निर्माता संघमा थपिए केशब, विकाश र निश्चल | Naya Bikalpa
February 7, 2023, Tuesday

निर्माता संघमा थपिए केशब, विकाश र निश्चल

काठमाडौं । नेपाल चलचित्र निर्माता संघमा संघकै पूर्व महासचिब केशव भट्टराईलाई वरिष्ठ उपाध्यक्षमा मनोनित गरेको छ । संघको बिधानलाई संसोधन गरेर उनलाई बरिष्ठ उपाध्यक्षमा ल्याईएको हो ।
संघको कार्यलय गहनापोखरीमा शुक्रबार आयोजित कार्यक्रममा भट्राईलाई वरिष्ठ उपाध्यक्षमा मनोनित गरिएको अध्यक्ष आकाश अधिकारीले बताए । शुक्रबार नै कार्यसमिति सदस्यमा विकासराज आचार्य र निश्चल बस्नेतलाई पनि मनोनित गरिएको छ । दुवैको मनोनयन पनि संशोधित विधान अनुसार नै गरिएको हो ।
संघ अध्यक्ष आकाश अधिकारीले यसअघि एक दुईजनामात्र उपाध्यक्ष रहने व्यवस्था थियो भने कार्य समिति सदस्यमा पनि ११ जना सदस्य रहने व्यवस्था भएको बताए । जसमध्ये ९ जना चुनावबाट र दुई जना कार्यसमितिले छनोट गर्ने व्यवस्था थियो । नयाँ संशोधन अनुसार १२ जना चुनावबाट र २ जना मनोनयनबाट कार्यसमितिमा छनोट हुनेछन् । योसँगै निर्माता संघ २१ सदस्यीय कार्यसमितिमा रुपान्तरण भएको पनि उनले प्रकाश पारे ।
अध्यक्ष अधिकारीले निर्माताको हकहितका लागि थप संगठित हुनु पर्ने आवश्यकता महसुस गरि संसोधनमार्फत् कार्यसमिति सदस्यको संख्या बढाएको बताउँदै भने, ‘हिजोको अनुभव र आजको जोशलाई एक ठाउँ भेला गरेर निर्माता संघलाई गतिशील बनाउन नयाँ सदस्यलाई संघमा आबद्ध गराएका हौं । योसँगै हामीले हाम्रो कार्यकालमा गर्ने भनी अगाडि सारेका एजेन्डामा सक्रियतापूर्वक लाग्नेछौं।
अध्यक्ष अधिकारीले बक्स अफिस, फिल्म रिलिज र सेयर बाँडफाँडका सम्बन्धमा सरोकारवालाहरुसँग तदारुकताका साथ वार्ता गर्ने पनि जानकारी गराए । मनोनित तीनै जनाले कार्यसमितिको निर्णाया अनुसार अगाडि बढ्ने पनि उनले जानकारी गराए ।

सम्बन्धित समाचार

पनौतीमा पुसदेखि प्याराग्लाइडिङ
पनौतीमा पुसदेखि प्याराग्लाइडिङ
  • २०७४ कार्तिक २७, ०९: ४४

काभ्रे । पनौती नगरस्थित कुशादेवी क्षेत्रमा आउँदो पुसदेखि प्याराग्लाइडिङ सञ्चालन हुने भएको छ । संस्कृति, पर्यटन तथा नागरिक उड्डयन मन्त्रालयले...

मनिषा कोइरालाले आज वसन्तपुर डबलीमा सम्बाेधन गर्दै
मनिषा कोइरालाले आज वसन्तपुर डबलीमा सम्बाेधन गर्दै
  • २०७४ कार्तिक २७, ०९: ४४

काठमाडौं । राष्ट्रिय प्रजातन्त्र पार्टीले आज काठमाडौंको वसन्तपुर डबलीमा चुनावी सभा गर्दैछ । दिउँसो १ बजे हुने सभामा अध्यक्ष राजेन्द्र...

सुर्खेतमा चलचित्र महोत्सव
सुर्खेतमा चलचित्र महोत्सव
  • २०७४ कार्तिक २७, ०९: ४४

सुर्खेत । युरोपियन युनियनको प्रतिनिधिमण्डलले पहिलोपटक सुर्खेतमा आयोजना गरेको ११औँ संस्करणको नेपाल–युरोपियन युनियन चलचित्र महोत्सव जारी छ ।कात्तिक १९ गतेदेखि...