फरेन्सिक विज्ञद्वारा शव पहिचान शुरु, पहिचान नभएका शब काठमाडौ लगिने

नयाँ विकल्प
प्रकाशित मिती: २०७९ माघ २, १६: ५८

पोखरा । काठमाडौंबाट पोखरा आएका दुई फरेन्सिक विज्ञहरुले शव पहिचान कार्य शुरु गरेका छन् ।

यति एयरलाइन्सको विमान दुर्घटनामा मृत्यु भएकाहरुको शव पहिचानका लागि काठमाडौंबाट आएका त्रिभुवन विश्वविद्यालय शिक्षण अस्पताल महाराजगञ्जका फरेन्सिक विशेषज्ञ डा. गोपाल चौधरी र डा.समारिका दाहालले पोखरा आएर शवको परीक्षण थालेका हुन् ।

जहाज दुर्घटनामा निधन भएका यात्रुको पहिचान तथा पोष्टमार्टमका लागि पोखरा र काठमाडौंका विज्ञ चिकित्सक सहितको टिम बनाइएको र टिमले काम थालेको पोखरा स्वास्थ्य विज्ञान प्रतिष्ठानका निर्देशक डा. भरतबहादुर खत्रीले जानकारी दिए ।

पोखरामा आफन्त भएका नागरिकको शवलाई प्रतिष्ठानमा पोष्टमार्टम गर्ने र अन्य चालक दलका सदस्य विदेशी यात्रु नचिनिने अवस्थामा भएका शवलाई काठमाडौं पठाउने तयारी भइकाृ छ ।

नेपाल नागरिक उड्ययन प्राधिकरणका अधिकारीहरुका अनुसार दुर्घटनाग्रस्त विमानमा सवार ७२ मध्ये ६९ जनाको शव भेटिएको छ । चार जनाको शवको खोजी भइरहेको छ । भेटिएका शवमध्ये २६ जनाको पहिचान भएको छ ।

दुर्घटनास्थलबाट निकालिएको शवहरु पोखरा स्वास्थ्य प्रतिष्ठानमा राखिएको छ ।