कानून व्यवसायीहरूको आन्दोलन जारी

नयाँ विकल्प संवाददाता
प्रकाशित मिती: २०७८ मंसिर ६, १४: २५

काठमाडाैं । प्रधानन्यायाधीश चोलेन्द्रशम्शेर जबराको राजीनामा माग गर्दै नेपाल बार एसोसिएसनले सोमबार पनि धर्ना दिएको छ ।कानून व्यवसायीहरुले तेस्रो चरणको आन्दोलनअन्तर्गत सोमबार सर्वोच्च परिसरमा धर्ना कार्यक्रम गरका थिए ।

सर्वोच्च परिसरमा अदालको सुरक्षाका लागि खटाइएका दंगा प्रहरीहरु सोमबार हटाइएको सर्वोच्च अदालतले जनाएको छ । वकिलहरुले सर्वोच्च अदालत परिसरमा प्रधानन्यायाधीश चोलेन्द्र शमशेर जबराका विरुद्ध चर्का नाराहरु लगाएका थिए ।

धर्नापछि नेपाल बार एशोसिएसनमा आयोजित विरोध सभामा अध्यक्ष चण्डेश्वर श्रेष्ठले प्रधानन्यायाधीश जबरा न्यायलयको नेतृत्वमा असफल सावित भएको र न्यायलयमा मौलाएको विकृति, विशंगति र ब्याप्त भ्रष्टचारको नाइके भएको बताउदै राजीनामाको बिकल्प नरहेको बताए ।

अध्यक्ष श्रेष्ठले अदालतमा सेवाग्राहीहरु जबराका कारण तीन वर्षदेखि अन्यायमा परिरहेको र बिचौलियामार्फत प्रधानन्यायाधीश जबराले फाइदाका मुद्धामात्र हेर्ने गरेको आरोप लगाए ।

न्यायलयको शुद्धिकरणका लागि प्रधानन्यायाधीश जबराको राजीनामा माग गर्दै नेपाल बार एसोसिएसनको नेतृत्वमा कानून व्यवसायीहरु विगत तीन सातादेखि आन्दोलनरत छन् ।

सम्बन्धित समाचार

नेपाललाई ‘नन् करप्ट’ राष्ट्रको पहिचान दिन प्रधानमन्त्रीको आग्रह

२०७८ मंसिर ६, १४: २५

काठमाडौं : प्रधानमन्त्री केपी शर्मा ओलीले जनतालाई सहजरुपमा सेवा दिँदै नेपाललाई ‘नन् करप्ट’ राष्ट्रको पहिचान दिन निजामती कर्मचारीहरूलाई आग्रह गरेका छन्...