित मिती: २०८२ मंसिर १४, १५: ५५

काठमाडौँ । नेप्सेमा दोहोरो अंकको गिरावट आएको छ । आइतबार नेप्से २६.५१ अंकले घटेर २६४९. ५२ विन्दुमा पुगेर रोकिएको छ । बजार घट्दा ४५ कम्पनीको सेयर मूल्य बढेको छ । २११ कम्पनीको सेयर मूल्य घटेको नेप्सेले जनाएको छ ।

बजार घटे पनि कारोबार रकम भने उत्साहजनक नै देखिएको छ। आज कुल ७ अर्ब ८ करोड ५४ लाख ४९ हजार रुपैयाँ बराबरको सेयर खरिद-बिक्री भएको छ । आज ३४२ वटा स्क्रिप ८४ हजार १५६ पटकको कारोबारमा १ करोड ५७ लाख ३६ हजार ३७२ कित्ता सेयर खरिदबिक्री भएका छन् ।

आज सागर डिस्टिलरीको शेयरमा सकारात्मक सर्किट लागेको छ भने निफ्रा ग्रीन इनर्जी डिभेन्चर, स्वस्तिक लघुवित्त, झापा इनर्जी र श्रीनगर एग्रोको शेयर ९.९९ प्रतिशतले बढेको छ । त्यस्तै आज सबैभन्दा बढी एनआईएमबी डिभेन्चरको शेयर ८.९९ प्रतिशतले घटेको छ ।

त्यस्तै आज सबै भन्दा बढी हिमालयन रिइन्सुरेन्सको २३ करोड ५ लाखको कारोबार भएको छ भने जोशी हाइड्रोको २१ करोड ८१ लाख बराबर कारोबार भएको छ ।

सम्बन्धित समाचार

मधेश प्रदेश सरकारद्वारा मन्त्रिपरिषद् विस्तार

२०८२ मंसिर १४, १५: ५५

जनकपुरधाम : मधेश प्रदेश सरकारले मन्त्रिपरिषद् विस्तार गरेको छ । मुख्यमन्त्री कृष्णप्रसाद यादवको सिफारिसमा नियुक्त दुई मन्त्रीले सोमबार प्रदेश प्रमुख...