- अनामनगर काठमाडौँ
- infobikalpa21@gmail.com
काठमाडौं । आजदेखि नेपाल संवत् ११४७ सुरु भएको छ । नयाँ वर्षको पहिलो दिन आज नेवार समुदायले म्हः पूजा गरी हर्षोल्लासका साथ नेपाल संवत्को नयाँ वर्ष मनाउँदैछन् ।
म्हः पूजाका अवसरमा नेवार समुदायले आफ्नै शरीरको पूजा गरी सुस्वास्थ्य, दीर्घायु, सुख, शान्ति र समृद्धिको कामना गर्ने परम्परा रहेको छ । यस दिन परिवारका सबै सदस्य एकै ठाउँमा भेला भएर मण्डप बनाई विधिपूर्वक आफ्नो पूजा गर्ने चलन छ ।
म्हः पूजाका क्रममा चामल, फूल, फलफूल, बत्ती लगायतका पूजा सामग्री प्रयोग गरी मण्डप सजाइन्छ । त्यसपछि परिवारका सदस्यले विधिपूर्वक पूजा गरी सगुन ग्रहण गर्ने परम्परा छ ।
नेपाल संवत् नेपालको मौलिक राष्ट्रिय संवत् हो । राष्ट्रिय विभूति शंखधर साख्वाले जनताको ऋणमोचन गरी नेपाल संवत् सुरु गरेको ऐतिहासिक मान्यता छ ।
नेपाल संवत्को नयाँ वर्षका अवसरमा काठमाडौं उपत्यकाका विभिन्न स्थानमा सांस्कृतिक झाँकी, र्याली तथा शुभकामना आदानप्रदानका कार्यक्रम आयोजना गरिन्छन् । यस पर्वले नेवार समुदायको मौलिक संस्कृति, परम्परा र पहिचान संरक्षण तथा प्रवर्द्धनमा महत्वपूर्ण भूमिका खेल्दै आएको छ ।
काठमाडौं : हाल देशमा पश्चिमी वायुको आंशिक प्रभाव रहेको तथा हिमाली र पहाडी भागमा आंशिक बादल लागेको छ । मौसम...
काठमाडौं : नेपाल प्रिमियर लिग (एनपिएल)मा आज लिग चरणका अन्तिम दुई खेल हुँदै छन् । आज कीर्तिपुरस्थित त्रिवि क्रिकेट मैदानमा...
काठमाडौं । सूर्यदेवको आराधना, प्रकृतिप्रतिको सम्मान तथा पारिवारिक सुख, शान्ति र समृद्धिको कामनासहित आज देशभर छठ पर्व मनाइँदैछ । चार...
