- अनामनगर काठमाडौँ
- infobikalpa21@gmail.com
काठमाडौं : नेपाली राष्ट्रिय क्रिकेट टोलीले एसिसी प्रिमियर कपमा विजयी सुरुवात गरेको छ । सोमबार भएको आफ्नो पहिलो खेलमा नेपालले बहराइनलाई ७ विकेटले पराजित गरेको हो ।
बहराइनले दिएको ८८ रनको लक्ष्य नेपाली टोलीले २१ ओभरमा ३ विकेटको क्षतिमा पूरा गर्यो । नेपालका लागि ओपनर अर्जुन कुमाल ३६ रनमा नटआउट रहे । उनले ५८ बलमा ५ चौका प्रहार गरे ।
रोहित पौडेल १९ रनमा अविजित रहे । उनले १४ बलमा १ चौका र १ छक्का प्रहार गरे । बहराइनका इमरान जावेदले २ विकेट लिए ।
त्यसअघि मलेसियाको बांगीमा टस हारेर पहिला ब्याटिङको निम्तो पाएको बहराइनले ३६.२ ओभरमा सवै विकेट गुमाउँदै ८७ रन बनाएको थियो । बहराइनको लागि फिआज अहमेदले १५ बलमा सर्वाधिक १५ रन बनाए ।
त्यस्तै मुहम्मद वासिमले १३ रन जोडे । त्यसबाहेक अन्य खेलाडीले दोहोरो अंकमा रन बनाउन सकेनन् ।
बहराइनलाई ८७ रनमा समेट्नेक्रममा नेपालका कप्तान सन्दीप लामिछानेले ५ विकेट लिए । यस्तै ललित नारायण राजवंशीले ३ विकेट लिँदा करण केसीले २ विकेट हात पारे ।
ललितपुर : नेपाली कांग्रेसकी सहमहामन्त्री डा. डिला संग्रौलाले पार्टीको १५औँ महाधिवेशन तोकिएकै समयमा सम्पन्न गर्नुपर्ने बताएकी छिन् । सोमबार बसेको...
काठमाडौं : नेपाल प्रिमियर लिग (एनपिएल) को प्रसारण अधिकार सम्बन्धी बोलपत्र प्रक्रियाबाट ओटिटी र टेलिभिजन दुवै माध्यम टुंगो लागेको छ...
काठमाडौं : स्वास्थ्य बीमा बोर्डले बाढी प्रभावित जिल्लाहरुमा बीमा सेवामा सहजीकरण गर्ने भएको छ । बोर्डले आज विज्ञप्ती जारी गर्दै यही...
