गाउँमै मुटु तथा फोक्सोको परीक्षण

नयाँ विकल्प संवाददाता
प्रकाशित मिती: २०७९ भाद्र ९, ११: १९

मोरङ । विराटनगरस्थित नोबेल शिक्षण अस्पतालका सञ्चालक डा. सुनील शर्माले मोरङका वृद्धवृद्धाहरुलाई गाउँमै मुटु तथा फोक्सो रोगको परीक्षण गराइदिएका छन् । नोबेलबाट विशेषज्ञ डाक्टरहरुको टोली पठाएर डा. शर्माले वृद्धवृद्धाहरुलाई गाउँमै स्वास्थ्य परीक्षण तथा उपचारको व्यवस्था मिलाइदिएका हुन् ।

ज्येष्ठ नागरिकलाई लक्षित गर्दै पथरी मुटु तथा फोक्सो रोग परीक्षण शिविर सञ्चालन गरिएको हो । शिविरमा स्थानीय १७५ जना वृद्धवृद्धाको मुटु तथा फोक्सो परीक्षण गरिएको छ । वृद्धवृद्धाको उपचारका लागि नोबेलका निर्देशक एवं मुटुरोग बिशेषज्ञ डाक्टर राजेश नेपालको नेतृत्वमा डाक्टरहरुको टोली शिविरमा पुगेको थियो ।

शिविरमा १६५ जना वृद्धवृद्धाको मुटुको जाँच (इको) गरिएको छ ।जसमध्ये ५५ जना वृद्धवृद्धालाई थप उपचार गर्नुपर्ने देखिएकाले उनीहरुलाई नोबेल अस्पतालमा नोबेलकै गाडीमा ल्याएर उपचारपछि घरसम्म पुर्याउने व्यवस्था मिलाइएको नोबेलका प्रवन्धक नारायण दाहालले बताए ।

डा. शर्माले वृद्धवृद्धालाई अस्पताल ल्याउने, अस्पतालमा सम्पूर्ण उपचार निःशुल्क गर्ने र उपचार पश्चात घर पुर्याउने व्यवस्था व्यवस्था समेत मिलाएका थिए। समाजसेवी डा. शर्मा बेलवारी निवासी हुन् ।

उनीले बिरामीहरुलाई वर्षौं अघिदेखि निःशुल्क एवं विशेष छुटमा उपचार गराउँदै आएका छन् । डा. शर्माले सोही क्षेत्रमा एम्बुलेन्स क्याम्प पनि सञ्चालन गराइरहेका छन् ।

सम्बन्धित समाचार

नेपाललाई ‘नन् करप्ट’ राष्ट्रको पहिचान दिन प्रधानमन्त्रीको आग्रह

२०७९ भाद्र ९, ११: १९

काठमाडौं : प्रधानमन्त्री केपी शर्मा ओलीले जनतालाई सहजरुपमा सेवा दिँदै नेपाललाई ‘नन् करप्ट’ राष्ट्रको पहिचान दिन निजामती कर्मचारीहरूलाई आग्रह गरेका छन्...