‘मितज्यू’ र ‘काजी’ आजदेखि एकसाथ प्रदर्शनमा

नयाँ विकल्प
प्रकाशित मिती: २०८३ जेष्ठ ८, ०९: २६

काठमाडौँ । आजदेखि दुई नेपाली फिल्म ‘मितज्यू’ र ‘काजी’ देशभर एकसाथ प्रदर्शनमा आएका छन्।

मितेरी साइनोको कथामा आधारित फिल्म ‘मितज्यू’ मा दयाहाङ राई, सौगात मल्ल, टेरिया फौजा मगर, पुष्कर गुरुङ, शिशिर वाङ्देल, राज थापा, सुवर्ण थापा, अनु थापा, स्मिता लामिछाने, अरुण पुन मगर, खड्गबहादुर पुन, अनुषा राईलगायत कलाकारहरूको अभिनय रहेको छ। अनिल बुढा मगरको निर्देशनमा बनेको यस फिल्मका लगानीकर्ता जनक घर्ती मगर हुन्।

त्यस्तै पारिवारिक प्रेमकथामा आधारित फिल्म ‘काजी’ मा विपिन कार्की र केकी अधिकारी मुख्य भूमिकामा देखिएका छन्। लक्ष्मण रिजालको निर्देशनमा बनेको यस फिल्ममा गरिमा शर्मा, प्रकाश घिमिरे, हेमन्त बुढाथोकी, विशाल पहारी, अनुराग कुँवर, हिउँवाला गौतमलगायत कलाकारहरूको अभिनय रहेको छ। यस फिल्मका निर्माता रामप्रसाद रिजाल हुन्।

प्रदर्शन व्यवस्थापनअनुसार ‘मितज्यू’ ले देशभर ११४ शो पाएको छ भने ‘काजी’ ले ८२ शो पाएको छ।

सम्बन्धित समाचार

६० वर्षपछि जगद्गुरु विधुशेखर भारतीको नेपाल भ्रमणले धार्मिक तथा सांस्कृतिक क्षेत्रमा उत्साह

२०८३ जेष्ठ ८, ०९: २६

नेपाल भारत धार्मिक तथा सांस्कृतिक क्षेत्रमा सदिँयौदेखि निरन्तर चल्दै आएको आपसी सम्बन्ध र धार्मिक अनुष्ठानका कार्यक्रमहरु हिन्दु धर्मावलम्बीहरुका लागि उच्च...