शहीद स्मारक ए डिभिजन लिग शुरू

नयाँ विकल्प संवाददाता
प्रकाशित मिती: २०७८ मंसिर ३, १७: २४

काठमाडौं । काठमाडौंको त्रिपुरेश्वरस्थित दशरथ रंगशालामा शहीद स्मारक ए डिभिजन लिग २०७८ शुक्रबारदेखि सुरु भएको छ ।
फ्रेण्ड्स क्लब कुपण्डोल र नवप्रवेशी सातदोबाटो युथ क्लबबीच उद्घाटन खेल रंगशालामा ४ः४५ बजेबाट सुरु भएको हो । पहिलो पटक ए डिभिजन लिगको खेल फ्लड लाइटमा खेलाएको अखिल नेपाल फुटबल संघ (एन्फा)ले जनाएको हो ।

एन्फाले बिहीबार प्रि–लिग कन्फ्रेन्स आयोजना गरेको थियो जसमा प्राविधिक कारणबस हिमालय शेर्पा क्वब हुन सकेन भने १३ क्लबका प्रशिक्षक र कप्तानले लिगको तयारीबारे बोलेका थिए ।

एन्फाका अनुसार लिगको विजेताले नगद ७५ लाख, उपविजेताले ५० लाख र तेस्रोले २५ लाख प्राप्त गर्ने छन् । लिगमा १४ क्लबले प्रतिस्पर्धा गर्ने बताइएको छ ।

लिगको सर्वाधिक ८ पटकको च्याम्पियन मनाङ, साविक विजेता मछिन्द्र फुटबल क्लब, साविक उपविजेता त्रिभुवन आर्मी, क्लब थ्री स्टार, नेपाल पुलिस क्लब, संकटा क्लब र एनआरटीबीच प्रतिस्पर्धा हुने एन्फाले जानकारी दिएको छ ।

सम्बन्धित समाचार

नेपाललाई ‘नन् करप्ट’ राष्ट्रको पहिचान दिन प्रधानमन्त्रीको आग्रह

२०७८ मंसिर ३, १७: २४

काठमाडौं : प्रधानमन्त्री केपी शर्मा ओलीले जनतालाई सहजरुपमा सेवा दिँदै नेपाललाई ‘नन् करप्ट’ राष्ट्रको पहिचान दिन निजामती कर्मचारीहरूलाई आग्रह गरेका छन्...