फिफा विश्वकप : ब्राजिल र मोरक्को १–१ को बराबरीमा, दुवैले बाँडे एक–एक अंक

काठमाडौँ । जारी फिफा विश्वकप फुटबलअन्तर्गत समूह ‘सी’ को खेलमा ब्राजिल र मोरक्कोले १–१ गोलको बराबरी खेलेका छन्। आइतबार बिहान सम्पन्न प्रतिस्पर्धात्मक खेलमा दुवै टोलीले एक–एक गोल गर्दै अंक बाँडेका हुन्।

मोरक्कोलाई खेलको २१औँ मिनेटमा इस्माइल सैबारीले गोल गर्दै सुरुआती अग्रता दिलाएका थिए। तर ब्राजिलले ३२औँ मिनेटमा भिनिसियस जुनियरको गोलमार्फत खेलमा पुनरागमन गर्दै बराबरी कायम गर्‍यो।

बाँकी समयमा दुवै टोलीले गोल गर्ने अवसर सिर्जना गरे पनि थप गोल हुन नसकेपछि खेल १–१ को बराबरीमा सकिएको हो। यस नतिजासँगै ब्राजिल र मोरक्कोले समूह चरणमा एक–एक अंक जोडेका छन्।

अब ब्राजिलले आगामी जुन २० मा हैटीविरुद्ध तथा जुन २५ मा स्कटल्यान्डविरुद्ध प्रतिस्पर्धा गर्नेछ। यस्तै, मोरक्कोले जुन २० मा स्कटल्यान्डसँग खेल्नेछ भने जुन २५ मा हैटीको सामना गर्ने तालिका रहेको छ।

सम्बन्धित समाचार

विश्वकप फुटबलमा मेक्सिकोको विजयी सुरुआत, दक्षिण अफ्रिकामाथि २–० को जित

• २०८३ जेष्ठ ३१, ०६: ५९

काठमाडौँ । आयोजक मेक्सिकोले फिफा विश्वकप फुटबलको उद्घाटन खेलमा दक्षिण अफ्रिकालाई २–० गोल अन्तरले पराजित गर्दै प्रतियोगितामा विजयी सुरुआत गरेको...

विश्वकप फुटबलको उद्घाटन खेलमा मेक्सिकोको जित

• २०८३ जेष्ठ ३१, ०६: ५९

काठमाडौं : मेक्सिकोले दक्षिण अफ्रिकालाई हराउँदै फिफा विश्वकप फुटबल २०२६ को उद्घाटन खेलमा सुखद् सुरुआत गरेको छ । मेक्सिकोको सिटी...

फिफा विश्वकप २०२६ आजदेखि, उद्‍घाटन खेलमा मेक्सिको र दक्षिण अफ्रिका भिड्दै

• २०८३ जेष्ठ ३१, ०६: ५९

काठमाडौं : विश्व फुटबलको महाकुम्भ, फिफा विश्वकप २०२६ को औपचारिक सुरुवात बिहीबार मेक्सिकोको ऐतिहासिक एस्टाडियो एजेका रंगशालामा हुँदैछ । उद्घाटन...