शुक्रबार पनि ओरालो यात्रामा नेप्से, एक अर्ब माथिको कारोबार

नयाँ विकल्प संवाददाता
प्रकाशित मिती: २०७९ भाद्र १०, १५: ४३

काठमाडौं । नेप्से साताको कारोबारको अन्तिम दिन शुक्रबार दोहोरो अंकले घटेको छ । आज नेप्से १६.९३ अंकले घटेर दुई हजार २२ दशमलब ६२ विन्दुमा रोकिएको छ । आज नेप्सेमा एक अर्ब २९ करोड ४८ लाख रुपैयाँ बराबरको कारोबार भएको नेप्सेले जनाएको छ ।

नेप्सेका अनुसार आज कारोबार भएका कम्पनीमध्ये १० वटा कम्पनीको शेयरमूल्य बढेको छ भने १७२ वटा कम्पनीको शेयरमूल्य घटेको छ भने ४ कम्पनीको शेयरमूल्य स्थिर रहेको छ । यसमध्ये दुई कम्पनीको शेयरमूल्यमा उच्च वृद्धि भएको छ । लाइफ इन्स्योरेन्स कर्पोरेसनको शेयरमूल्य आज ५.९५ अंकले बढेर प्रतिकित्ता १४४५ रुपैयाँ पुगेको छ भने अप्पर हेवाखोला हाइड्रोपावर कम्पनीको शेयरमूल्य ५।३८ प्रतिशतले बढेर प्रतिकित्ता ३८४ रुपैयाँ पुगेको छ ।

आज पञ्चकन्यामाइ हाइड्रोपावर र कालिका पावर कम्पनीको सबैभन्दा बढी गिरावट भएको छ । यसको शेयरमूल्य ४ प्रतिशत भन्दा बढीले घटेको हो । कारोबारको आधारमा आज सबैभन्दा बढी हिमाल दोलखा हाइड्रोपावरको भएको छ । आज यस कम्पनीको ६ करोड ६८ लाख भन्दा बढीको कारोबार भएको नेप्सेले बताएको छ ।

सम्बन्धित समाचार

नेपाललाई ‘नन् करप्ट’ राष्ट्रको पहिचान दिन प्रधानमन्त्रीको आग्रह

२०७९ भाद्र १०, १५: ४३

काठमाडौं : प्रधानमन्त्री केपी शर्मा ओलीले जनतालाई सहजरुपमा सेवा दिँदै नेपाललाई ‘नन् करप्ट’ राष्ट्रको पहिचान दिन निजामती कर्मचारीहरूलाई आग्रह गरेका छन्...