चर्चित युवा नेता थापाले डा. भट्टराईलाई ठूलो मतान्तरले पछारे | Naya Bikalpa
December 5, 2022, Monday

चर्चित युवा नेता थापाले डा. भट्टराईलाई ठूलो मतान्तरले पछारे

काठमाडौं । नेपाली कांग्रेसका चर्चित युवा नेता थापाले डा. राजन भट्टराइृलाई ठूलो मतान्तरले पछारेका छन् । काठमाडौं क्षेत्र नं. ४ मा नेपाली कांग्रेसका महामन्त्रीसमेत रहेका गगन थापाले बिजय हासिल गरेका हुन् । थापाले २१ हजार ३ सय २ मत ल्याएर बिजयी भएका हुन् । थापाले काठमाडौं ४ बाट चौथो पटक बिजयी प्राप्त गरेका छन् ।

थापाका निकटतम प्रतिद्धन्द्धी नेकपा एमालेका राजन भट्टराईले १३ हजार ८ सय ५५ मत प्राप्त गरेका छन् । थापाको भन्दा भट्टराईको ७ हजार ४ सय ४७ मत कम हो । उक्त निर्वाचन क्षेत्रमा ४५ हजार ५ सय ३ मत खसेको थियो ।

थापाले २१ हजार ३०१ मत पाए भने नेकपा एमालेका उम्‍मेदवार १३ हजार ८५५ मात्र मत ल्याए । ०७४ मा पनि थापाले एमालेका भट्टराईलाई नै पराजित गरेका थिए । त्यो चुनावमा वाम गठबन्धनका तर्फबाट एमालेका भट्टराई प्रतिस्पर्धामा थिए । तर ३२ सय मतान्तरले थापाले जितेका थिए ।

राप्रपाका डा ठाकुर मोहन श्रेष्ठले ४ हजार ५० मत पाउँदा स्वतन्त्र अर्जुन कुमार पर्साइले २ हजार ३०८ मत पाएका थिए ।

२०५७ मा नेविसंघ केन्द्रीय उपाध्यक्ष बन्दै २०५९ सालमा नेविसंघको महामन्त्रीको पद सम्हाले थापा २०६८ मा कांग्रेसको केन्द्रीय सदस्यमा निर्वाचित भएका थिए । २०७२ सालमा कांग्रेस केन्द्रीय सदस्यमा मनोनीत भएका ०७८ सालमा कांग्रेस महामन्त्रीमा निर्वाचित भएका थिए ।

२०६४ सालको संविधानसभा निर्वाचनमा समानुपातिक सांसद बनेका थिए । त्यसपछि लगातार काठमाडौं ४ मा प्रत्यक्ष चुनाव जित्दै आएका छन् । यो सहित राजन भट्टराईलाई थापाले २ पटक पराजित गरेका छन् ।

सम्बन्धित समाचार

कांग्रेस‌ बन्यो प्रत्यक्षतर्फ पहिलो दल
कांग्रेस‌ बन्यो प्रत्यक्षतर्फ पहिलो दल
  • २०७९ मंसिर ६, १२: २२

नयाँ विकल्प, काठमाडौं -‌ मंसिर ४ गते सम्पन्न आम निर्वाचनको प्रत्यक्षतर्फ १६५ वटै निर्वाचन क्षेत्रको अन्तिम मतपरिणाम घोषणा भएको छ...

हाल कायम रहेको गठबन्धनलाई निरन्तरता दिने सत्ता गठबन्धनको निर्णय
हाल कायम रहेको गठबन्धनलाई निरन्तरता दिने सत्ता गठबन्धनको निर्णय
  • २०७९ मंसिर ६, १२: २२

नयाँ विकल्प, काठमाडौं – सत्ता गठबन्धनको बैठकले हाल कायम रहेको गठबन्धनलाई निरन्तरता दिने निर्णय गरेको छ। सोमबार प्रधानमन्त्री निवास बालुवाटारमा...

समपूरक र विशेष अनुदान लिन प्रदेश र स्थानीय तहसँग प्रस्ताव माग
समपूरक र विशेष अनुदान लिन प्रदेश र स्थानीय तहसँग प्रस्ताव माग
  • २०७९ मंसिर ६, १२: २२

काठमाडौं । राष्ट्रिय योजना आयोगले आगामी आर्थिक वर्ष २०८०/८१ का लागि सङ्घीय समपूरक र विशेष अनुदानअन्तर्गत प्रदेश सरकार र स्थानीय...