पत्रकारमाथि भएको कुटपिट घटना अत्यन्त निन्दनीय : पत्रकार महासंघ | Naya Bikalpa
September 29, 2022, Thursday

पत्रकारमाथि भएको कुटपिट घटना अत्यन्त निन्दनीय : पत्रकार महासंघ

काठमाडौं । नेपाल पत्रकार महासंघले अनलाइनपानाका दुई पत्रकारमाथि भएको कुटपिट घटनाप्रति गम्भीर आपत्ति जनाएको छ । स्वतन्त्रपूर्वक सञ्चारकर्ममा जुटेका पत्रकारमाथि भएको कुटपिटको घटना अत्यन्त निन्दनीय र प्रेसविरोधी हर्कत भएको महासंघले बताएको छ ।

‘समाचार संकलनका क्रममा अनलाइनपाना डटकमका प्रधानसम्पादक नारायणप्रसाद अधिकारी र पत्रकार शालिक भट्टमाथि अज्ञात समुहले कुटपिट गरी घाइते बनाएको घटनाप्रति नेपाल पत्रकार महासंघको ध्यानाकर्षण भएको छ’, महासंघका महासचिव रोसन पुरीद्वारा जारी विज्ञप्तिमा भनिएको छ, ‘स्वतन्त्रपूर्वक सञ्चारकर्ममा जुटेका पत्रकारमाथि भएको कुटपिटको यो घटना अत्यन्त निन्दनीय र प्रेसविरोधी हर्कत हुन् ।’

महासंघले घटनामा संलग्नलाई तत्काल पहिचान गरी कानुनी दायरामा ल्याउन र पत्रकारलाई सुरक्षाको प्रत्याभूति दिलाउन सम्बन्धित पक्षसँग माग समेत गरेको छ ।

सर्लाहीको बागमती नगरपालिकामा रिर्पोटिङ गर्न पुगेका अनलाइपानाका प्रधान सम्पादक अधिकारी र पत्रकार भट्टमाथि बुधबार सांघातिक आक्रमण भएको थियो । रिर्पोटिङ गरेर काठमाडौं फर्कने क्रममा बागमती नगरपालिकाका मेयर भरतकुमार थापाका भाइ रामकुमार सहितको समूहले पत्रकारद्वयमाथि बाटैमाथि गाडी रोकेर कुटपिट गरेको थियो ।

सम्बन्धित समाचार

फ्लोरिडामा शक्तिशाली तुफान
फ्लोरिडामा शक्तिशाली तुफान
  • २०७९ आश्विन ६, १७: ५९

एजेन्सी । अमेरिकाको फ्लोरिडा राज्यस्थित दक्षिण–पश्चिमी तटमा शक्तिशाली तुफान इयानको प्रकोप देखिएको छ।इयानको कारण भारी वर्षा र बाढी आएको छ...

कांग्रेसले प्रतिनिधिसभामा ८६ सिट पाउने्
कांग्रेसले प्रतिनिधिसभामा ८६ सिट पाउने्
  • २०७९ आश्विन ६, १७: ५९

काठमाडौं । नेपाली काँग्रेसले प्रतिनिधिसभामा गठबन्धनबाट ८६ सिट पाउने भएको छ । सत्ता गठबन्धनको बसेको बैठकमा कांग्रेसले ८६ सिट पाउने...

नक्कली प्रहरी द्वारा ललितपुरको एक घरमा लुटपाट
नक्कली प्रहरी द्वारा ललितपुरको एक घरमा लुटपाट
  • २०७९ आश्विन ६, १७: ५९

काठमाण्डौ । महालक्ष्मी नगरपालिका–८ लुभुको चसी टोलमा रहेको विष्णुकुमारी गोलेको घरमा लुटपाट भएको हो । आफूहरु प्रहरी भएको र सुरक्षा...